هنووو١١١١ :

💕💕أبشركم حبايبي ولدت امس طبيعي ولله الحمد وشرف الأمير لحياتي الله يرزقني بره وصلاحه💙💙💙

💕💕أبشركم حبايبي ولدت امس طبيعي ولله الحمد وشرف الأمير لحياتي الله يرزقني بره وصلاحه💙💙💙

Solaa💖 :

هذا الي صار معايه قبل الولاده .. رايحه ع أساس موعدي بس قبل ماروح واول ماصحيت من نومي الصباح قمت لقيت وجهي متنفخخخخ مررره وعيوني لان الليله الي قبلها كنت زعلانه وبس ابكي قلت في نفسي يمكن من البكا بس النفخه غريبه وقويه، قمت تروشت وزبطت اموري وكان عندي احساس ٩٩٪؜ اني مارح ارجع البيت وبنفس الوقت مكذبه نفسي لو قلت لزوجي باخذ شنطتي بيقول ذي بعقلها شي لان مافي بوادر ولاده ولا ١٪؜ بس عندي احساس ان فيني شي مو طبيعي نفختي ورجلي وكل شي المهم رحت لموعدي وكشفت وقالت كل شي تمام وع اساس اطلع بس قلت يابنت اذا هي ماركزت علميها انتي وقلت لها احس بتورم برجلي ووجهي منفوخ مره قالت اكشفي وشافت كل شي وحولتني ع الطوارئ وسوو لي تحاليل طلع ضغطي مرتفع وعندي زلال قالت مانقدر نطلعك ولازم نولدك مانضمن الضغط عندك يرتفع فجئه وتعرضين حياتك للخطر المهم استسلمت وفوضت امري لله وزوجي انبسط انو ولاده وكذا ويفكر اني بولد بغمضه عين 🙂 المهم بدأو معايه بحقنه شرجيه ومن بعدها تحاميل تلين عنق الرحم وتفتحه وجلست يوم ونص مافتح الرحم غير ١ ونص سانتي وحطو التحميله الثانيه ويادوب ٢ سانتي وحمي الطلق شوي وطلبت ابره الظهر وعلى اخر اليوم نزلت مويه الراس وفتح الرحم ٣ والفجر ٤ فجئه يتجمعون الدكاتره عند راسي ويفصلو الاجهزه كلها عني ويشيلو المحلول والطلق الصناعي وكل شي وانا وزوجي ننخرش ايش فيه وتصيح الدكتوره خذي نفس خذي اوكسجين بقوه البيبي النبض عنده انخفض نادو الاستشاريه كانت ببيتها وجات كشفت وعلى طول قالت دخلوها لغرفه العمليات طبعاً انا من الخوف جاتني رجفه صرت انتفض واهدي نفسي وادعي دخلت الغرفه وزودو لي الجرعه وصرت اسمع اصواتهم واشوف وش يسوو ولحظه خروج البيبي انتظر اسمع صوته جلس ثواني كذا بعدين صرخ 😢 وجابوه جنبي لونه زي النيله مزرق وصرت ابوس فيه يا حبيبي وياقلبي وابكي تعاطفو معايه الدكاتره مره 😣 وعلى اخر العمليه ترجع النفضه لي بقوه ارتجف وارتفع الضغط مره ثانيه ووقتها حسيت اني دخلت بغفوه ماصحيت الاع الدكتور يضربني بكتوفي بقوه يصيح يقول اتنفسي خذي اكسجين النبض انخفض وصار يضرب لين وعيت تمام واستقرت حالتي تقريبا وخلوني تحت الملاحظه ٣ ساعات عشان الضغط ولمن تطمنو علي حولوني لغرفتي .. على فكره من بدايه حملي ماعندي ضغط ولاشي فجئه ع اخر التاسع جا ..

