هلا والله بكل المنطلقات

الله يسمعنا الاخبار الحلوة عنكم

كل من سال عني ..........كمبيوتري كان خربان و وديته التصليح و امس يبته

اخباري الحمد لله اوكي و النفسية فووووووووووووق الحمد لله

ام محمد

استخيري في موضوع الطب النفسي

ولا تخافي الناس تطوروا وما صارت نظرتهم زي زمان

بس

اهم شي تكون دكتورة محترمة

ومنهجها في العلاج سليم

ما تكون بس مادية

انا عن نفسي كنت اروح قبل ما انفصل

بناء على رغبة طليقي

المهم

صرت اروح

علشان خليك مع الكذاب

بس عارفة ايش كانت ردة فعل زوجي لكل النصائح اللي يسمعها؟؟
كان يقول: الاول تغيري انت وبعدين انا ممكن اتغير!

انا طبعا لما سمعت هالجملة قلت للدكتور امامه لأ
انا اتغير وهو في نفس الوقت يتغير
وانا عندي استعداد اتغير بنسبة 90 ف يالمية وهو لو تغير عشرة في المية راح انبسط

بس زوجي كمان رفض
والدكتور عادي يعني ---كان متحيز لطليقي اساسا لانه من طرف ابيه
حسبي الله ونعم الوكيل

المهم ---صجيتك انا بقصتي

الخلاصة روحي لدكتورة شاطرة
لانك لو رحت عند وحدة ما تفهم راح تضيع وقتك بس
مثل الدكتور اللي كنت اروحله انا وزوجي
حسبي الله ونعم الوكيل فيه--------------------اشوف فيه يوم:30: :30: :30:


رهووووفة

مثل ما قالت اناناسة

حرام عليكم تزوجوها عقيم
مهما كان راح تمل وتطفش حتى لو كان مية مية

وبعدين اختك الحين مكتئبة---لا تاخدوا بكلامها
الله يارب يهون عليها

رهوفة احضري ماء زمزم واقراي رقية شرعيه عليه وخلي اختك تشرب
الله يطمنكم عليها


ام حمودي

الحمدلله انك رجعتيلنا بالسلامة:)
والحمدلله اكثر انه نفسيتك حلوة هاليومين:26:
الله يديمها :26: :26:



نداء ثالث واخير لأوتااااااااااااااد
اظهري ولا عاد ما راح ندخلك هالموضوع الا بفلوس

يابنوتات ياحبيباتي ..

بلسم
انانسة

احنا ماكنا ناوين نعطيه اختي والوالد كان رافض لأنه عقيم .. بس يابنات حملت
مرته مرتين وسقطت .. والوالد يقول انه يمكن سوا انابيب وخرابيط وبعدين هو
سواها بالخارج فيمكن لا قدر الله لعبوا في المسألة وانتوا فاهمين قصدي...

وابوي رفضه على هالاساس ...




طيب ياحبيباتي عطوني دورات حلوة تنمي الثقة لأني ناوية اروح انا وياها لأني
خلصت الكلية وابغى اعطيها جزء من حياتي لأنها تحس اني انا الي عطلتها عن امورها
ودايم تقول لي ماخلصتي دراسة واختبارات انت ضيعتيني وضيعتي وقتي .. وهي
تقصد انها ماتقدر تروح مكان الا وانا معها مستحيل تروح بروحها حتى لو مع امي
وخواتي لازم انا معها .. مدري اش اسوي .. حتى تقول لو انخطبت ابغى واحد ساكن
بنفس المنطقة عشان اذا احتجتكم تساعدوني ...








:(

رهوفه ..
تدرين وش مشكلة أختك؟؟
هي حاسة إن الزواج هدفها بالحياة!!
يعني بيت أهلها مو بيتها! ومالها قيمة إذا ماتزوجت!
رهوفة ترى كثر الدق على الحديد يلينه.. يعني لا تيئسين وأنا أختك من الكلام معها.. بس بهدوء وطولة بال..

