(تجارب المطلقات) دعونا نتشارك بمعاناتنا واراءنا وتطلعاتنا لبناء مستقبل جديد

بسم الله الرحمن الرحيم

اخواتي المشاركه مفتوحه للجميييييييييييييع بادلاء اراءهم وليست مقتصره على المطلقات

فلعلنا نستفيد ونفيد ,,,,,,,,,,,,,,,

سأبدأ في نفسي لذكر اصعب ايام عمري والتي عانيت بصرااااااااااااااااحه لاني بطبيعتي

حساسه فزادني طلاقي حساسية والما وقوة ايضا ,,,,,,

طلقت بعد ان رسمت لنفسي انواع السعاده التي انتظرها برجل لم يقدر الحياه الزوجيه للاسف

استمر زواجي به سنه ونصف تقريبا .....ذقت المر والعلقم ولم اكن اريد الطلاق بل كنت أصبر

نفسي ولكن الله اختارني لاكون من بين الاااااااااااف المطلقات ......

بعد طلاقي ضاقت الدنيا في وجهي احسست اني فقدت طعم الحياة ,,,,,,,فقدت السعاده ,,,

عدت لاهلي وانا احمل لفظ مطلقه في عز شبابي .....كنت قويه في الشهرين الاولى ثم انهارت

قواي واصبحت حزيييييييييييييييييييييييييينه لدرجة اني اصبحت اتعالج عند طبيب نفسي وعند

شيخ يقرأ علي ......قليلا قليلا حتى استعدت مرحي وبهجتي وشعوري بالحياة وأصبحت اتطلع

لزوج يعوضني عن تلك الايام التي ولله الحمد لم تدم طويلا ولله الحمد ايضا اني لم ارزق بابناء

من ذلك الزوج ,,,,,,,اهلي اقاربي صديقاتي الكل وقف معي لم يضايقوني ابداااا

قدروا اني خدعت بذلك الرجل .......صبروني .... واحتضنوني من جديد

لي الان 3 سنوات منذ طلقت ولم يكتب لي الزواج من جديد فانا خاااااااااااااااائفه جدا

كل ما طرق الباب اصبحت اخاف اصبحت اكثر تحريا اكثر وعيا ,,,,,ولكن النصيب لم ياتي بعد

الذي يزعجني اتهام الناس للمطلقه في مجتمعاتنا للاسف بانها يجب ان تقبل باي احد كانها

معتوهه ... يستكثرون عليها ان ترتبط بشاب مثلها ......والذي يغيض ايضا ان الرجل بمجرد

انفصاله عن زوجته يسارع لاختيار افضل البنات الاتي لم يسبق لهن الزواج

ما اقوووووووووووووووووووووول الا ((( الله يكبر حظوظنا بالاخره )))

يا بنات اعذروني بقلب الحين عاللهجه العاميه

بصراحه يا بنات انا اول ما تطلقت تقدم لي شاب لم يسبق له الزواج وخفففففففففت ارتبط فيه

واساسا كانت نفسيتي تعبانه توني طالعه من تجربه مرررررررره ,,,,هل تؤيدين الارتباط

بشاب لم يسبق له الزواج وانتي مطلقه ؟؟؟؟؟؟؟؟؟؟ من وجهة نظري مع انه مو دلييييييل

ممكن يذلني وكل شوي يقولي احمدي ربك اني ما خذك وانتي مطلقه وغير كذا يهددني وبصير

ارضخ له عشان مااتطلق مره ثانيه ......

هل تؤيدين الارتباط برجل مطلق ولديه ابناء ؟؟؟؟؟؟؟ ممكن يرجع لزوجته ويلحون عليه

عياله ويلتم شمل العيله وانتي !!!!!!!!!!!!

هل تؤيدين الزواج برجل متزوج ويريدك زوجه ثانيه احيانا فيه اسباب واحيانا ما فيه اسباب

واضحه؟؟؟؟؟؟ انا يا بنااااااااات كنت ارفض بتاتا الزواج من متزوج واقول لاااااااااااا والف لا

قبل لا اعرف اي شيى عنه كنت بمجرد انه متزوج خلاص انسى الموضوع

والحييييييييييييييييين كاني بديت اللين شوي لاني حسبت حساب العمر يمضي وانا بدون زوج

ولا اطفال وكل اللي حولي تزوجوا اللي في سني واللي اصغر وعندهم اطفال الا انا ,,,, يمكن

خييييييييييره لي اخذ متزوج اذا كان على علم ودين ومقتدر ماديا وما فيه عيب

الا انه متزوج ( اختي وصديقاتي يقولون لي كذا ) وعلى قولة وحده من صديقاتي تقول اريح يوم

تطبخين ويوم لا ,,,,ما يصير ينشب فيك طول الوقت ,,, تشتاقين له ويشتاق لك

بس انا اقول افرضي رجع لزوجته وزانت في نظره ولا رحمها والتم الشمل وانا !!!!!!!!!!!

