السلام عليكم
طبعا كل أم تتمنى تدرس طفلها في أحسن روضه أو مدرسه
طبعا أنا بعرض عليكم مميزات لروضه درست فيها شخصيا xxxxوهذا بعض مما رأيته ووجدته داخل هذه الروضه
1- الفصل صغير ولا يستوعب عدد الأطفال يعني حجم الفصل تقريبا(4*4)وعدد الأطفال 16
2- التهوية شبه معدومة والمكيفات الله أعلم بحالها والإضاءة ضعيفه
3-الكتب والألعاب غير مناسبه لسن الاطفال
4-والألعاب غير نظيفه وقليله لا تكفي لعدد الأطفال مما يحدث بعض المشاحنات بينهم يعني اللعب بالدرجات تسعه درجات موجودة وعدد الأطفال 16 وبعض الفصول18
5-حوض الرمل أكرمكم الله متسخ بفضلات القطط وبولها لما نبلغهم يقولوا حنغير الرمل نجيب رمل جديد وانتهت العام الدراسي والرمل زي ماهو طبعا حتسألون خليتوا الأطفال يعلبون فيه طبعا لا لأنهم زي أبنائنا وهما أمانه عندنا
6- غرفة الحاسب لا طاولات زي الأوادم ولا كراسي لعدد الأطفال الأجهزة كلها يمكن سبعه وعدد الأطفال أقل فصل تقريبا16 كم طفل يجلس على الكمبيوتر الواحد في النهاية يطلع واحد بس اللي شغال من السبعه وخرب ومعلمة الحاسب اضطرت تجيب المحمول وتعلم الأطفال
7- الوجبه تقدم للأطفال عبارة عن بوف (مغلف)بنصرف ريال على صحون بلاستيك وكاسات بلاستيك العصير فيها بس الربع والأطفال جيعانين ويطلبو ما يعطونهم لأنه مافي زيادة يدوب على العدد وكلمنا المسؤولات ولا عندك أحد وبعدين الصحون وكاسات البلاستك ما تترمي تتغسل واليوم الثاني يستخدموها للأطفال طبعا إحنا ما سكتنا المدرسات اشتكينا على هذا الوضع للموجهه لكن لا حياة لمن تنادي
7- هذا من غير الإستغلال المادي للأهالي في الحفلات والرحلات
طبعا ما خفي كان أعظم طبعا مو كل المدراس والروضات الأهليه بهذا الأسلوب وهذا الوضع
أنا لما قدمت على هذي الروضه وقالوا تعاليما صدقت لأني أبحث على وظيفه بأي طريقة أهم شي أخذ خبرة رغم بعد الروضه عن منزلي
تفاجأت بالوضع معلمة تطلع معلمة تدخل خلال أسبوعين سبعه معلمات وضع الأطفال نفسين زي الزفت فوضى عدم نظام المهم أنا في البداية لما سألت سبب خروج المعلمات قالوا للي بيتها بعيد وللي زوجها مايبها تكمل وللي طلعت حامل طبعا صدقت لما جلست اسبوع عرفت ليه المعلمات خرجوا مع ذلك ضغطت على نفسي عشان الأطفال أولا ثم الخبرة المهم
في رأيك اللوم يقع على مين الأهل أم مالك أو مالكة الروضه أم إدارة التعليم الأهلي؟
في رأي أنا شخصيا يقع اللوم على الأهل لأن مالك أو مالكة الروضه لا عندها لا ضمير والا ذمة وهي هما جمع المال وإدارة التعليم ما عليها لوم عشان لو حاولت قفل المدارس للي زي كذا تجيب مالكة الروضه واسطة عشان ترجع تفتحها
أما الأهل هما للي يدفعوا الفلوس وهما للي يختاروا الروضات والمدارس لو كان الإختيار سليم ما كان فيه أصلا مدارس وروضات بهذه الطريقة و
أسألي نفسك كأم كيف تختاري روضه أو مدرسة طفلك؟
-حسب الرسوم المدفوعه؟إذا كان المبلغ كبير يعني روضه كويسه؟وإذا قليل يعني ماعندك أحد؟
-مدى الخدمات التي تقدمها المدرسه أو الروضه؟يتعلم طفلك اللغة الأنجيزيه تحدث وكتابه لكل طفل جهاز حسب خاص به وووووو......
_ أو بسبب وجود معلمات متميزات ورائعات في التدريس والتعامل
- أو عن طريق وحدة تمدح هذه الروضه أو المدرسه؟ أو ولد أو بنت عمته أو خالته كانوا يدرسو فيها
-أو عشان هي قدام البيت أو قريبه منه؟
وأسألي نفسك ليه تبي طفلك يدخل الروضه
- عشان طفشانه من طفلك وتبي ترتاحي منه فترة الصباح وتنامي في العسل ولما يجي من الروضه تعبان ويتغدى وينام و.......
- ولا عشان يتعلم سلوكيات أيجابيه هذا إذا ما تعلم سلوكيات سلبيه أكثر
-أو عشان أنه دخل الر وضه الفلانيه
- ولا عشان ولد عمه فيها قاعد يبكي بدخله معه
طيب بعد هذا كله كم وحده منا تختار الروضه على نظرهاصيري زي الدورية فتشي هذا طفلك أمانه وإنت دافعه فلوس ومن حقك تطمني على صحة طفلك قبل تعليمه أما إنك تدفعي فلوس عشان يصير طفلك مريض وسلوكه عجيب وبعدين نقول تغير بعد الروضه صار شقي ضعيف مريض ولسانه طويل و.....
في النهاية أتمنى إني وصلت معلومة وشي كان غايب عن أذهانكم إما لحسن نيه أو..........