تعالي ..وين رايحة شفتك يا أم ركب سودا ...اول شي.. ارحب بطلتك الحلوة................................... هنا يا قلبي جميعة البنات المفحمات (فرع الرياض وماحولها) مهمتنا السعي لحياة أسهل وكل بنوتة فيها اكثر من 1سم مربع سواد تعتبر عضو في هذي الجمعية بشكل اوتوماتيكي...................................................................يافشلاتاااااااه
لكن ولايهمك محلولة باذن الله بس ابغى منك شوية صبر وشوية مواظبة وخلي الباقي علي:
طيب على الموضوع:
حبيبتي ظمأ الغلا : أبيت اني افتح موضوع وما ادعي لك ............الله يوفقك الله يوفقك الله يوفقك يـــــــــــارب
الكثير من البنات تعاني من خشونة واختلاف لون كوع الايدين والركب.....مع ان عندنا في السعودية مافي كثير منهم وراح تتأكدون بعينكم من هذا الشي من خلال عدد الردود والمشاهدات على الموضوع...!!!!!!!!.. الا اني انا العبدة لله(حولاة ومشيتها عوجة) كنت وحدة منهم....وكوني بديت اولى مراحل حياتي رافعة شعار (خلطها) اكتسبت خبرة والله غير عادية في كل شيئ يخص البشرة ولله الحمد....وبقدرة الله وصلت مرادي في كل شيئ يخص البشرة بس بعد خلطات كل من هب ودب وخليطات ومخاليط وخليط كل من جرب واستفاد او ما استفاد ...كلها تقريبا جربتها على نفسي او على بنات كانو مهووسين بشعار خلطها مثلي....الحين تقريبا كل البنات هذي بدت اسنانهم تطيح يعني عجزو الا ... وانا معهم الا اننا والله والحمدلله نلق لق من البياض والنعومة وهذا بفضل الله وقوة الارادة ....طيب الخبرة الي اخذناها بتجاربنا وتصميمنا شلون نستفيد منها ؟؟؟انا شفت انه اكثر فايدة هو كسب اكثر قدر ممكن من الدعوات العلم ان لم تنفع فيه نفسك لو غيرك فلا فائدة منه......... وظيفة ومافي كنت موظفة بوظيفة الحمدلله حلووة بس ابو العريف الله يحفظه ويحفظ لكم أزواجكم (أبى واستكبر) ههه ..ودراسة برا و الوالد الله يحفظه ما يسمح حتى في النقاش فيها مع كان ودي لو درست اخصائية جلدية او تجميل والله ماقدر لي هذا الشي ويمكن ان الله كتبلي الخير في شي ثاني وما صرت اخصائية تجميل حتى ما ارفع خشمي عليكم كخخخخ....... لذلك راح اعطيكي وصفة بس على شرط اول شي دعواتك وثاني شي تكوني متأكدة من النتيجة بعد انتهاء مدة البرنامج لان باذن الله اذا قالت (حولاة ومشيتها عوجة) ذي الخلطة 100% يعني 200% ومو بس 100%... والنتيجة تظل معك على الاقل على الاقل سنة....طيب اليك البرنامج من بعد اذن طويلات العمر اساتذتنا المشرفات القمورات....هذا البرنامج حتى لوكنتي تفحطي على ركبك واكواع ايدينك راح ترجع بيضة وناعمة ان شاء الله وغصبن عن الخلطة نفسها باذن الله تعالى.
يالله........نبدأ:
*المكونات:1-الاكرتين في البداية تركيز0.025.
2-ديبروساليك او ساليبت ان ماحصلتي الاول لانه في الفترة الاخيرة قل حبتين.(على فكرة فيهم نسبة كورتيزون ذي العصارات ومثل ما نعرف الكل ان الكورتيزون ملعون والدين لانه يرقق الجلد واثار جانبية اخرى الا انه على الاكواع والركب ماله ذاك الضرر والمطلوب هنا ترقق الجلد لذلك لاتخافي منه على هذه المناطق ابد ابد. باستثناء الي يعانون من ارتفاع شديد في السكر والضغط عافاكم الله.
3-اليدوكوين 4% يلزم في مرحلة ثانية.
