تبين تنحفين ومحتارة تعالي بسرعه....طريقة ممتازة

السلام عليكم ورحمة الله وبركاته

:angry2::angry2:

ليش كذا يابنات

أنا دخلت القسم وانفجعت:(

ايش الرجيمات اللي اسمع فيها

إلي تقول رجيم فشفاش واللي تقول رجيم الروب ماادري كم يوم

ورجيمات كثيره

يابنات فكروا معي انتوا تبغون تنحفون وبعدين تعانيين من أمراض مايعلم فيها إلا الله!!!

أعرف وحدة سوت زيكم رجيمات كيميائية وغير صحية

الآن تعاني من صداع شبه يومي ودوخه وعذااااب

وهي تعترف انه من رجيماتها

تدرون متى طلع الأثر عليها

بعد سنتين صارت تعاني

يابنات وربي أبيكم تنحفون لكن بطريقة صحيحة وصحية

وبعدين الرجيم الكيميائي اذا تركتيه بترجعين دبلااات

أهم شيء تنحفين بطريقة صحية عشان ماترجعين دبل

الحين يابنات هذي نصائح لكل من تبي تنحف وأنا أولكم:
أولا ً: خلي كل شيء تستخدمينه (لايت) الجبن واللبنة والحليب وكل شيء والخبز استخدمي خبز البر

صدقيني حتى لو ماسويتي رجيم واستخدمتي هذي الأشياء بتنحفين

ثانيا :استخدمي هذي الخلطة(زنجبيل +شاي أخضر+نعناع) بعد ساعه من الوجبات
لاتستخدمينها مباشرة بعد الأكل لانه بتأثر على الحديد في دمك

ثالثا ً: اكثري من شرب الماء بين الوجبات

رابعا ً:رياضة اختاري اربع ايام في الاسبوع تمشين فيها 45 دقيقة لانه بتنحرق الدهون اللي في جسمك

خامسا ً : خلي العشاء قبل الساعة تسع ويفضل يكون خفيف وصدقوني الشابورة تهبل خاصة اذا دهنتيها بجبنة لايت وشربتي معها حليب قليل الدسم بتحسين كليتي خروف موب شابورة:42: (3 قطع شابورة بس لاتكثرين)

سادسا ً : كثري من السلطات والروب قليل الدسم واذا حسيتي بجوع خوذي تفاحة واقعدي قصيها شوي شوي وكولي بتحسين بشبع

سابعا ً: لو خبصتي لاتيأسين وتتركي الرجيم كله عوضيه بساعه رياضة وتمارين

ثامنا ً:اذا اشتهيتي شيء لاتخليه بنفسك روحي كولي منه بس قليل قليل مو تاخذين راحتك

ملاحظة هامة

لازم تسوون تحليل دم عشان تعرفي اللي ناقصك واطلبي من الطبيب يكتبلك فيتامينات

صدقوني بناااااات مافيه أحلى من الرجيم الصحي

أنا صارلي اسبوعين عاملة رجيم حسيت بالصحة حيث لا امساك ولا اسهال ولاغازات ومعدتي مرتاحة ولله الحمد قولوا ماشاء الله وحتى بتلاحظين ان بشرتك تتفتح >>>بعكس الرجيم الكميائي بيكون لونك شاحب ومسمر

وأفضل شيء انك تروحين لدكتور تغذية عشان يتابعك أول بأول وحتى لو خبصتي روحي لمواعيدك عشان تحصلين لك كم كف:42:


بنوتات بكتب لكم رجيمي والحمدلله نقصت عليه خمسة كيلو خلال اسبوعين قولوا ماشاء الله:42:

الفطور

2 توست أو نص خبز بر مع ( جبنه لايت أو لبنة لايت ) + بيضة مسلوقة +حليب خالي الدسم + صحن سلطة خليه كثير عشان ماتحسي بالجوع بعد فترة قصيرة

الغداء

-1 نصف خبز بر
-2 ( 2 همبورغر أو تونه مخلوطة بالماء أو سمكة مشوية أو 2 كباب مشوي أو 5 قطع شيش طاووق أو صدر دجاجة مسلوقة أو مشوية أو سمكة مشوي)
-3 صحن سلطة
-4عصير أناناس
-5 تفاحة

العشاء

3 قطع شابورة بر <<<أنا ادهنها بلبنة او جبنة لايت
+حليب خالي الدسم

طبعا ً عند الشعور بالجوع روب قليل الدسم مع صحن سلطة أو عصير انانس تضربيه بالخلاط مع كيوي أو حبة فاكهه



هذا اللي في جعبتي الحين وأي شيء تبونه أنا حاضرة دعواتكم