انا كان مدلعني دلع 
كل سنه نسافر برا 
الين جاء اليوم المشؤوم قال بروح لوحدي مع اصحابي
وقومت الدنيا عليه 
قال خلاص ماعاد بروح لوحدي ولا معاكم المهم سويت نفسي 
قويه وقبلت التحدي ومرت 4 سنوات وانا مطقوقه بالرياض ولا سفرنا ولا مكان 
الين جيت اعتذرت له 
قلت له بنسافر  قال بشرط توافقي اروح مع اصحابي قلت الله معك بس لاتحبسنا مليت والله يابنات الي تتعود ع السفر مستحيل تتركه 
ومن يومها وهو يطلع كل سنتين مع اصحابه لمدة اسبوع وكل سنه معانا لمدة عشرين يوم 
صح اني مقهوووره وماودي من داخلي اني يحدني على شرط سخيف زي هذا بس بكيفه استودعته الله وانا استمتعت بحياتي 
والي تقول امراض وبلاوي اقولك مايعلم الغيب الا رب الغيب
لاحد تحط بذمتها وتشيل اثم مليارات من الرجال وتقذفهم
وهي ماشافت ولا سمعت سبحان الله كلمه قد تهوي بصاحبها في النار سبعين خريفا ..دعو الخلق  للخالق 
هذا انا لي 15 سنه مافيني الا العافيه ليه مامرضت 
وعلى فكره عندنا تامين انا وزوجي يعمل لنا فحص شاامل من الامراض كل سنه ..وحمدلله انا ماسويه الا كل سنتيت اوثلاث اما زوجي كل سنه يسويه يقول فرصه وببلاش ليه مانتطمن على نفسنا ....يعني لو فيه ولا فيني عله بتطلع بالفحص ....
انا ماقووول انه بريء  ولا اقول انه خاين انا اقوول ربي يعلم الغيب وحده مو احنا  والله يبعدنا عن الشك ويهدي ازواجنا ويكفيهم عيال وبنات الحرام ياارب العالمين


وبعلق على شي اخير يابنات وياليت الاقي جوواب شافي 
الحين ليش انا ملاحظه بالمنتدى 
اذا الوحده قالت زوجي بيسافر  قمتو هبيتو فيها وحرشتوها على زوجها وشككتوها فيه  وعتبرتوه زاني وناقل للامراض...بينما الي تقولكم لقيت زوجي يغاازل 
يصيرر عادي عندكن وكل وحده تقولها لاتفتشين وراه وربي بيهديه ..طيب مو احتمال انه يزني مع البنت الي يغازلها ليل نهار بالتلفون؟؟؟
مو احتمال ان البنت تكون تغازل وبنفس الوقت تطلع مع الف واحد وتنقل المرض لهالزوج ؟؟؟؟؟؟؟ ولا بس اللي يسافر هو اللي يزني واللي نايم جنبك مهما عذرب عادي واثقه ومغمضه عيونك عنه!

يارب عونك يارب

 الرجال لاتزوج مايصلح يسافر لوحده وماله دااعي 
ولو كنت مكاانك اكيد مارضى هذا الي نااقص

من جدد اختي وش لك بالنكد
خليه يسافر ماهو بيبي
والثقة لازم تكون موجودة وتتوكلين على الله
اللي يبي الخراب ممكن يسويه وهو في بيتك بعد

استودعيه واللي براسه بلاء يسويه
ومافي مراه تقدر علي رجال وخلك من هياط اللي ردن