4-مغلي البابونج+ليمون(ملعقة كبيرة على كوب ماء مغلى وبعد ربع ساعة نصفيه ونضيف 2ملعقة عصير ليمون) الليمون ان لم يوجد اوكنتي كسولة ممكن بدونها وان وجد يكون أفضل.
5-ليفة +صابون مغربي+2ملعقة زيت زيتون( يلزمنا مرة واحدةبس؟)
نبدأ بالاكريتين دهن مرة يوميا مساءا وبشكل متواصل يوميا لمدة 20 يوم والصباح في كل مرة تفركيها (الركب والاكواع او حتى تصلح لمفاصل الاصابع) بمغلي البابونج فركة خفيفة خفيفة لان الفرك الشديد مع الاكرتين مصيبة ..وبعد ال20 يوم يا قمر نزيد تركيز الاكريتين الى 0.50 ندهنه مساءا وفي الصباح غسيل مع فركة خفيفة خفيفة حيل يعني اسم غسيل مع مسحة مسحتين بيدينك على الركب والاكواع وبعدها ننشفها وندهن الديبروساليك (كل واحد على حدا ..واحد الصبح وواحد المسا)...اوكى لحد الحين اظن كل شي مفهوم ..؟؟ زين زين ...نكمل الله يحفظكم.. تظلين يا قلبي على الحالة ذي 30 يوم بعد وما عدا ال20 يوم الاولية طيب طيب...بعدها خلاص الرجال راعي الخير الاكرتين مهمته هين انتهت (على فكرة في البداية ممكن يزيد السواد شوية لاتخافي).. هين عاد يلزمنا دش على كيفك مع بخار ونكون مجهزين الليفة المغربية والصابون المغربي الاصلي بعد بخار الحمام الله يكرمكم لمدة شي 5-10 دقابق في حمام البيبت ممكن الله يكرمكم.. تحطين الصابون المغربي على ركبك واكواعك وتتركينه بعد 10 دقايق وبعدها فرك فرك وفرك وبعد ماتخلصي فرك مرة ثانية فرك وفرك.. يعني 3 دقايق تقريبا كل ركبة او مفصل وخلاص ننشف ونخرج من الدش وبعد التنشف دهنة زيت زيتون خفيفة وثاني يوم باذن الله نبدأ باستخدام اليدوكويين 4% مع الديبروساليك والكمية لازم تكون ثلاث ارباع اليدوكوين وربع بس ديبروساليك ... ولا تخلطي ابد العصاريين مع بعضهم في علبة. هذا غلط فادح يلغي 80% من فعالية الخلطة غير انه الاليدوكوين والي يحتوي على الهيدروكينون حساس جدا ويتخرب بالضوء واذا طلع من العصارة تقريبا خلاص فعاليته تكون راحت وتعرض للاكسدة ..والطريقة الصحيحة هي انك في كل مرة تخلطي على ايدينك من هذا الكمية المطلوبة ومن ذاك الكمية المطلوبة وتدهني بهم صبح ومسا ولاتنسي مغلي البابونج ومو شرط يومي يكون الغسل في البابونج في ذي المرحلة وممكن تكون يوم بعد يوم او كل يوميين حتى...والخطوة الي بعدها خلاص تجلسي 5 دقائق تدعين لي فيها بظهر الغيب يعني الشغلة مضمونة ..والدفع يكون بعد حصولك على النتيجة ومرادك باذن الواحد الاحد. طريقة الدفع سهلة جدا جدا لاتحتاج صرافة ولا شيك بس دعوتين ثلاث من الدعوات الطيبة الي تحبين الناس يدعون لك فيها.
اشوفكم على خير لاتنسونا من صالح الدعاء وانا جاهزة للرد على اسئلتكم حتى لو رديت ثاني يوم لاتزعلون لان عندي موضوعيين بعد ومتابعتهم... ومسموح لي بس 3 مشاركات باليوم الله يحفظكم ويسعدكم يارب وين ما اتجهتم........وعلى فكرة كل موضوع اناكاتبته بأسلوب يختلف عن الاخر لكن القلب واحد ومحبتي لكم ولجميع المسلمين وحدة ولايمكن تتغير.:39::39::39:
تسلمي والله حفظته بالمفضلة لاني يبغالي اقراه بتركيز اكثر...