تجاربكم مع رجيم ام هديل

ما اعرفه وانتي ماوضحتي شي عنه

لكن خذيها بشكل عام تبين تنحفين ببساطه

- خففي النشويات لنص او ربع الكميه اللي تاكلينها سواء الرز والمكرونه والخبز والمعجنات

- خففي السكريات والحلويات لربع الكميه اللي تاكلينها بالعاده ولو يكون مره بالاسبوع قطعه صغيره يكون افضل

- خففي كمية البقوليات لنص الكميه اللي تاكلينها بالعاده مثل العدس والفول والفاصوليا

- خففي كمية الاجبان والالبان والحليب واللحوم بكافة انواعها لنص الكميه اللي تاكلينها بالعاده

- امنعي قد ماتقدرين الشحوم الدهون الزبده السمن المقالي والمايونيز والطحينه والحلاوه الطحينيه وزبدة الفول السوداني

- اكثري من الخضار الغير نشويه المطبوخة كأيدام او مرق او مشويه بالفرن الكميه كوب الى كوب ونص مثل الكوسا الباذنجان الباميا البروكولي القرنبيط او الزهره والجزر وابعدي عن البطاطس والذره .

- اكثري من السلطات الورقيه الخضراء كلي منها طبق كامل قبل كل وجبه .

- اكثري من شرب الماء على الاقل 8 اكواب موزعه طول اليوم .

- بين الوجبات او اذا حسيتي بالجوع كلي سلطه تكون مقطعه وجاهزه بالثلاجه او شوربه بالخضار سخني واشربي منها او بوب كورن بالمايكروييف بدون زيت كلي منه كوبين كبار .
- يوم ورا يوم مارسي اي نوع رياضه مشي سريع او هروله او رقص او نطنطه او صعود الدرج بسرعه مرتين باليوم كل مره 10 دقايق الى ان تتعودين تزيدين الوقت بالتدريج

------


يعني لا تضحكين على نفسك تقولين بجرب الرجيم الفلاني رجيم ام صويلح وام زيد وعبيد كلها تجارب شخصيه لهم واجتهادات منهم صعب جداً انك تستمرين عليها لان اغلبها رجيمات فيها حرمان من انواع اكل كثيره ثم يجيك ملل وطفش وماتستمرين وترجعين تاكلين بشراهه ويزيد وزنك اكثر

افضل شي واسهل شي اطبخي طبخ صحي بلا دهون وشحوم ومقالي وكلي من اكل البيت لكن نص الكميه واكثري من السلطات والخضار في وجباتك لانها ماتسمن وبنفس الوقت تحسسك بالشبع ..

وكلها شهرين ثلاثه وتلاحظين النحف على جسمك وبلا حرمان

اشتركي معانا في موضوع(((((((( التحدي الرابع لخسارة الوزن)))))))
كتباة اليوميات
الرياضه
النظام الغذائي
كل خميس قيااس الوزن