((جيجي))

((جيجي)) @gygy_17

محررة برونزية

تبين قهوة تمخمخ الراس وتعدل المزاج،، مع خلطة القهوة مجاناً 😃

اطباق عالم حواء

السلام عليكم ورحمة الله وبركاته،،
كثييير من الأخوات ما تضبط معهم القهوة وكنت منهم،، وحاولت حاولت حتى صارت قهوتي الحمد لله،،

عاد القهوة سبحان الله حسب النفس،، كانت الوالدة تسوويها وكل يسأل عنها،، وأنا أسويها بنفففس المقدار ونفس المكيال ولا تطلع مثلها 😏..

المهم قررت وحاولت وطلعت بأفضل قهوة..

بعطيك الطريقة من طقطق للسلام عليكم،،
أول شي حمسة القهوة أنا أستخدم بن هرري أو لقمتي احمسيها لمدة 20 دقيقة بالحماسة الكهربائية يطلع لك أحلى لون،،
واطحني كمية قليلة وكل ما خلصت اطحني حتى يكون طعمها زين،،
اغلي مقدار كوبين تقريبا ماء مع 4 ملاعق صغيرة قهوة،، ونص ملعقة صغيرة زعفران،،
وملعقة صغيرة من خلطة القهوة،، خلطة القهوة أنا أسويها بالبيت وكل سألني عنها أخذتها من أم معاذ هنا بالمنتدى جعلها في جنات النعيم،، وهي ( فنجان شعير محمص، فنجان هيل، فنجان زعفران، فنجان مبيض قهوة، نص فنجان اشنه أو شيبه يسمونها، شوي مسمار ونانخة حسب رغبتك) تخلط وتطحن وتحطين منها ملعقة صغيرة،،

وتخلينها تطبخ على نار عالية لمدة ربع ساعة لا أكثر حتى ما تصير مرة من دون ما تغطينها،،
وطفي النار وخليها دقيقتين وزليها (صبيها) بزمزمية القهوة اللي تكونين حاطة فيها نص ملعقة هيل من النوع الجيد،، ويفضل تطحنين الهيل حق 3 أيام حتى تكون نكهته جيدة،،
وتمتعي بألذ قهوة،،
ودعواتكم،،
44
18K

يلزم عليك تسجيل الدخول أولًا لكتابة تعليق.

تسجيل دخول

كلام معسول
كلام معسول
الله يسعدك
انين الكلمات
انين الكلمات
مشكووووووووره
دبرووووولي اسم
دبرووووولي اسم
مشكووووووره ياقمر
اخت الابتسامه
اخت الابتسامه

الله يعطيك العافيه
سبحان الله نزلت هنا عن القهوة انا ماتضبط معي القهووة
وان شاءالله راح اسوي طريقتك وان شاءالله تضبط معي
سسمو آلآمميرآ
سسمو آلآمميرآ
تسلمين غلاتي