هلا وغلا فيكم جميعا
واعذروني على التاخير
بالنسبه للاسئلة << مصدقه نفسه
الاعشاب ثلاث مرات على الريق وبعد الغدا وقبل النوم ........ بس الان تركتها وحتى لو رجع وزني مراح ارجع اشربها
لاني خفت من موضوع الاعشاب يمكن ياثر على الكلى
النخالة البودرة تحصلينها في السوبرماركت واذا ماتشتهينها مع الشوربه اشتري خبز النخالة لذيذ ومفيد من هرفي
حبوب الخميرة اذا اكلتيها قبل الاكل ينقص وزنك واذا بعده بيزيد سبحان الله مدري ليش؟؟؟؟؟؟
وللاحتياط خذي الكرتون الابيض يمكن الكرتون الاحمر تزيد الوزن
البرتقال والحليب براحتك ممكن تاكلي برتقاله مع كاس حليب قليل او منزوع الدسم او كاس عصير برتقال مع كاس حليب .. واذا مزجتيهم مراح تتقبلين الطعم .... وعلى الريق افضل على فكره لو لاحظتي نظام الريجيم الكيميائي بتلاحظين ان الفطور دائما برتقال وبيض او برتقال وحليب يعني المهم بروتين(حليب/بيض)+عصير البرتقال
على فكرة حبيت اضيف معلومة قريتها في المنتدى وطبقتها وفعلا الاحظ ان وزني مايزيد هذا اذا مانقص
لانه سار وزني ينقص ...... بعد الوجبة الئيسية وعادة تكون وجبة الغداء هي الوجبة الدسمة ممكن تاخذي عصير ليمونه بكاس مويه وتشربيه بعد الاكل بفتره ومعروف ان الليمون يخفف من امتصاص الدهون وان حبيتي بعد اي وجبه ثانيه لكن يمكن كثرتها تسوي حموضه عموما كل شي باعتدال ..... هالطريقة فوائدها لنقص الوزن وازالة الكرش وفعلا نقص وزني .... لكن الكرش مشكلة مستعصية حتى لو نحفت ,, وقالت لي وحدة ممكن السبب مو من الشحوم في البطن هالانتفاخ سببه عدم الاهتمام اثناء الدورة الشهرية والاهمال له دوره في انتفاخ البطن
يعني فيه اشياء لازم تتجنبين اكلها اثناء الدورة مثل:
الجوع الشديد,او التخمة الزائدة
الأكلات اللزجة مثل المولخية, الباميا,البصل الاخضر,الشمام ,البطيخ
الحوامض خاصه اليمون
الأيسكريم,الجوامد بشكل عام
تعريض القدمين للماء او المشي حافية على البلاط البارد او الأستحمام بكثرة
او اخذ دش مهبلي
المشروبات الغازية
حمل الأشياء الثقيلة او سحبها
عدم ربط البطن اثناء الدورة وهالطريقة لها تاثيرها الايجابي .... لانه اتذكر وحده ماشاء الله ماعندها كرش نهائيا مع ان جسمها مليان سالتها وحده قالت من اول يوم في الدورة وانا اربط بطني بقطعة قماش
وفيه اشياء لازم تشربينها اثناء الدورة تساعد على تنظيف الرحم وفي النهاية تعطي النتيجه الي نبيها (مافيه كرش)
بس ياليتنا نداوم كلام نحفظه بس نتكاسل نسويه
عموما الي حابه تستفيد اكثر للمحافظة اثناء الدورة الشهريه انا استفدت من موضوع الاخت فيافي جزاها الله خير........... لكن حطوا في بالكم انه احيانا تجيك وحده نحيفه بس تلاحظين انتفاخ في بطنها والسبب عدم الاهتمام بها الفترة
وشي ثاني انا لي فترة تقريبا شهرين انام من دون عشاء .. وانام بدري بعد .... يعني ساعات طويلة معدتي فاضية ولاحظت انه ساعد في نقصان وزني
حاولي انك تنامين بدري عشان ماتتعشين
او حاولي انك ماتتعشين حتى لو انك صاحيه
واذا فيك فيك العشاء خففي كولي شي خفيف
واذا كثرتي اشربي عصير ليمون
واذا كثرتي ولاشربتي ليمون وش اسوس لك
اعطيك كفففف خخخخخخخخخخخ
واخيرا اامل اني ماثقلت عليكم بكثرة هرجي وان شاء تستفيدون
وسامحوني على التاخير
في امان الله
الصفحة الأخيرة
انا حاولت استسيغ النخالة ماقدرت ابدا حاولت اضعها مع الاكل عشان طعمها يختفي شوي صار طعم الاكل مش حلو
عندك حل
؟