تبين جسم رشيق جميل منحوت ؟ تعالي أبيج شوي

السلام عليكم ورحمة الله وبركاته



أسعد الله صبآحكم / مسائكم .. بكل خيــر



أنا متابعه لـ هالقسم تحديداً ولكن خلف الكواليس



حاسه في كل أخت تعاني من ( السمنه )



لأني بيوم من الأيام كنت أعاني منها



والحين أجتزت شوط كبيــــــــــر , باقي القليل بإذن الله وأوصل للوزن المثــالي




وبإذن الله لما اوصل للمثالي ,



راح أوثق نجاحي بعالم حواء , وراح اذكر تجربتي عشان تكون حافز للغير




خواتي حبيباتي ,



توصلت لشي مهم جدا ً


عشان ( أغير قياسي ووزني ) لازم بالمقابل أغير ( تفكيـر وأفكاري )




كل وحده تطمح للتغيير للأفضل .. اللي تبي جسم منحوت وجميل ومتناسق..




لازم تغير أفكارها لازم تفهم نفسها ,, لازم تتبنى أفكار صحيه عن الرياضه و الأكل الصحي وحب الذات




الحين كل اللي أبيه منكم ,, تجهزون ورقه وقلم ,, وتجاوبون على هالأسئله





1: ليش أبي أنزل وزني ؟

2: أشكثر أبي أنزل ؟




3: شنو الخطه اللي بعطيها نفسي عشان أنزل وزني الزايد ؟

4: شنو المناسبه اللي راح تصادف في نفس الوقت ؟




5: شلون أتغلب على الأغراءات وقت الجمعات ووقت الطلعه مع الأهل او الصديقات ؟

6: شنو العوامل المساعده لنزول وزني ؟




7: منو راح يشجعني ؟

8: شنو النظام الغذائي اللي راح أتبعه ؟




9: اذا حسيت بالاحباط شلون أتغلب على هالشعور ؟

10 : شلون أسامح نفسي وأحبها ؟





نصايح عالسريع :



1: أستبدلي زيت , بالسبري أويل




2: غالبا ً لما المرأه تحس بأحباط تاكل حلويات تحس بالسعاده ,

وتظل تاكل تاكل تاكل بدون توقف آخر قطعه ,

وبعدها يبدأ الشعور بتأنيب الضمير والألم , ليش ياترى ؟ لأنه الكاكاو او قطعة الحلو اللي تم ألتهامها ,

ترفع هرمون السعاده بصوره سريعه وترفع السكر بالدم لفتره بسيطه,

وبنفس السرعه ينزل هالهرمون , فعشان جذي تستمر بأكل الكاكاو أو الحلويات

لانه الهرمون والسكر بالدم عندها صاعد نازل ,

الحــل لما تحسين بأحباط أكلي حبة فاكهه ويفضل حبة موزه متوسطة الحجم ,

لانه الفاكهه ترفع السكر بالدم بصوره معتدله ومتوازنه

فتحافظ على هالمستوى , عشان جذي اللي تاكل فاكه مايصير في صعود ونزول سريع ,

بالتالي ماراح تلتهم بنهم ,

هذا مو معناه نحرم نفسنا من الكاكاو , والحلويات , ولكن حبه صغيره او كتكات ,

مره الى مرتين بالاسبوع مافي ضرر بإذن الله

لكن لما تحسون بأحباط وتحسون برغبه شديده بأكل السكريات ,

أنتبهوا من أكل الكاكاو والحلويات وأستبدلوهم بالفاكهه ويفضل الموز





3: نظمي مواعيد الأكل .. الانسان يحتاج 3 ساعات بس ,

عشان يهضم الاكل بدون توزيع لأجزاء واعضاء الجسم

اذا الاكل كان صحي ولكــن مواقيت الاكل ملخبطه وما خليتي بين كل وجبه والثانيه على الاقل ( 3ساعات )

الجسم ماراح يلحق يهضم ويوزع ويستقبل في نفس الوقت , عشان جذي من المهم والضروري اعطاء

المعده فرصه للهضم وتذكري المعده ماعندها أسنان , فـ أملئيها بالعدال






4: لاتستسلمين , لاتستسلمين , لاتستسلمين , وتذكري الدهون والشحوم ماتكدس بيوم وليله ,

خذت وشهور وسنين , فـ مو معقول تفكرين خلال شهر تضعفين 30 او 20 كيلو ! ,,

بالنهايه شالفايده جسم ضعيف لكن مترهل !

ولاتستصغرين الكيلو والكيلوين , ودايم تذكري الأهداف لصغيره , هي اللي توصلنا للهدف الكبير



5: للحصول على جسم رشيق منحوت وجميل , تحتاجين لوضع خطه خاصه فيج للوصول للهدف

أطلعي على تجارب الناجحه بهالقسم , أستفيدي من خططهم للوصول للوزن المثالي

أطلعي على مواقع التغذيه , أستفيدي من النصائح اللي الأخصائيين واللاعبين

يذكرونها بالمواقع الأجتماعيه , خططي صح وأستفيدي من أخطائج السابقه







أتمنى بيوم العيد كل وحده تكون أجمل وأحلى ,

رمضان فرصه للتغير , قلبا ً وقالبا ً ,


لا تضيعون هالفرصه عليكم



وكل عام وأنتوا بخير مقدما ً