قولي لها..
الحين المتزوجات إذا تعبت أو ولدت من يضفها؟؟ مو بيت أهلها؟؟؟
لازم تفهم أن بيت الأهل هو الأصل.. وعمره ماكان مكان ضيق ولا يفشل إن الوحدة تجلس فيه.. خاصة للي مثلها.. يعني هي منهي بنته!! لو معاي أطفال أو معها يمكن تختلف النظرة شوي.. باعتبار إن أهلك أنتِ حملهم بس عيالك يمكن لا..
تدرين هي محتاجة قوة شوي.. لو تشوفيني بس.. أنا صايرة أطلع الفلوس من أبوي بطريقة توحفة خخخخخخخخخ ماعاد أخاف أو أستحي أو أحسه مو من حقي مثل أول!
لأني فكرت بحقي (صايرة تفكير أمريكي البنت) أنا حقي في الإسلام نفقتي على الولي اللي هو أبوي ولا زوجي .. وهو حقه القوامة اللي يتعسف بها أحيانا..
فليش الرجال يستخدم حقه ويمنعني أطلع ولا أكلم صديقتي ولا مدري ايش وأنا ماأستخدم حقوقي وأستحي أو أخاف أطالبه بها!
تصدقين.. أبوي مرتاع مني.. أول مره بعد طلاقي أطالبه بفلوس للسوق.. تخيلي بس مية!!! ومع ذلك وش قال.. ماعندك مكافأة من الجامعة!!! قلت إلا .. بس هذي فلوسي وأنت الأبو والنفقة عليك <~ ماتلعب خخخخخخخخخخ قام طلعها بعد شينة نفس ورماها علي بس ماهمني تصرفه.. ومستعدة أناضل للنهاية.. ليه أسمح لأي أحد يحرمني حق ربي كافله لي.. البيت والنفقة وغيره حق لي مو فضل منهم..
ولذلك أختك لازم تتشرب هالقناعة.. لازم تصير آمرة ناهية.. هي ملكة ببيت أهلها.. والبنت الحين والله أفضل صلاحيات من المتزوجة بس إذا تهيئت لها الظروف وإذا كانت هي قوية للوصول لهالحقوق <~ وش رايكم ماأنفع محامية للمرأة :hahaha:

رهوفة.. قولي لأختك الله يقول (ولقد كرمنا بني آدم) كرمهم بأيش؟ بالعقل وحمل رسالة الدين..
ماقال كرمناهم بالزواج.. الزواج شي فطري من سنن الحياة.. لكنه مو هدفها الأساسي وغايتها في خلق الإنسان.. ولا كان كثير من الصالحين ماعاشوا أو دخلوا النار عشانهم ماحققوها أو نجحوا فيها!

هل هي أسوأ الناس ظروف؟ هل هي أسوأ مطلقة بالحياة؟ هي بين أم وأب على الأقل يراعون خاطرها,,
وينها لو أقولها أنا وش سووا لي اهلي قبل الطلاق وبعده.. أبوي الله يجزاه عني بالجنة جاب لي ورقة فيها تعهد بأشياء ماأطالب بها لحدي عايشة عنده مافيه جوال ومافيه طلعة من البيت ومافيه نت وقائمة تطول.. تصدقين ماكنت خايفة أول طلاقي من شي كثر خوفي أبوي يكسر رقبتي بيوم!! حسيته حاقد علي من جد... بس ربي ماضيع حقي.. وراه الرجال اللي تزوجته فصول قلة حيا خلته يعرف البلا من مين..

ومع الوقت صرت أقوى وعرفت غبائي واستسلامي بالبداية لضغوط الأهل..
بس أختك ظروفها أحلى مني بكثير.. قولي لها إن وجودك نعمة لها.. والله يارهوفة كانت تمر على أيام النوم ما يجيني والدمعة على خدي ودي بأخت بس تخمني! تخيلي ماعندي أحد.. اختي الجدار ألين منها.. الله يسخرها لي.. بس ربي ماضيعني يمكن ابتلاني بكذا عشان أخلص له وحده الشكوى..

أختك بعد لازم تفهم معنى البلاء... وكيف مايبتلى إلا الصالحون.. ناقشيها بسيرة الرسول .. أقروا عن خروجه صلى الله عليه وسلم من مكة للطائف ذليل فقير حافي.. كيف رموه أهل الطائف بالحجارة حتى سالت دماه .. كيف وقف رافع يدينه للسماء يشكو ضعفه وقلة حيلته لله.. قولي لها ياأختي هل أنت أعز عند الله من نبيه! ابتلاه لأنه يحبه... وأنت ابتلاك لأنه يحبك..

أختك تحتاج دفعات إيمانية قوية.. البكاء مامنه مشكلة.. بس ياليت يكون بين يدي الله.. حثيها على قيام الليل.. أقري معها كتاب (عدة الصابرين) لابن القيم رااااااااااائع..
وفيه كتاب بعدة أجزاء اسمه (الفرج بعد الشدة) قصص من الأولين والمتأخرين لأناس فرج الله عليهم شدتهم... لازم يتخلل قلبها برد اليقين والإحساس بأنها دنيا فااااااااااااانية!

