أهلاً عزيزاتي و اعذروني على التأخييييييييييير، بجاوب على استفساراتكن بالدوووووووور:

انا الحساس هلا فيج إنتي و الأخت مضيعة.. بعد ما تبشرين لب جوز الهند تعصرينه في قطعة قماش خفيفة أنا استعملت شيلة صلاة جديمة، و تاخذين مقدار بسيط من مبشور النارييل و لا تاخذين مقدار كبير علشان يطلع الحليب أكثر عندج.. و تضغطين لب النارييل على القماش و بينزل الحليب من تحته، و إذا ما عندج قماش خفيف تقدرين تستعملين المشخلة الصغيرة اللي فيها فتحات صغيرة و نحطها على دلة الشاي والقهوة علشان نصفي المشروب من الرواسب و تضغطين المبشور على فتحات المشخلة و بينزل الحليب من تحتها لكن القماش أريح لأن المشخلة بتعور لج إيديج..

هلا الغالية منى8374 و مشكوووورة على مرورج بالنسبة للزيت بتلقينه عند العطارين قوليلهم زيت الحية و شمع النحل الإيراني و أكيييييد يعرفونه.. أما اللي في الصيدليات فمافيه نفس مفعول الزيت الإيراني في التطويل.

هلا الغالية for me شيء وايد ممتاز إن الزيت يكون عندج، و جربيه على شعرج و ما بتندميييييييين إن شاء الله لأنه فعلاً من أفضل الزيوت على الاطلاق و ألف شكر على مرورج و لا تنسين تبشريني بالنتايج.

الغاليات شوكلاته جالاكسى و أحلى كلام سأرد على استفسارتكن اليوم إن شاء الله.

السلام عليكم

ممكن استعمل زيت الحيه مع زيت اسمه " النارجين " حق جوزالهند يعني اخلطهم مع بعض ما يخرب مفعول الزيت واذا انتي او اي احد من البنات مجربه مع دهن ثاني ارررررررررررررررجوكم ردو علي

" انا ماسكه علبت الدهن وناطره تردون علي " ==================> :06: :44:

بس يابنات انا سمعت ان زيت الحيه نجس لايجوز استعماله لى ان الحيه نفسها نجسه

الاميرة اوديت
اسمج وايد حلو يذكرني بقبل ايام الطفوله :27: والمسلسلات الكرتونية الحلوة خخخخخخخخخخخ

المهم حبيت اسألج زيت الحيه شنو لونه؟؟ لانه في عندنا بالكويت مركز لتجهيز لوازم الصالونات يبيعه ووحدة تمدحه بس تقول لونه غامج مو شفاف
انتي اللي عندج شنو لونه؟؟
وينفع استعمل شمع مو ايراني؟؟ وشلون طريقة الشمع اذوبه يعني؟؟؟

السلام عليكم

الاخت العزيزة فتون علف

الزيت موجوده " اذا طلع اللي عندي موجوده بالمباركيه عند حواج الايراني بنص دينار وحجم العلبه نفس طول الاصبع الابهام بشوي " ياريت يردون علينا علشان نتاكد

وعلي فكره هو مخلوط معه الشمع خالص