الحمد لله زوجات اخواني طيبات وبنات حلال ولهم معزه بس ما في انسان كامل وبصراحه صرت انتبه من اغلاطهم واحاول ابعد عنها مع اهل زوجي

* وحده منهم طيوبه مره لكن للاسف مو مهتمه باولادها يعني ممكن يجون اللاولاد العصر وهم لسى ببجايمهم..

ولو كانت نظيفه يهون لكن ممكن تكون معدومه بحليب او باكل.. واحنا بيت عيله ما يفضى بيتنا من الضيوف

وودي عيال اخوي يكونون باحسن مظهر وصعب الواحد يكلمها لانها حساسه مره..

* والثانيه قلبها ابيض لكنها بارده ربي يصلحها كل اسبوع تسهر عندنا ويامرحبا بها بس ما تراعي وقت

تواجد ابوي ( ابوي متزوج 3 حريم يعني مو كل ليله عندنا ) لانه اولادها الله يحميهم شقيين

ويعملوا فوضى وازعاج وهي ما تكلمهم ولا تخاصمهم وابوي يحب الهدوء ونومه خفيف ومن 10 للفجر بس..

* وهذي وحده من حريم اخواني تكره امي الخرجات معاها لانه في اي مجلس تلاقيها مدنقه

على وحده من سلفاتها جنبها ويتودودو ويضحكوا ولا تتشارك مع الباقين بالهرج دون اي احترام

للناس اللي بالمجلس وانه فيه حريم كبار.. يمكن هي ما تعرف تتكلم مع الناس لكن تجلس ساكته ابرك لها

ولا تلفت النظر لها ومو مره ولا اثنين صار منها الموقف.. امي تقول تحرجني مع الناس تبان بشكل مريب..


وبذكركم ما في احد كامل والموضوع هذا مو للسب في زوجات الاخوان..
لا نخليه موضوع حلو ينبهنا لسلوكيات مزعجه ممكن نغفل عنها

الي بتقابل عمتها وحمواتها يوميا من عصر لين الليل لازم تشمر عن ساعديها وتوريهم شطارتها .........لكن الي تجي في الاسبوع مره او الشهر مرتين زيارة خفيفه هذي تجلس ضيفه مخدومه وخاصة اذا كانت عمتها عندها بنات يخدمون ..........انا كذا ازورهم زيارات خفيفه واخوات زوجي مايقصرون واذا ماعندها احد ادخل معاها المطبخ

كلنا بشر ولنا اخطاء وهذا الموضوع يدعوا للغيبة ما اعجبك شيئ في بنت الناس بكل ادب واحترام قولي لها وبيني الخطأ

مشكورررين للكل على تفاعلهم بس في نقطه مهمه

انتم قلبتو الموضوع هواش ليش احنا نطلب من مرت اخونا يصيرو خدامات وهم ماخدموا في بيوت اهلهم

انا ماقلت ابي تصير خدامه بس انا انتقد انها ماتحب تكون موجوده لما يجونا ضيوف من تسمع ان في ضيوف جاين تطلع حتى لو كانو هذولا الضيوف جدي وجدتي الله يطول بعمارهم طيب احتراما لهم خلك موجوده تسلمين على جدان زوجك

واللي يقهر انو اذا سالو عنها نغطي عنها ونتعذر باعذار مانبي نقول انها ماتبي تشوف احد طيب اذا انتي تبين تعزلين نفسك ليش تطقين الصدر وتقولين بسكن ببيت حموله والله يابنات اخوي سالها تبين تسكنين لحالك ولا مع اهلي قالت مع اهلك

وغير انها لما نجلس كلنا جلسه عائليه ماتتكرم تجيب لها شي ياحنا نجيب لها ولاماتجيب مثال ناقصه بياله وتبي تشرب شاهي تقول ابغى شاهي طيب روحي جيبلك من المطبخ الله لايهينك انتي ساكنه معنا وتدلينه بس هي لا ماتروح

انا ماابغى مرت اخوي تصير خدامه لنا ابيها تخدم نفسها بنفسها هي قالبتنا خدامات لها
واما الضيوف بصراحه وجودها بحضورهم زي عدمها لانها تصير جالسه وساكته وبس تفغم طيب اذا بتجلسين سولفي احنا نكون لاهين بخدمه الضيوف !!

واذكر الموضوع للاستفااااااااده وسبب كتابتي للكلام اللي فوق مو الحش بس ابين لكم ليش اشتكي من تصرفها ولاتفهموني غلط اني ابي خدامه لضيوفناا

حبيبتي احنا مانغتاب ماذكرنا اسماء حريم اخونا ولاذكرنا اسمائنا
الموضوع للفضفضه وللستفاده فقط