من جدددددددددددددددددددد شيى يحيييييييييييييييييييييييييييير

والله ما تتخيلون معاناتي وتفكيري مع كل واحد يتقدم مخي بينفجر طبعا حتى النوم يطير

استخير قبل كل شيى بس احيانا الافكار تودي فيني وتجيب انا بصراحه ارغب بواحد مطلق بلا

اطفال يعني مثلي يكون معاني من الطلاق ويبي الاستقرار بس هل بضمن اخلاقه اذا تحقق لي

هالشيى ...........واحيانا اقول طيب مطلق وعنده اطفال بيكون ايضا متمسك بالحياه الزوجيه

بس اقول افرضي يا بنت جاب عياله عندك وانا لسا ما جبت عيال وبصراحه ما قدر اربيهم

واتحملهم .......واحيانا واحد متزوج وعنده عيال ويكون ماشاء الله مواصفاته حلوه بس عيبه

انه معه زوجه اولى هل هذا يخليني ارفضه وهو كويس واحيانا اقول وش حادني ( يعني وش

مجبرني ) اخوض تجربه بخوف وانا مطلقه خليني سعيده في بيت اهلي واحيانا اقول طيب الى

متى بتضيع مني الفرص ويمكن خلاص مع مرور الوقت اصير اتنازل اكثر وارضى باي كلام

شااااااااااااااااااااااااااااااااااركوني فانا في حييييييييييييييييييييييييييره

( ادعوا لي يا بنات والله الطلاق موب سهل والزواج بعد الطلاق صعب ,,,,ادعوا لي باللي

يسعدني ويناسبني ويعوضني وادعوا لكل مسلمه)

الله يجزاكم خييييييييييييييييييييييير

تحيه وبعد....

تجربه صعبه فعلا.. لكن الحمدالله على كل حال...

الخيره فيما اختاره الله.. وانتي ما تدرين وين الصالح...

الله يرزقك الزوج الصالح الي ينسيك همومك ....

اختي مبرقعة هانم ..

إياك واليأس .. إياك واليأس .. وتذكري دائماً رحمة الله فوق كل شيء واللي كاتبه هو اللي راح يصير ..

المرأة المطلقة مثل أي فتاة اخرى لا يعيبها شيء سوى نظرة البعض في مجتمعاتنا بأن المطلقة يجب أن ترضى بأي شئ فقط كون نصيبها لم يكن موفقاً ناهيك عن اتهامات البعض ولو كانت غير صريحة بأنها من الممكن ان تكون هي السبب في الطلاق يعني العيب منها ..

كلها آراء لا تقدم ولا تؤخر بفتاة قوية الشخصية مثلك .. الزواج المباشر بعد الطلاق لا أنصح به لأن مشاعرك تكون غير مستقرة بعد بسبب ما مررت به .. تريثي قليلاً وبما أنك لك 3 سنوات مطلقة ، اختبري نفسك واجلسي جلسة صراحة بينك وبين نفسك تقيمين فيها مشاعرك ونفسيتك .. هل أنت مستعدة للارتباط من جديد!! هل الماضي اصبح ماضي ولا تحملين شيئاً منه سوى التجربة والاتعاظ وحسن الاختيار!!

إذا كان جوابك إيجاباً ، فابدأي بوضع حسنات وسيئات العريس الذي يتقدم لك .. يعني لو كان متزوج فنعتبر هذه سيئة ولو كان عنده اطفال فهذه سيئة اخرى ولو كان متدين فهذه حسنة وطيب فهذه حسنة أخرى ... إلخ وهنا تستطيعي ان تقارني هل حسناته تطغى على سيئاته فلو كان الجواب نعم فاستخيري وتوكلي على الله .. ولو كان لا فابتعدي وارفضي ..

