تبين تضبطين سمبوسة البف ؟؟ تعالي اقول لك ...

المقادير //


طبعا هذا المقدار الأساسي وهو مقدار صغير يكفي تقريبا لشخصين او ثلاثة..

وانتي عاد ضاعفي الكمية حسب ما يناسبك ..



كوب دقيق






ملعقة نشا ذرة








ملاحظة ::
ممكن تقسمين المقدار بين النشا و الكاسترد يعطيها طعم ولون روعه ..

بس انتبهي عاد لا تكثرين الكاسترد وتصير صفرراااااااء ..

يعني بمقدار ربع كاسترد وثلاثة ارباع نشا جدااااا معقول .. او انتيوذوقك ورغبتك ...

ملعقتين زيت فققققط << لاتكثرين لأنها باقي بتنقلي وما نبيكميات زيت كبيره








ذررررره بسييييطه باكينج باودر





ذررررره بسيييييطه خميره فورية






طبعا لاحظي الكمية الي حطيناها بسيييطه جدا لأن العجينة زيماقلنا بف يعني ما تحتاج تخمير

ووظيفة الخميرة والباكينج بودر هنا هي انها تعطي العجينة قرمشة حلوه وتطلع فيها فقاعات جميلة ..






<< ترى الكمية اصغر من اللي ظاهر في الصورة هي طالعة كثيرة في التصويرمدري ليه


ماء حسب الحاجة

<< أنا احتجت اقل من نصف الكوب تقريبا وهذا يعتمد على نوعالدقيق عندك ..


وطبعا اكييييييد ملح لو كان الدقيق غير مملح ...


وهذي صوره جماعية للمقادير







يتبع ...

عدنا بفضل الله ...


الطريقة //



اول شيء اخلطي المقادير الجافة مع بعض







ثم اضيفي الزيت وافركيه بالمقادير مضبوط















ثم ابدأي أضيفي المويه شوي شوي الين تحصلين على عجينه متماسكة مايلة للقساوه شوي خصوصا اذا بتفردينها في الفرادة ..





الحين غطي على العجينة وروحي شيلي الاغراض الي استخدمتيها ورتبي المكان شوي وخلي العجينة ترتاح يعني تقريبا دقيقتين كذا ..




بعدين ارجعي اعجنيها زين ما زين الين تحصلين على عجينة ملساء حلوه



<< وهذا طبعا سر نجاح أي عجينة تسوينها والمفروض هذي تصير عادة لك مع كل العجائن ..




بعدين غطيها واتركيها ترتاح وتسترخي طبعا هي مو محتاجه تخمير مجرد راحة عشان تنفرد زين

يعني تقريبا من ربع الى نص ساعة حسب الجو عندك ..



في هالأثناء ممكن تروحين تجهزين أي شغلة ثانيه ..


<< ممكن تجهزين الشوربة .. وبالمناسبة أنا مجهزة لكم طريقة سههههلة جدالشوربة الخضار راح انزلها لكم بكره باذن الله تعالى ..



يتبع باذن الله ..

.
.
.

باااااااااااك حياااااااااااكم جميعا ..



الحين هذا شكل العجينة بعد ما ارتاحت واسترخت ..







<< طبعا انا هنا ضاعفتها 4 مرات ..

بالاول حطيتها دبل بس اضطريت ازيد الكميه وسويت عجينه ثانيه دبل كمان بعدين جمعتها ..

يعني لا تفكرون انها يوم كبرت اختمرت .. لا انا مضاعفة الكمية ..



نبدأ نقسم العجينة الى اقراص صغيرة ونحاول نخليها تكون شوي مستطيلةعشان تسهل في الفرد









وبعدين اجمعيها وغطي عليها


ثم ابدأي جهزي الاغراض وسخني الزيت وجهزي الحافظة اللي بتحطينها فيها
<< او ممكن تسوين هالخطوه وقت ما تسترخي .. براحتك بس اقولك افكار كيف ممكن تستغلين كل دقيقة في وقتك


وهذي هي الحشوة جاهزه ..









<< طبعا مجهزتها من اول .. وراح انزل الطريقة في نهاية الموضوع للي تبيها ..



المهم الحين نرجع لعجينتنا هنا نبدأ نفردها اول شيء بشكل بسيط ..

ثم نفردها في الفراده








<< نسيت اصورها لكم لكن هي مثل هذي والصوره جبتها لكم من النت
بس حقتنا معاها دينمو اسرع في الشغل ..
هي ترى الاغلبية يعرفون اسمها (ماكينة المكرونة)








تتثبت على أي سطح .. انا هنا مثبتتها على الطاولة ..





