ههههههههههههههههههه والله انتوا لمن كنتوا صغار عليكم حركات جنان

أنا أمي دايما تقولي إني كنت أهدى وحده في أخواني
:32:

هههههههههههاااااااااااااااااااي

الله يرجك ياشيخة ... اسلوووووبك روووعة

تصدقين زلقت أول مافتحت الموووضوع خخخخخخخخ


بتذكر وبرجعلك << قولي فكينـا بس


تحياااااااتي ياقمر

هلا وغلا وهج

وحيااااك الرحمن يالغلاااااا

بداية روووعة خخخخخخخخ اجل صابون الله يرجك من جد مصرقعة :23:

والبناااااات مواقفكم حلللوة الله يسعدكم

بقووولكم عني يوم كنت شقية

اول كنا كل نهاية اسبوع نروح لخوالي ونقعد يومين وجمعة خالاتي علي خوالي

وطبعا مسوين شلة انا كاشته بالبنات ماغير مع العيال تقوولون ولد لا والبس ثيابهم خخخخخخخخ

مع خوالي اللي في سني وللي اصغر مني واخواني وعيال خالي وخالاتي وكانت بنت خالتي معنا تقول انا معك وين مارحتي تحسبني شئ خخخخخخخخخخخخ

وكان مشوارنا دايم بالقوايل والاهل نايمين الله يذكر ذيك الايام بالخير

كنا نلف الحاااااااارة وازعاجنا وصجتنا ولجتنا وكنا نروووح نوقف عند البقالة بس مو قريب بعيد وكل ماشفنا بزر رايح لها مسكناها وضربناها وقلنا له البيت وعلي هالحااااال
كل مامر احد من هالبزران سوينا فية كذا (( وليومك ماادري وش الحكمة من ان حنا نطردهم من البقالة خخخخخخخخ)):02:

واذا جينا للبيت الا الشكاوي من الجيران عند جدي وجدتي مااحد ياكلها الا خوااالي ياحبي لهم ههههههههههههههههاااااي

وكنا كل اسبووع نسوي لناسالفة في الحارةحتي جدتي الله يعطيها العافيه كانت كل ماشافتنا جينا اسكتوو اسكتوو الحارة درت انكم جيتوو خخخخخخخخخخخخخخ


اللحين من بعد ماكبرنا كل ماشفتهم قلت لهم تذكرووون يوم نسوي كذا وكذا ايام العصابة :02:

وسلااااااااااااام ياعسل

ياحبي لكم كلكن أثاريكن كلكن مثلي تحنن لأيام الطفولة ، لا وبعد مواقف رهيبة الله يقطع عدوكن .

بس عاد تصدقون إني حمدت ربي إن ضىء القمر وعاشقة الرياض ماهن من بنات اخوتي أو بنات خواتي كان والله ان يورنني الصمرقع ويكفخنني تكفيخ كان هالحين فيني عاهة مستديمة

والله أنكن توسعن الصدر بطيبتكن وحبابتكن .

وعلشان كذا أبقولكن شطانة ثانية ( ماأعطى وجه )

بس والله اني خايفتن تقولن وش هالمقرودة مابقلبه رحمة

بس والله اني طيبة وقلبي طيب وأحب الناس كلهم وأحب ماما وبابا وأبله هند وأبله أسماء و..... أحم أحم ( مسكينة أنا متأثرة برنامج الأطفال ، كنت أجلس لحالي يوم أنا اصغيرة وأتخيل أني معهم وتسألني المذيعة........)

المهم نرجع لسالفتنا ( يقولون الخبلة ماتنسى سالفتها)





يتبــــــــع

مرة يوم أنا صغنوووونة قاعدة أفتش بغراض خالة أبوي الله يرحمه ( ياخال أبوي حك أظهري)
وذاك الحين حنا أصغار بس شهبات .- ملاحظة( اللي ماتعرف للغة العامية الله يعينه تركب برنامج المفهم بحينة )

( تصدقون من شهابتنا كنا ناخذ حبوب جدتي الملونة - حمر و بنيات وصفر وخضر -اللي يعطيها الدكتور ونمصمصهن نحسبهن حلاو لين تطلع مرارتهن ثم نرميهن .
لا والشهابة صدق يوم أنبنيت بحارتنا عمارة جديدة مرشوشة بجرانيت ، وذاك اليوم توه طالع الجرانيت ، وأنا وبنات حارتنا كل وحده ماسكتن له أجدار تعرمط به نحسبه سمسم ،الله يخلف )

نرجع لسالفة خالة أبوي الله يرحمه
كنت أفتش بغريضاته ، والله والقاء قويطي صغير برتقالي وأفتحه ،

أثاريه حبوب هالول ( مسهل)

وكد ورتني خالتي هالحبوب وحذرتني منهن وقالت تراهن هالول يقطَّعن المصارين ( وإلاَّ والله لو ماعلمتني كان عثيت بهن أحسبهن كوكاو (كاكاو) ، بس الله ستر)

وصراحة هن فيهن شبه بالكوكاو ( الله وأكبر عاد هاللي نعرف الكاكاو ذاك الوقت نسمع ان لونه بني ، ماعمرنا شفناه - شهابه- ماعقب الجرانيت شيء !!!)

المهم أخذت القوطي ورحت لبيت عمي- قريب من بيتنا - وبديت أوزع على بنات عمي
واقول لهن هذا حلاو كوكاو وهن يبلعن مصدقات هالدهادر.

وقمنا نلعب شبرا وخطه لاوالمصيبة وحدتن منهن دبيه

ماقعدنا شوي إلاَّ وكل وحدة منهن ماسكتن بطنه وحاطتن رجله للحمام -الله يكرمكن

يوم شفت الدعوى طرطعه ، حطيت رجلي لبيتنا وهجيت ، كني ماسويت شيء .

وصرت ماأروح لبيت عمي خايفتن آرط عند عمي

المهم بعد أسبوع صار عندنا عزيمة وجن بنات عمي ( يحول صايرتن وجيههن صفر من السهال )

قالن لي الله لايعافيس أنت وكوكاوس بغينا نموت أطلعن مصاريننا

وأنا يقالي ماسويت شي أقول لهن لا أصلاً أنتن ماتعودتن على الكوكاو .

ياحول على نياتهن مشت عليهن


مادرن إلاَّ يوم كبرنا علمتهن .

وخوذن ضحك اللي تقول والله تفككت وروكي من الجلوس بالحمام .

واللي تقول أتحرى مصاريني تطلع .

واللي تقول أبصوت على أمي ماقدرت من التعصر



الله يذكر هذيك الآيام بخير ويغفر لنا زلاتنا


على كل حال أسترن ماواجهتن
واستودعكن الله أبغى أسافر كم يوم وأن شاء الله راجعه لكن


أدعن لي بالسلامة