تبغي تنظفي بيتك ويرجع جديد تعالي شاركي معانا حملة تنظيف

السلام عليكم

كيفكم يابنات ؟ وكيف حوسة الاجازه

بالنسبه لي صايبني كسل الله لايوريكم ماعاد اقدر اقوم من مكاني والله حر موت وجايبلي كسل يادوب اقوم انظف الشي الضروري وغير كذا على الله

فقررت نتعاون ونشجع بعض وننظف كل يوم غرفه ايش رايكم

بس ننظف كل غرفه من قلب مو اي كلام ونرجعها كانها جديده

هااااااااااا شو رايكم

اللي بتبدا وتشارك معايا تحط الموضوع بالمفضله عندها عشان ماتنسى تجيي وتشاركنا وتخبرنا ايش نظفت وتشجعنا ونشجعها

نبغى نبدا يوم الاثنين مين يبغى يشاركني

والنتيجه اكيد راح ننبسط منها

يوم الاثنين حيكون لغرفة الجلوس
ننظف الجدران والكنب والسجاد وبالنسبه ليي حشيل السجاده وانظف تحتها
وانظف التحف والمكتبه والتلفزيون وكله كله

يالله بدا التسجيل