سنوات اكتفيت بقراءة المواضيع هنا دون تسجيل الدخول و لكن موضوعك استفزني جداً ..
أنا أم منفصله و تزوجت مرة أخرى و ابني يعيش مع والده .. لكل امراءه قرار على حسب ظروفها ، الموضوع مؤلم جداً لكل من كان فراقها عن أطفالها غصباً أو طوعاً ..
إن كنتي يا من تقرأين ردي "أما" ستعلمين بأنه أطهر شعور قد يمر بالأنثى لا يمكنها أن تتنازل عنه ببساطة و باستهتار
شملتن في ردودكن كل أم ملكومه ، أدخلتن في ذممكن أمهات سلبت منهن الحضانة ، أمهات قسوة أهاليهن أجبرتهن بالتنازل ، امهات رأت بأن لأبنائهن مصلحة أكثر بالعيش عند والدهم ..
لكل من ردت بقساوة دون وعي و دون وضع ألف حساب للكلمة التي تجرح أختها المسلمة أسأل العلي العظيم بأن يجعلها تمر بذات الموقف و بذات الألم لكي تعلم بأن الأمومه شيئاً لا ينتقد مهما كان الظاهر منه تقصيراً و لكي تعلم بأن العلي العظيم أرحم منا على أنفسنا ..

من حقها تتزوج اجل تقعد علا عيالها لمتى ماتعرفون وش ضروفها يمكن اَهلها متضايقين منها يمكن تبي تحصن نفسها كلن وله ضروفه بس بالاخير من حقها تتزوج

دام الله محلله ليش ما تعيش حياتها
كل وحده وضروفها
واذا فرضنا فرض انها عشان شهوه مثل ما بعضكن قال واللي بنظر اغلب البشر
ان المرأه اللي عندها اطفال ما تتزوج الا بسببه
طيب مو تحصن نفسها بالزواج استر واطهر
اللي تخاف ع نفسها من الفتنه تتزوج وهذا حق من حقوقها
واللي تعاني من الوحده
واللي مالها بيت ومضيقين عليها اهلها
واللي ماخذين منها عيالها غصب عنها مثل بنت خالتي اخذوا منها عيالها واهلها ما رضوا انها تطالب فيهم وقعدت ٦ سنوات لا قلب زوجها حن عليها ورجعها ع عيالها ولا اهلها حنو عليها
وخلوها تطالب فيهم
كلنا نصحناها تتزوج وفعلا تزوجت واخذت واحد اجودي وطيب عايشه عنده الحين معززه مكرمه وياخذها بين فتره وفتره تشوف عيالها وتتطمن عليهم والحين تقول ليتني متزوجته من زمان ولا قعدت بهالهم ٦ سنوات

والله العظيم ان المراءه عدوةالمراءه موضوعك مستفز مع اني مو مطلقه كيف لو كنت مطلقه كان ادعي عليك الرجال اذا طلق عادي يتزوج طيب وين الابوة ماعنده عيال ليش يتزوج المفروض يجلس ع عياله ويربيهم انا مايقهرني الا اللي الحرمه حرام عليها وعيب الرجال حلال خلاص اجل الأب يتزوج وينبسط وهي مسكينه تدفن نفسها هاذا ظلم لنفسها قبل كل شي عادي تتزوج وتاخذهم اطفالها او عند ابوهم وتشوفهم بين فتره وفتره او عند اَهلها عيالها اكيد مي راميتهم بالشارع اكيد بتكون احرص منك وفكرت مليون مره ولو بتتزوج عشان رغبه جنسية حلال عليها الله يهنيها مو عيب ولا حرام

وبس اتركو الحسد حاسدين الحريم اللي عندهم عيال ومُطلقات ويتزوجون ثاني هاذا رزق من ربي لهم احمدي ربك انك مو مطلقه ومامريتي بذي التجربة اكيد كل مطلقه متالمه وحتى لو تزوجت فيها غصهه وقهر