ليس مقياس الرجل بالموافقة او الصد هو الزواج او العيال او الطلاق او العمر .. المقياس هو بالأخلاق والطيبة والرحمة وحسن المعاملة والسمعة الحسنة .. لقد جربتي الشاب الأعزب الذي لم يسبق له الزواج فكان لك عذاباً وألماً رحمك الله منه بطلاقك منه ، وقصدي هنا ان مقياس الرجل ليس هل سبق له الزواج ام لا .. فكم من رجال سبق لهم الزواج وتزوجوا بأخرى وعاشت معهم معززة مكرمة سعيدة .. والله الموفق

الله يسعدك ويوفقك
وان يعوضك الله في
الدنيا والاخــــــــــره

والخيره فيما اختاره الله

... فتحتِ جروح يا عمري ..

أنا مثلك مطلقة لكن وضعي يختلف عن وضعك .. صار لي :) 3 أشهر مطلقة .. طبعاً وللحين ماانتهت العدة هذا لأني حامل .. و عدتي للولادة ..
الحمد لله ماتعقدت .. لاني عارفة زوجي زين .. من اول ماأخذته قلت له في وجهه ترى انت ماتصلح لا انك تكون زوج ولا تكون أب .. دوووووم مشغوووول و إذا مو مشغول فهو طالع مع ربعه .. ومن قهوة لكوفي شوب .. لسينما .. طول الليل بعد مايخلص الدوام .. ويجيني آخر الليل لو تعبانه هلكانه المهم هو يبغي ....

شكاك .. و غيوووور لابعد الحدود لدرجة انه روحة بيت أهلي يشك فيها وبعض الأوقات يمنعني أو يقول لي ليش بتروحين ؟؟ :) الحمد لله على كل حال ..

الحمد لله .. ما تعقدت .. ومن الحين يقولون لي تفكرين تتزوجين مرة ثانية ؟؟ أقول لهم اي .. لو جاني نصيبي بتزوج .. قالوا لي ليش حملتي وانتِ تدرين أنج ماراح تستمرين مع هل الريال .. كان ردي .. أنا أدري بتطلق .. بس اللي ماادريه .. هل راح اتزوج مرة ثانية ؟؟ راح يجيني النصيب أو اتم جذي بدون زواج ؟؟

فقلت اجيب لي ولد .. يريحني .. ويونسني لو ماتزوجت .. و لو الله كاتب لي أتزوج مرة ثانية .. راح أتزوج لو عندي 10 أولاد..

أكثر شي يتعبني .. مو فراقة .. فراقة عيد ولله الحمد .. لكن لمن أجي أنام وماالقى اللي ياخذني في صدره خصوصاً وقت اللي اكون فيه تعبانه .. :) ابكي لكن أقول الحمد لله..

و إن شاء الله ربي يعوضني خير ..

أنا جامعية ولله الحمد .. و أنتظر التوظيف .. يجي من الوزارة أدعوا لي يابنات الله لا يوريكم مصايب .. بدأت أشتغل في الوقت الحالي في مؤسسة هي لأخوي كسكرتيرة .. بس طبعاً مو ضمن تخصصي ولا ضمن شغلي بس أنا أحب الكمبيوتر وشغله :) .. و أفكر خلال الأيام الجاية آخذ لي دورة كمبيوتر تنفعني .. لكن لفلوس هي مشكلتي .. لاني أشتغل في الوقت الحالي من غير راتب لان المؤسسة في بدايتها ..

واتمنى اتوظف هذا الفصل لاني مدرسة .. :) فادعوا لي من قلب الله يخليكم .. عشان مااعود احتاجة ولا احتاج شي منه لولدي ..

طبعاً أنا عندي مشكلة مع اهلي ولله الحمد .. إنهم ما يتحملون ارجع لهم ويصرفون علي من جديد .. ففي الوقت الحالي يجيني مصروفي لاني في العدة لكن لو خلصتها وأنا مااشتغل ماراح اقدر اصرف على نفسي ولا أقدر أرجع لأبوي أقوله اصرف علي .. لانه من النوع اللي يحب قرشه .. ولله الحمد :) ...

طبعا مصروف ولدي على أبوه وهو ملزم فيه لكن أنا لي الله بعدين .. و على هذا ادور لي شغل .. وابغي آخذ الدورة عشان اقدر اشتغل بشهادتها ..

غير هذا سجلت في دورة تجويد .. وراح أبداها إن شاء الله بعد اسبوعين .. :) ..

هذا كل شي عندي الحين ... لو في شي راح ارجع افضفض وقت ثاني ..

ولا تنسوني من الدعاء ..