وهذي درجات رقة العجينه..










ملاحظه ::
الافضل ماتزيدين رق العجينة عن 3 لأنها بتصير رقيقة مرررررره وتنفتح عليك في الزيت ..



بعدين نبدأ نقصها ونحطها على قالب التشكيل









ونحشاها .. ثم نقفلها








وهذي اول حبة لعيونكم ..










يتبع باذن الله ..

عدنا بحمد الله ..


الحين خلصتي كذا حبة سمبوسة روحي حطيها في القلاية تنقلي وكملي شغلكعادي ..

وراح اقول لك طريقة سهللله في القلي ومريحه وتخلي السمبوسةرهيييييييييبه ونفس اللون من الجهتين ..

<< طبعا انا ما افضل اللي يجمعونها كلها بعدين يقلونها احسهاتخترب وتتفتح .. مجرد رأي ولك حرية الاختيار ..


الحين بأقولكم عن الطريقة ..

الطريقة ممكن تكون غريبة شوي لكن انتوا جربوها واحكموا بأنفسكم ..

طبعا هذي الطريقة معتمدتها امي من اكثر من 10 سنوات وكل من شافسمبوستنا يسألنا عن طريقة القلي

الطريقه هي ::

شيلي شبك القلاية وحطي دفعة سمبوسه وانتظريها تطلع على سطح الزيت عشان تتأكدين انهاماتكون متراكبة على بعض ..







ثم رجعي الشبك فوقها << ايه فوقها لاتستغربون وهذا هو السر ..





طبعا لو خليتي الشبك كذا راحيرتفع مع السمبوسه ولا كأنك سويتي شيء !!!

عشان كذا حطي عليه أي ثقل بسيط يمسكه

((( بس انتبهي مو تنزلين الشبك مررره تحت الين تلزق السمبوسه وتحترقمن تحت وبعدين تحطونها في راسي :55:
الشبك مو الهدف منه ضغط السمبوسه .. لا الهدف منه انه يبقيها كلهافي الزيت من الجهتين )))


طبعا انا حاطه عليها السكين الكبيره حقت اللحم لأنها شوي ثقيله ..

وطبعا لو تلاحظون انا ماسكتها بطرف القلايه عشان لا ينزل الشبك مره

مدري اذا الصوره واضحه او لا بس هو اللي حاطه عليه دائره صفراء









طبعا وتأكدي ان الحبات كلها تحت الشبك مافيه شيء طالع من الجنب ..
عشان تصير كلها نفس اللون :heart:

ملاحظه ::
ممكن انتي تحطين أي شيء عندك له ثقل بس انتبهي عاد مو ينزل الشبكمررره ..
طبعا مره من المرات رحنا البر وان امي تأخذ حجرة كبيره شوي على قد نصقبضة الكف
وغسلتها زيييييييييين ونظفتها وعقمتها وصارت تحطها هي للشبك ..
بس ضاعت وصرت احط السكين بدالها


خليها تقلي وروحي كملي كم حبة سمبوسة وكل شوي طلي عليها انتبهي لاتحترق بس تتحمر وتاخذ لون ذهبي حلو طلعيها وصفيها من الزيت ..


طبعا زوائد العجين اجمعي حق دفعة او دفعتين ولميها مع بعض ( تجميع وليس عجن ) ثم اتركيها ترتاح وارجعي اشتغلي فيها .. وهكذا الين تنتهين ..



وهذي اول دفعة ..
.
.
.
.
.
.
.








هاااااااااااااااه وش رااااااااااايكم ؟؟

واللون متوحد ولا لا ؟؟


ملاحظه ::
هالطريقة تعلمتها من امي .. فلا تحرمون الغاااالية من دعواااتكم ..
:heart: :26:



يتبع باذن الله ....

عدنااااااااااا بحمد الله ..



الحين مع صور التقديم ..



















زووووووم اكثرررر











وهذي الحشوة من الداخل ..








وش راااااااااااااااااايكم ؟؟؟ :hearts:



طبعا الفرد كان بدقيق ..

وانا استخدمت طريقة سمعت عنها .. هي انك تحطين الدقيق في علبة ملح فاضيه بعد ما تغسلينها وتنشفيتها ..

بصراحه كذا اريح .. ويبقى الدقيق نظيف لأنه ما يصير نمسكه بيدينا واجد..









انتظروني في الرد التالي راح اقولكم طريقتي في الحشوه