اهم شي من البدايه الرضاعه فقط من الصدر

في اليومين الاولى ما يشبع الطقل ولكن اتياسي ولاتترددي في انك كل شوي تعطيه صدرك

ومع الوقت ومع كثر مص الطفل بيطلع حليب تلقائي

الرضاعه الصناعيه ابعدي عنها كلش

ولاتحاولي تعطيها الطفل ولو اضطريتي سوي فيها شاي اعشاب ميلوبارضعه وحده بالكثير تكون مساء

الحلمات تشقق طبيعي لكن هالشي مايمنع من الرضاعه في كريمات خاصه للتشققات تستخدميها وقبل الرضعه يغسل الصدر بالماء الفاتر
في البدايه كل ما يصيح الطفل رضعيه وهو بعد مايشبع راح ينام

راح تتعبي كثير بالليل

لكن تحملي عشان صحة ولدك وصجتك

واله يسهل عالجميع يارب

مشكورة اختي دنيا وجزاك الله كل خيرررررررر

انا بقولك عن خبرتي
بنتي رضعتها كمن شهر بس و هي كانت ترفض صدري رفضا باتا لدرجة قمت احاول ارضعها و هي نايمة و بالاخير حتى و هي نايمة مجرد اعطيها الصدر تقوم نقزانة و مفزوعة كاني حطيت لها حشرة مو حلمة استغفر الله

المهم الاسباب هي:
حليبي قليل جدا لدرجة كنت اضخه بالمضخة مايطلع غير يمكن 30 مل بطلعة الروح، حتى هي كانت تشرب بس بعد دقيقتين يفش صدري و هي خلاص تبطل تمص دليل على انه خلص الحليب
السبب الثاني واللي عرفته متأخرة جدا هو انه حتى لو خلص الحليب لازم اخليها تمص ع الاقل ثلث ساعة الى نص ساعة لانه راح يتكون حليب غيره بس ماكنت اعرف هالمعلومة كنت مفكرة اذا خلص يعني خلاص ماراح يلحق يطلع غيره
السبب الثالث صدري صغير جدا مايساعد اني ارضع .. بتقولين لي كيف؟ يعني الرضاعة عندي متعبة جدا بسبب حجم صدري لازم ارفع البيبي و اظل ماسكته علشان يوصل للحلمة ما اقدر ارخي ايدي و حتى لو حطيت وسادة او اي شي ماراح ينفع من كثر ما صدري صغير،، و حتى ما اقدر انام و اخلي البيبي نايم على صدري مدري كيف اشرح لك بس اللي صدرهم كبير يقدرون ينامون و البيبي يطول الحلمة و هو نايم جمبهم بس انا شو ما سويت مستحيل مستحيل يوصل للحلمة مايقدر يرضع الا لو كنت جالسة ورافعة البيبي لمستوى الصدر .. هالشي بهدلني كثير لانه ع الاقل لو اقدر انام والبيبي ع صدري كنت استفدت بس للأسف
هالاسباب هي اللي خلتني اتجه رررضاعة صناعية وخلتني احسس من قصة الرضاعة الطبيعية لدرجة اني كرهت شي اسمه رضاعة ط بيعية و حتى لما اشوف بنتي تنفر من صدري في البداية زعلت بس بعدين مرت علي حالة نفسية كرهت فيها بنتي بسبب الرضاعة خاصة انه زوجي كان يعاتبني بخصوص هالموضوع و ساعات يضغط علي ضغط خفيف علشان ارضعها طبيعي ،،
الآن حامل و باقيلي شهرين و ناوية اشد حيلي بجدا بس حكاية انه صدري صغير مخربة علي جدا والله صعب يابنات صعب و تعب انا شايفة حماواتي و سلفاتي ما يتعبوون بالرضاعة لان ماشاء الله صدورهم حجمها مناسب ما يضطروا انهم يرفعوا البيبي كثير لمستوى الصدر يعني يقدروا يرخوا ايديهم شوي علشان يرضعوا و رضاعتهم كلها طبيعية الا انا والله المستعان

مشكورة اختي COSMOS طيب حاولي تسالي الدكتورة عن حالتك اكيد فيه حل لانه اتذكر يعطوا معلومات عن الرضاعه انا شايله هم هذي النقطة ......

جزاك الله خير اختي اسعد امرأة على طرح هذا الموضوع المهم

انا ولدي مارضعته الا 3 اسابيع بس لأني مرضت واخذت مضاد حيوي 10 ايام
وبعدها ولدي رفض الطبيعي لأنه تعود على الصناعي



اسمع ان عصير الجزر مدر للحليب مرررررررررررررررررة


باحول اجربه هالمرة ان شاء الله