حجابي عفافي :

من ناحية الكشنه حريم كثير يسونها ويفرزنونها وطريقتها انك تقطعين كمية بصل صغار وتحمسينه ثم تحطين عليه طماطم معصور الكميه اللي تبينها وتخلينه على النار حتى يثقل شوي وتطفين عنه النار وتتركينه حتى يبرد ثم تحطينه في أكياس على قد استخدامك أو علب بلاستك صغيرة بس الأكياس أفضل واذا أحتجتيه بس تطلعينه وتذوبينه حلو فالشوربه والمكرونة علشان ما تقعدين كل شوي تكشنين يكون جاهز أفضل وأسرع وفيه طريقه ثانيه اللي هي تسوين الطماطم صلصة وطريقته انك تقطعين الطماطم وترشينها بالملح ثم تخلطينها وتصفينها من البذور في قدر وتسوين كمية كبيرة وبعد ما تصفينها تحطينها على النار حتى تثقل ويكون لونها احمروترفعينها من على النار وتصبين عليها القليل من زيت الزيتون وتتركينها حتى تبرد ثم تصب في علب بلاستك وتدخل الفريزر وحطي حافظة في الثلاجه علشان اذا بغيتيها تكون ذايبه واذا خلصت نزلي من الفريزر للثلاجة حافظة ثانيه ولو بغيتيها وهي جامده ممكن تسخنينها في المايكرويف

من ناحية الكشنه حريم كثير يسونها ويفرزنونها وطريقتها انك تقطعين كمية بصل صغار وتحمسينه ثم تحطين...

هدووءالليل :

هلا والله شوفي قبل أي شيئ نظفي الفريزرات وسجلي قائمة بالأشياء اللي تبين تفرزنينها لرمضان وإبتدي فرزني كل يوم نوع بعد ماتخلصين خليها تقطع لك بصل جوانح كيس كبير وبصل ناعم للكشنة لو حبيتي وسوي طماطم معصجة ومسبكة (بصل وثوم وسمنة تتشوح ويضاف لها معجون طماطم ورشة بهارات خاصة الشيبة والكزبرة روعة ثم كمية من عصير الطماطم اللي يكون لين ويترك يتسبك ) بعدها برديه وعبيه بأكياس بالفريزر ومثله الثوم قشري لك كيس أو كيسين وأفرميهم أو حطيهم زي ماهم بالفريزر بس تقشير برضه مريح ولا تنسين تجيبين جزر وتقطعينه على شكل أعواد وكمان فلفل رومي ملون وقطعيه جوانح وجزء آخر مربعات صغار لأنها بصراحة مهمة لأغلب الأكلات وتفريزها مريح بشكل خيالي وبعد كل الأشياء هذي راح يكون الطبخ سهل مرة مررررررررررة بعدها عزلي المطبخ كله الدواليب والفرن والجدران والأرضية كله تنظيف عميق والمستودع برضه لا تنسينه ثم إبتدي بغرف الأولاد تعزيل وتنظيف عميق جوات الدواليب وتحت السراير وتغسيل التساير البيت كله شيلي الكنبات ونظفي اللي تحتها لو عندك حوش طلعي الكنب برى وأغسليه بالماء والصابون وخليها تنظف لك الموكيت بالفرشة والجل العملاق إذا عندك سجاد وديه المغسلة (مغاسل الجبر قمة) نظفي الثريات والشبابيك والستاير وبلاط ا جداران لحمامات ومراوح الشفط كذا راح تستفيدين منها قبل تروح وتستفيدين من الإجازة وماتحسين بالملل ويجي رمضان وأنتي مبسوطة لأنه كل شيئ نظيف وأغلب الأكل جاهز :icon28: و لاتنسين تعطينها زيادة في راتبها زي الهدية عشان تروح وهي تدعي لك :) ل أعجبك ردي دعواتك لي يا الغلا بالصحة والعافية وتيسير أموري وأمور عائلتي وشفاء مرضاي :26:

هلا والله شوفي قبل أي شيئ نظفي الفريزرات وسجلي قائمة بالأشياء اللي تبين تفرزنينها لرمضان وإبتدي...