تبين شعرك يلمع وحرير ويطول بسرعه ويخف التساقط وينعم استخدمي ماسك ال ...

السلام عليكم ورحمة الله ..





كل عام وانتم بخير ياجميلات حواء..





هذا اول موضوع لي بقسم الشعر لاني وببساطه حمدلله شعري مايحتاج خلطات .. كنت استخدم له زيت جوز الهند فقط





بس صبغت قبل شهرين صبغه ونشفت لي شعري وصار باهت جدا ويتطاير ..





ف مره كنت جالسه اتصفح الانستقرام واشوف اغلب الاكاونتات يتكلمون في ماسك والكل هاب فيه ويمدحه

حتى صاروا بعض التاجرات يبيعونه ..


طبعا انا جربته وعجبتني نتيجته جدا

اللي هو ماسك الافوكادو اتعب وانا اقول انه جميل وروعه ..

ومن اول مرره يوضح الفرق جد جد افضل ماسك جربته بحياتي ..

طبعا انا بكتب لكم المكونات ومتواجده بالسوبرماركتات الكبيره زي كارفور+ العطاره او الصيدليه





حبتين افوكادو

نصف كاس حليب جوز الهند السائل مو البودره

ملعقتين من كل من : زيت جوز الهند الخام واللي ماعندها تقدر تستخدم زيت براشوت القديم اللي مكتوب عليه صالح للاكل مو اللي يجي عليه بلاستر ( اتمنى فهمتوني)

زيت خروع ( اللي شعرها جاف وناشف من الصبغات تستخدمه واللي شعرها عادي او دهني تستخدم بداله زيت زيتون)

زيت سمسم

زيت فيتامين اي ويمكن يستبدل ب 15 كبسوله فيتامين اي اللي في الصيدليه طبعا مايحتاج اعلمكم تفرغونه بابره نظيفه وتاخذون الزيت اللي جواتها

6 ملاعق مايونيز هاينز او قودي

ملعقه متوسطه عسل ( اخذوا العسل بملعقه خشب او بلاستك لان الستيل يفقد العسل خواصه المفيده )



برطمان زجاجي متوسط الحجم





اول شيء تقصونه الافكادو وتزيلون البذره اللي جوا وتاخذون الماده اللي لونها اخضر فاتح اللي جوا والقشره ترمونه ..

تاخذون لب الافكادو وتحطونه بالخلاط وتضيفون عليه حليب جوز الهند السائل مع المايونيز والزيوت والعسل

وتخلطونه بالخلاط الكهربائي لين يندمج مع بعض..

تفرغونه بالبرطمان وتحفظونه بالثلاجه ..





طريقه الاستخدام : تاخذون قدر حاجتكم من الماسك بملعقه في صحن وترجعون الباقي في الثلاجه

تخلونه لين ياخذ درجه حرارة الغرفه وانتبهوا تستخنونه ..

بعد ما يصير فااتر تحطونه ع شعركم كله من الجذور لين الاطراف وسوو مساج ابودقيقه او دقيقتين للفروه

غطوه بكيس بلاستك او غطاء الشعر البلاستيكي ..





تتركونه من ساع لين ساعتين ع الشعر ثم ترووا ترويشتكم المعتاده .. واللي حابه تحط بلسم بعد الشامبو تحط عادي مايضر

يستخدم من مرتين لمره بالاسبووع

اللي شعرها متضرر مره تستخدمه مرتين بالاسبوع او اسبوعين ثم بعدها تخليه مرره

جربوه جدا جميل بشكل ومايتفوت ويصلح للي كسوله ومالها خلق تزيت شعرها كل يوم او يوم وترك لانه يغني عن لوية التزززيت ويجمع كل العناصر المغذيه للشعر





ع فكره تراه ينبت الشعر ويوقف التساقط مع الاستمرار لفوق الشهرين





اللي شعرها يتساقط بكثره من دون سبب واضح او عله داخليه تاخذ معه فيتامينات شعرر او فيتامين البيوتين ..





وموفقين يارب اتمنى تجربونه وتنزلون تجاربكم خل الكل يستفيد ...








استودعتكم الله