هذا الي صار معايه قبل الولاده .. رايحه ع أساس موعدي بس قبل ماروح واول ماصحيت من نومي الصباح قمت...

sweet2017meme :

اكشني طولت عليكم لكن انشغلت مع بنتي رفيف اول الاكشن يوم الاثنين رحت مستشفى شرق جده وقالت الدكتوره الرحم فاتح واحد سانتي بس قلت تمام اقلها فتح يوم الثلاثاء بدت معي الطلق خفيف و مايثبت وطول اليوم كذا و الاربعاء اشتد عليه و بداء ينتظم كل ساعه يوجعني ورحت لللمستشفى قالت مين قالك انه فاتح الرحم نهائي مافتح معك ( هنا تحطمت معي طلق والرحم مافتح وخفت من العمليه ) و رجعت البيت و زاد عليه الطلق و وراء بعض لدرجه مقدر اتحمل و رحت لمستشفى الحرس وقالو انتي مو هنا مالك ملف والرحم فاتح ٢ سانتي بس ( طيب اللي قالت مقفل ليش تكذب عليه ؟!) ورجعت البيت و انا اتالم هذا الساعه ١٢ و على دخول يوم الخميس الساعه ٣الفجر رجعت لمستشفى شرق و بما دخلت ع الدكتوره قالت فاتح ٤ تبغي اسوي لك تحريض ويفتح لك خمسه او تمشين قلت سوي تحريض وبعدها دخلتني غرفه الولاده و خرجو امي من عندي و كلمت زوجي وجاء و جلست بغرفه الولاده وكنت امشي و على ٩ ماقدرت اكمل طلبت مهدئات و اعطوني و اخذتها نومه لحد ١١ و على الساعه ١٢ حضرو الدكتورات وكل شوي كشف فتح ولا مافتح و الطلق زايد ( كرهت الكشف 🤧 وبعدها جات دكتوره وفتحت المويه لي و راحت ع الساعه ١ او ٢ فتح الرحم ١٠ وبداء الطلق والولاده و كل ما زاد دفعت وقرب البيبي على الخروج وقت الطلق ورجع البيبي لداخل و تخاصمني الدكتوره لا تفكي النفس قلت الطلق راح وهذي تخاصم وهذي تقول تحس بطلق ولا لا وانا بتجنن ارد ولا ادفع ولا ارد و على هذي الحاله لحد الساعه ٥ اعتقد وبعدها قررت الاستشاريه ادخل عمليات وامي تصرخ عندي خلاص حولولها لمستشفى الاطباء المتحدون << ماتبغاني اولد عمليه وانا الطلق ذابحني اقولهم اعطوني مهدئ تكفون وماخليت ادمي الا وقلت له اعطني مهدئ و وقعتني الاستشاريه ع العمليه ع طوول و اخذتني ايوه الاستشاريه تقول لامي خلاص ماراح تتحمل وحالتها الحين ماتسمح ي خاله و هي بندخلها للعمليات وراح نحاول هناك نولدها طبيعي واذا تحولت حالتها للخطوره فهي في غرفه العمليات و الجراحين عندها والاجهزه قريبه نتلاحقها وبفعل دخلت و انا اصيح من الم الطلق و حاولو في غرفه العمليات وانا ابكي ادور مهدئ و الدكتوره تديني اكسجين كل فتره اول مره و الدكتور يحاول يولدني طبيعي وأنا بين محاوله و الم فضيييع مايتحمل وحاولت وفشلت اول ما وقف الطلق رجعت لرحم كمان و اعطتني اكسجين وبعدها فتحت عيوني الا وانا بغرفه الافاقه تحت الملاحظه وبشروني جبت بنت وهي بخير و طلع السبب في رجوع البيبي الحبل السري ملتف حول رقبتها وكان كل مره يرجعها ويشد عليها 😭 الحمدلله قرار الاستشاريه في الوقت المناسب والحمدلله انه حفظ لي بنتي من الحبل السري وهذي قصتي كامله مع الولاده 🙈

اكشني طولت عليكم لكن انشغلت مع بنتي رفيف اول الاكشن يوم الاثنين رحت مستشفى شرق جده وقالت...

آمال الحياه555 :

عندنا حريم معالجات يرفعون الرحم بزي المساج بعدين تربطه بشماغ ٣ ايام مدري عندكم او لا اذا عندكم روحي لها وهي تعرف عندك نزول ولا

عندنا حريم معالجات يرفعون الرحم بزي المساج بعدين تربطه بشماغ ٣ ايام مدري عندكم او لا اذا عندكم...