تتبيلة الدجاج اللي في الفرن

اهليين حبايبي

اليوم عملت دجاج في الفرن بتتبيلة معينة ومراا طلع لزييييز بس للاسف ماجا على بالي اني اصورو ..


المهم التتبيلة عبارة عن :

دجاجة كاملة بالجلد .. غسليها ونضفيها
في كاسة حطي نصها موية حارة وحبة ماجي دوبيها وحطيها على الدجاجة
ابشري 4 او 5 حبات توم انا عن نفسي احبو كتير ومعاه شويه زنجبيل مقطع صغاااار وافركي الدجاجة مزبوط بيه
اعصري عليها ليمونة كبيرة
حطي ملعقتين صلصة طماطم وشوية صويا
وشوية فلفل اسود وملح
وزي زيتون 3 ملاعق تقريبا

وخليها ساعة .. وكل ما كان اكتر يكون احسن

وبعدين حطيها في كيس الشوي اللي ينحط في الفرن انا حطيت معاها بطاطس وبصل مقطع صغار وطلعت لزييزة

نصيحة .. وانتي بتبهري الدجاجة افتحي الفرن على اعلى شي اللي يسير مرا حار بعدين لمن تحطي الدجاجة في الفرن خفضي الحرارة شوية ... حتقعد تقريبا ساعة

انا حطيتها في كيس الشوي لمدة ساعة الا ربع بعدين حطيتها في الصينية اللين اتحمرت