قبل كنت اشتري الديتول الغالي وذحين صرت اشتري من ابو خمسة اوفر ونفس مفعول الديتول
واشتري من ابو خمسه شامبو العبايات

انا متعودة اشتري كميات من حاجات البيت

ادوات و مستحضرات العناية الشخصية - تنظيفات- لوازم المطبخ

و ارتاااح كذا شهر ما اشتري

لكن مرات اتفاجأ ان شي خلص و مرات ظروفي ما تساعد اني اطلع السوبرماركت على طول


بعدها اعتمدت اني اخلي عبوة من كل شي في مكان منفصل بحيث ان هذه العبوة تكفيني اقل شي اسبوع يعني براحتي انزل و اقضي و ارتحت الحمد لله


مواعيد الاطفال للاسنان قبل لهم مواعيد بأوقات متفرقة معناها كل واحد له طلعة منفصلة بعدها نسقت بحيث اخلي مواعيدهم مع نفس الدكتور بنفس الوقت قدر الامكان


قبل ملابسي الداخلية و البجامات كنت اغسلها مجرد ما ابدلها بعدها خصصت لي سلة بحيث اجمعهم و اغسلهم مرة واحدة في الاسبوع


الطبخ عندي الشغالة مسؤولة عنه لكن مرات انا اطبخ و كان يصادف اني في هذا اليوم اكون لسه مسشورة شعري و مطيبته و على سنجة عشرة و اضطر بعدها اغسل شعري عشان الريحة

بعدها لما حددت الوجبات عرفت امتى حطبخ و عليه صرت استغل الفرصة اني ازيت شعري او اعمل ماسك للشعر في اليم الي حطبخ فيه يعني اثنين في واحد



قبل كنت اعطي الاولاد مصروفهم و سناك للمدرسة الصباح و كنت انضغط بين اني اصحيهم و الا البس الصغار و الا البس و و و و و و و

بعدها صرت كل يوم جمعة اجهز لكل واحد خمس اكياس بلاستك الي تنقفل من فوق و اكتب عليها الحرف الاول من اسمه و احط له نوع السناك الي يحبه و مصروفه اليومي و كل يوم باليل اطلع كيس لكل واحد و الي اكون واثقه فيه انه ماراح يقضي على محتويات الكيس عادي ممكن اعطيه يوم الجمعة لاسبوع كامل



ملابس للدوام قبل كنت كل يوم بالليل اطلع للشغالة ايش حلبس عشان تكويهم لي بعدها اجهز لي يوم الجمعة خمس لبسات على عدد ايام الاسبوع



قبل لما كانت تجيني مناسبة كنت اتعب و انا ادور لبس و اكتشف ان ناقصني شوز و انتوا بكرامة او عباية او شنطة او اكسسوار او غيره او او



بعدها مسكت ورقة و قلم و حددت احتياجاتي

عدد 2 عباية للمناسبات

عدد 5 عبايات للدوام

عدد 3 فساتين ناعمين للجمعات او مثلا عزومة غدا او عشا

عدد 2 جلابيات فخمة

عدد 5 جلابيات مطرزين ناعمين

و قيسي عليها


و اخليها جاهزة عندي بحيث لو طلعت لي أي مناسبة او عزومة اكون مستعدة


الاكسسوارات قبل كنت اشتري اكسسوارات و مع انها مو ذهب لكنها غالية

و الذهب ما ادري ما ارغب دايما اني البسه

بعدها مسكت العصا من النص

اتجهت للذهب عيار 18 تصميماته ناااعمة و نفس الاكسسوارات و فيه منها كثيير تشكيلات تقليد ماركات شانيل و قوتشي و نيناريتشي و غيره و بنفس الوقت ذهب قيمته فيه و سعره اقل من الذهب عيار 21 و 24


هذا الي يحضرني حاليا و لي عودة ان شاء الله


و اتمنى يكون في تفاعل

حلو الجدول نيفر بروكن ممكن صورته

حركة بطيئة حياك الله حبيبتي للاسف ما اعرف انزل صور بس كتبت Printable Calender و طلعت لي اشكال كثيرة و سحبتها

تجيك كلها مربعات على عدد أيام الشهر و لك مكان داخل كل مربع تكتبي فيه الي تحتاجينه

قبل لما كنت اروح السوق اقضي لشغلة محددة و بعدها بكم يوم اتذكر اني لازم اطلع السوق لاني محتاجة اقضي لشغلة ثانية

بعدها لو احتجت اطلع السوق لحاجة معينة احصر كل احتياجاتي الاخرى الي ممكن اقضيها بالمرة و انا طالعة السوق مو شرط تكون بنفس المكان لاااااا مكن حتى لو كانت قريب السوق الي بروح له