دخلت بستفيد انصدمت من بعض الردود اللي متأثرين حيل بحريم باب الحاره ويحسبون حريم اخوانهم خدامات
يعني لازم تدخل وتكرف معكم بالمطابخ وتقهوي ضيوفكم والا تصير وعه !!!
والا اللي يقولون تجلس قدام بالسياره ماتحترم امنا خير ياطير تراه كرسي وكلنا بنوصل !! والام لها زوج تجلس جنبه بالسياره والا بحضنه لو بغت محد رادها !!
تذكرت حرمه تشتكي لامي من مرت ولدها ماتطبخ ولاتكرف لهم قالت لها امي عندك 6 بنات ماعمري شفتهم يخدمون كله الخدامات يشتغلون وشرهانه على بنت الناس!!
والا اللي راحت تخطب من عند ناس وقالت تراي مابي من بنتكم شي بس الصبح قبل تروح كليتها تجهزلي فطوري وتخبزلي خبزي مع قهوتي وبس مابي منها شي!! قولي قسم !!
كل وحده هنا فاتحه موضوع وشلون اقنع زوجي يجيبلي خدامه يعني مو قادره تخدم روحها وزوجها وعيالها هالدور تبونها تخدم الناس!! تفكير عجيب
واتمنى من متابعات باب الحاره وكسر الصفره ولطفيه اغسلي وفتحيه امسحي ارض الديار وهدول بيت حماكي
لايتأثرون واجد تراه مسلسل ويعيشون الواقع ولايتأملون من بنات الناس شي!
ترى بعضهن عند اهلها ماترفع الكاسه مو تجي خدامه بلا معاش
ديفداس
•
الحمدلله كويسات وماتخلى البيوت من بعض الشد والرخي بس بالأخير نحبهم ويحبونا
وبنات البطن الوآحد يتخانقون فمابالكم بإنسانه بعيد عنكم عآدي الوضع
وبنات البطن الوآحد يتخانقون فمابالكم بإنسانه بعيد عنكم عآدي الوضع
ريميه#
•
(سددوا وقاربوا ) زوجات اخواني ولله الحمد حبوباات لكن لابد من التغافل والتغابي ؛ اشوف اللي يضايقني من أخوات زوجي وأتجنبها مع حريم أخواني مستحيل اقول ليش ماتخدم امي والا ماتطبخ والا ليه ماتصب القهوة للضيوف هي ماتزوجت عشان تشتغل وتصب ان قامت بالواجب جزاها الله خير وإن ماقامت مااسبب مشكله وأنكد عليها ،،، كني شطحت شوي<<<<
الصفحة الأخيرة
بس لاحظت انو اهل الزوج يحبوا المنافقه واللعينه اكثر من الطيوبه واللي ع نياتها