الموضوع جدا رائع وملياااان طاقه ايجابيه ماشاء الله

عن نفسي كنت مسرفه بدرجة كبيررررره وكان كل همي ان كل شي متوفر في بيتي وخلاص ما احسب قمية الشي اوميزانية الشهر


قبل
انول السوبرماركت كل شي يعجبني احطه في العربيه وانسى اذا كان الشي متوفر منه او خلص اهم شي اشتري واعبي العربيه وارجع البيت واشياء كثيره تقعد الين تنتهي صلاحيتها و ارميها الله يغفرلي ويسامحني
الان
مسويه مفكره في جوالي كل شي ينتهي او يقرب ينهتي على طول اسجله في الجوال الين يجي اخر الشهر وتنزل الرواتب يكون كل شي سجلته بالكميات الي احتاجها وافتح من النت موقع الدانوب وموقع هايبر ربنده و اشوف العروض والي اشوف عروضه افضل اروح واشتري منه.. وطبعا اشتري اشياء البيت من معلبات و ادوات نظفاه تكفيني شهر كامل لاني ماحب انزل دايم اقضي بكذا راح يكون اسراف وكل مره لو نزلت اشتري الي ناقصني واشتري اشياء زايده غير المطلوبه فقررت اغير طريقتي والحمدلله صار هالشي اوفر و ارتب بكثير


قبل
كنت كل يوم اغسل الملابس ماحب الملابس تتجمع وبكذا خسارة صابون و كمفورت وكهرباء ع الفاضي
الان
حطيت سلتين غسيل وحده لي انا وزوجي ووحده لبناتي وصرت اغسل ملابسي انا وزوجي مره في الاسبوع
وملابس بناتي مرتين لانهم صغار ودايم اغير لهم بكذا صار توفير في طاقة الكهرباء و ميزانية الصابون و ادوات النظافه



انا اعشق السوق و التسوق احب دايم انزل يعني احيان انزل في الاسبوع مرتين سواء بشتري شي او اتمشى واتسوق فقط

قبل
كنت كل ما انزل بس اشتري ملابس اكسسوارات جزم اكسسوارت بيت اي شي بس اشوفه اشتريه واحيان والله مايكون له داعي بس مجرد عجبني واشتريته كنت كل اسبوع تقريبا اخسر من 500 الى 800 ريال اسبوعيا في الاسواق على غير داعي
الان
صرت اكتب ايش ناقصني انا وبناتي من ملابس او اكسسوارات او اي كماليات وايش ناقصني لبيتي سواء للمطبخ او اثاث للبيت وكل شهر اشتري النواقص وصرت لمن كل اسبوع انزل السوق اخذ معي مثلا 200 ريال فقط و اوخلي الباقي في البيت عشان اضطر اني اوفر ولا اصرف بزياده وبكذا صرت انزل السوق دايم واوفر فلوسي بنفس الوقت


قبل
اعشق الكوفي سواء اسبريسو او كابتشينو او اي نوع يعني من عشاق القهوه وكنت دايم اشتري من ستار بكس و كوستا كوفي وحسيت انه صرف لمن اشتري بشكل يومي
الان
رحت نسبريسو و اشتريت ماكينة القهوه في البيت واشتريت نكهات القهوه عندي وصرت اشربها بشكل يومي بدون خسائر كنت اشتري الكوب اقل شي ب 15 ريال الان في البيت مايكلفني ريالين وبنفس الطعم و الجوده
وسرت اشتري القهوه مره في الاسبوع كنوع من تغيير الروتين فقط بكذا وفرت على نفسي كثير


والان اعاني من مشكله بصراحه وهي الخضار و الفواكه
احب اشتريها لاكن قليل ما استخدمها يعني الورقيات اشتريها وتقعد الين تخرب وارميها وارجع اشتري وارمي وعلى هذا الحال استغفر الله
والفواكه نفس الشي اشتريها وتقعد الين تضمر وتخرب و ارميها
مو عارفه هل هو كسل او عدم تدبير ياليت تساعدوني في هذه النقطه الي متعبتني كثير مع العلم اني اشتري بكميات قليله يعني بالحبه مثلا خمسه تفاحات و سته برتقالات اربعه حبات كوسه يعني ماشتري كثير لاكن تقعد الين تخرب وتترمي الله يغفرلنا ويصلح حالنا

قبل

ماكنت اخفف علبة العملاق الاخضر

بعد

صرت اخففها لمن امسح السرميك او اغسل الحمامات لان ريحته قويه

بالنسبة للدوام


ع فكرة اذاكر واكتب لكم قلت ماودي اطلع من الموضوع لين افيدكم مثل مااستفدت منكم الله يجزاكم خير

المهم

كنت احوس قبل الدوام واحتاس وش البس كل يوم

صرت امسك يوم قبل الاختبارت بحكم اني انتساب


يوم كله لتنسيق الللبس اكويه و اكسسواراته والشنطة والشوز وانتم بكرامه واجمعهن بكيس خفيف واعلق اللبس وقبل الدوام بالليل

اكون مطلعه الاشياء اللي احتاجها مكياجي وفرشة ومعجون وصابون ومشط في كيس او بوكس اذا صحيت اخذه معي قريب من المغسله اتوضا وامشط واتجهز واروح الغرفة البس واصلي واخرج ولا اسهل ولا اسرع



قبل كنت اتاخر ويروح الوقت وانا اطارد من درج لفرشة لشباصة لمشط وكذا

والحمدلله ارتحت مررررررره مع هالطريقة التنظيمية

هدوء انثى ما شاء الله عليك انا نفس طريقتك


الله يوفقك

ماشاءالله عليكم استفدت منكم ,,