وينكم يالبقية يالله همتكم

ولدي ينام متاخر معي يعني اروح واجي يكون صاحي له ساعه
يعني احسن شي تخلونهم يناموا متاخر علشان يقموا متاخر
والشغاله تنام بدري لان اغلب الشغالات يحبون ينامون بدري خليها تنام علشان الشغل يكون الصباح كله من غسيل وكوي وتنظيف البيت
وعلمت الشغاله على التلفزيون تشغله لولدي على قنوات الاطفال يجلس ولدي عليها
والمعامله الزينه تخليها تعامل مع ولدك زين
وقبل كل شي الاذكار دائم رددي اذكارهم واستودعيهم لارحتي
الله يعطينا خيرهن ويكفينا شرهن

اناا تو من اسبوع جتني شغاله..

والله يسترر احسهاا جداامي زينه بس من ورااي مايندراا..

وبالاخص اناا طالبه...

1- عامليها أحسن معاملة أول ما تجي وقولي لها أنا مثل اختج وأي شي في خاطرج قولي لي ولا تترددين
2- قولي لها خذتي بالج من الولد بتكون لج مكافأة شهرية من غير الراتب وإذا علميته شي مفيد في فترة غيابي بزيد لج المكافأة وسوي لها هذا الجدول علشان تتطمن إنج بتعطينها
= جدول أعمال للشغالة عربي وانجليزي =
3- يوم بتسيرين الجمعية لا تنسينها في مشترياتج سيري القسم الفلبيني او الأندونيسي على حسب جنسيتها وخذي لها بعض الأكلات إللي تحبها
4- طلعيها لو في الأسبوع مرة علشان تغير جو
5- وهي الأهم لاحظي مدى تقبل الولد لها إذا تقبلها يعني هي فعلاً تعاملة بكل طيبة ، وإذا يرفضها بمجرد مايشوفج حاولي تراقبينها من بعيد لين بعيد يعني قولي لها غيري البامبرز للولد مرتين خليها تغير ... والمرة الثالثة طبي عليها وشوفيها كيف تغسله وحطي يدج تحت الماي وشوفي درجة الرارة اوكي أو لا
وكذلك بالنسبة للحليب لين تتطمنين

والله يعطينا خيرهم ويكفينا شرهم اللهم آمين

فعلا كلام الاخوات صحيح المعاملة الطيبة هي الاساس وبالنسبة لي اعامل شغالتي افضل مايكون لدرجة احس اني مزودتها لكن لاجل عين تكرم مدينة وانا ولله الحمد حاسه ان بنتي حابتها وانها مهتمه فيها لدرجة ان بنتي اذا مرضت احس ان الشغاله تتوتر وتزعل ولاتنام
وعمري ما عاملتها على انها شغالة نهائيا كانها وحده من اهلي وترعى بنتي مع اني وجدت اعتراضات شديده من المحيطين بي لكن اذن من طين واذن من عجين لسبب بسيط اني اترك عندها اغلى ما عندي امانه فكيف ترعاها وهي مي مرتاحه معي وبصراحه من الغباء اننا نسمع قصص الخدم ومصايبهم ولا نحرص منهم ولو فقط بالمعاملة الطيبة