لا توافقين فلوسه يسفرك فيها ولا يجلس يكذب عليك
سواء واثقه والا مو واثقه الزواج شراكه
تكرفين طول السنه واخرتها يسافر لحاله

ضد ضد ضد فكرة السفر برا بدون زوجته..
بيسافر برا والله ابركها من ساعه بس تيكت السفر
يطلعه لي قبل مايطلعه لنفسه😎

انا عن نفسي قد اغروه اصحابه برحلة للخارج وقلبت الدنيا وقعدتها وماسافر. قلت مافي رجل يسافر مع اصحابه بدون سبب عمل او دراسه. الا وبراسهم سهرات بأماكن مو لائقه برجل متزوج وربي عفك بالحلال.

وهذي انا مقتنعه فيها لان الي يبي يروح مع اصحابه يقدر بالسعوديه ليش يعني تخسر نفسك تذاكر وفنادق ع الفاضي!!
وبالاخير قال خلاص هونت اصلا ماني مقتنع اروح من غيرك لكن الشباب هبو فيني وكل شي حسابنا بس خاوينا وسهلولي السالفه.
طبعا قالها لما شافني فعلا زعلانه مو انه ماعندي سالفه بزعل وبرضى.
لاني عودت زوجي ما ازعل الا الشي القوي الي يستاهل مو كل شوي ازعل.
والحمدالله ربي سخره لي

حتى فكرت لو بيعند كنت بخبي جوازه واضيعه. بس كويس انه هون هههههه.

اكره ماعلي سفرة الزوج مع اصحابه احس يقهر هو يستانس والله اعلم اش وناسته فيه وانا منطقه بالبيت.
لا والله رجلي ع رجله خليني اشم هوا واستمتع

عادي وإذا سافر هو مو بصغير يعرف الحلال والحرام..... ولي بيسوي شي غلط بيسووويه سوآ هنا او براء اهم شي ذكريه بالله وإن الله مطلع على كل اعماله.. والله يهديه لك

ياشين السلبيه الي تقول جهزي شنطته. ع بالها بيقدر ويقول ياحليلها والله يروح من هنا ينساك من هنا.
شفتو مقطع الاندنوسيه الي تبيع منتجات جنسيه ع السعودين الي هناك. وهم ماشاءالله يحطون نفسهم يطقطقون وجايبينها عندهم لا حيا ولا حشيمه. وان سألتيهم قال والله رايح الخضره والذبايح عندهم رخيصه ههههه علينا يابوسروال وفانيلا ههههه.

حتى لو زوجك ثقه تراهم يجون لم الشقق ويدقون الباب ويعرضون انفسهم بارخص الاسعار. مو هو يروحلهم. وهل تضمنين الشيطان في هذي اللحظه؟؟؟

الي يبي صدق يغير جو يروح مع زوجته وعياله واذا يبي الوناسه مع اصحابه يروحون عوايل ليش لحالهم ؟؟؟