السلام عليكم يابنات
صراحه انا عضوه جديده في هذا المنتدى الرائع كنت اجي اتصفح المنتدى من زمان وستفدت كثير من خبرتكم واليوم انا قررت اسجل وفيدكم بالي اقدر عليه ان شاء الله
قصتي مع السمنه انا واختي واخوي
حنا نموت بشي اسمه حلويات من وحنا صغار كبرنا وكبر حبنا معنا وكبرت اوزاننا برضه
المهم ماخلينا شي ماسويناه نبي ننحف خصوصا ان اخوي كان يبي يخطب وكان مايبي يخطب وجسمه كذا مع انه وسيم مشاء الله بس مخربته الشحوم الزايده
قررنا وقتها نسوي ريجيم قاسي الي هو وجبه وحده باليوم ومنزوعة الدسم برضه
نحفنا عليها بس المشكله تعبنا واجد وانا جتني مشاكل بالمعده واختي بعد واخوي جاه كآبه
المهم صراحه انا نزلت على هالطريقه تقريبا 12 كيلو وكنت كل يوم انزل كيلو لكن من وقفناه ورجعنا ناكل شوي شوي رجع الوزن واكثر من اول
قلنا مالنا الا الادويه والاعشاب
جا صديق اخوي قال فيه عطار بالرياض معروف يبيع عشبه مضمونه للتنحيف وانا استفدت منها اسمها عشبة الارياف وذا مافادتك رجعها وخذ فلوووسك
طرنا على العطار وخذنا العشبه
استخدمناها بالعكس والله زادت مشاكلنا مشاكل ولا استفدنا ولا شي
جينا قلنا مالنا الا الصيدليه
عطانا دواء اسمه فات تاتش وقال هذا مضمون وراح تنحفون غصب
استخدمناه والله ثم والله ماجاب نتيجه ابد بس خسرنا مايقارب ال900 ريال وبس
رجعنا للصيدليه على امل نلقى شي ينحفنا عطانا دوا اقوى اسمه اكسينكال او زينكال وقال هذا معروف بالسوق
انا عن نفسي مانفع معاي وختي نزلت كيلو بس ماضنه من العلاج واخوي برضه كان مجوع نفسه ونزل يمكن كيلو
هنى صديق اخوي نصحه يسجل بنادي
وتدرون وش قال له كابتن النادي
قال ياخي الادويه والاعشاب ضحك على الدقون الي يبي ينحف يسوي ريجيم ويتمرن
عشان ينحف وينشد جسمه
اخوي سجل معهم وستمر على تمارينهم القويه ومشاء الله يابنات نزل تقريبا 6 كيلو
قمت انا واختي رحنا للفالح وخذنا اله اسمها اوربت ترك متعبه بس صراحه مفيده وخذنا سير كهربائي وخففنا اكلنا وبعدين كنا نحاول نتمرن بي شي مثلا نشتغل مع الشغاله بعد مانذاكر حتى من الفضاوه كنا كل يوم نرتب غرفنا ترتيب جديد وشوي شوي ماقول لكم عن الي صار حتى هوسنا بالميزان راح قمنا مانوزن الا من اسبوع لسبوع
والحمد لله نزلنا انا نزلت اكثر من 16 كيلو وصار جسمي حلو متناسق قولو مشاء الله
وختي بعد وخوي مشاء الله عليه صار كشخه من جد
حتى بعد الي سويناه يابنات والله لو ناكل شي بسيط على طول نشبع احس معدتي صارت صغيره
والحلويات تصدقون قمنا معاد نهتم فيها نهائيا
وعن حالتنا النفسيه كنا صراحه فرحانين ومتحمسين ومع الرياضه استفدنا مره
هذي هي قصتي وقصة اختي واخوي
غير الرياضه وتقليل الاكل مايفيد يابنات نقابل مغريات بس نحاول نسيطر عليها ونقوي ارادتنا
صح الجوع كافر ومن يجوع الانسان مايجي في باله الا الأكل الي يحبه لكن لو كل واحد مننا يجوع اكله شي يشبع زي التونه مثلا الي بالماء بس صدقوني راح يحس نفسه سوى شي وراح يعطيه دافع انه يبذل مجهود اكبر عشان يقضي على السمنه
اتمنى انكم تستفيدون مني والي عندها اي سؤال انا حاظره حتى ترا عمي دكتور للي عندها استفسار وصديقتي اختها الكبيره دكتوره معروفه اذا حبيتو تستشرونهم بلغوني ونا ماني مقصره معكم
اخواتكم
مي اند ماي سستر :27:
مي اند ماي سستر @my_and_may_sstr
عضوة جديدة
يلزم عليك تسجيل الدخول أولًا لكتابة تعليق.
بنت سنعه
•
ماشاء الله عليكم من جد مافي زي الرياضه والاراده مع التخفيف
الصفحة الأخيرة