قولي لها فرضا عشتِ بدون زواج وبدون عيال.. ابتلاك الله لحكم هو يعلمها هل خلاص انتهيتِ؟؟؟
مافيه شي اسمه آخرة؟؟ وجنة ونار؟؟ وبرزخ وقبر؟؟
مافيه آية تقول (إنما يوفى الصابرون أجرهم بغير حساب) <~لاحظي (((بغير حساااااااااااب))

هل الله ابتلانا أنا وهي وباقي البنات هنا عبث؟ هل اللي نجحت وعاشت سعيدة بالحياة بأجرها مثل اللي عانت وتعذبت وشافت الويل!!
هل يستووون؟؟ قولي لها إن عظم البلاء مع عظم الإيمان نعمة! والله نعمة..
أنا مثلاً لما أطلع لعزيمة.. ألاقي اللي بسني يابنات همهم هالدنيا والتكشخ والسفرات .. والا متزوجات مستقرات عنهم طفل أو اثنين.. والطبقتين ظاهرهم مبسوط.. وعندهم إني أنا فاضية ومسكينة .. بس والله إني بداخلي أقول ربي مااختارني من بين كل هالبنات عبث! ربي مااصطفاني لهالابتلاء صدفة!
ربي يدري عني.. وعن نيتي.. أحيانا يجيني الشيطان يقول لي شفتي.. هذولي كانوا أردى منك .. لاالتزام ولادين وضايعين بالدنيا شوفيهم شلون.. وأنت شوفي حياتك.. وارجع ابتسم.. لأني أتذكر حديث يقول بمامعناه (أشد الناس بلاء الأنبياء والصالحون ثم الأقل .. يبتلى المرء على قدر دينه) فأفرح..! وأتذكر حديث آخر بمامعناه إن الرجل ليعمل العمل حتى ليكون بينه وبين منزلته في الجنة مقدار لايصله له بعمله فيبتليه الله ببلاء ليصله بصبره..

يعني حنا بنعمممممة! والدليل إن أهل البلاء ليتمنون يوم القيامة أن يعودوا للدنيا فيقرضوا بالمقاريض لعظم مارأوا من أجر البلاء... سبحان الله

كل هالمعاني يارهوفه فيها عزاء لقلب أختك.. يمكن هي عاجزة عن البحث عنها لأن الشيطان يستغل لحظات الضعف وفترات البلاء للإنسان.. وهنا يجي دور الأخ الصالح فعلاً اللي يشيل الغمامة عن عيون المبتلى ويمسك يده ويعينه بالتدريج حتى يحس بمعاني الابتلاء وحكمه العظيمة..

أوصيك بالدعاء بعد.. وحثيها عليه.. هي مو تقول أنا فاضية ومالي أهمية وهذا مو بيتي.. قولي لها اسعي لبيتين لك واحد بالدنيا وواحد بالآخرة.. افرشي سجادتك كل ليلة من 1 إلى 3 بالليل.. ابكي في سجداتك واطلبي ربك اللي ماقدروا البشر على تحقيقه لك.. ابني معه بيوتك وآمالك وأشكي له أحزانك.. وكيف بيخيبك وهو يسمع دعائك سبحانه...

رهوفه لاتيأسين لو قالت لك مافي أمل.. ولا دعيت ومااستجاب لي!! ترى الشيطان حريص وبيسكر في وجهها كل طريق وهو أصلاً مايبي غير إنها توصل للقنوط من رحمة ربي.. أعوذ بالله منه..
لذلك خلي بالك طويل معها.. وأقرأي كل يوم وعندك النت نبّشي في مواضيع الصبر عند البلاء.. واجمعي الأدعية لها.. وخلي بينك وبينها درس يومي بسيط بالسيرة اقرأوا من كتاب (هذا الحبيب يامحب) وركزي على قصص الابتلاء فيه.. وشجعيها تحفظ قرآن.. لو كل يوم وجه.. واحفظي معها واكسبي أجر وكل وحدة تسمع للثانية... الصيف جاي.. أدخلوا دار ومسكوها أنشطة عشان تحس بالثقة بالنفس.. لاتشعرونها إنها مسكينة أو ناقصها شي من خلال رحمتكم الظاهرة أو نظرات الشفقة بها.. ترى الشفقة أحياناً تكسر الثقة بالنفس عند الواحد.. أنا مثلاً ماقد علقت أمي على طلاقي بعبارت رحمة دايم هوش .. مره وحده قالت لي ياعمري وعقبها جلست أصيح لين صفى راسي <~ ماأنعطى وجه :eek:

هذا اللي ببالي وأزعجتك بقرقي!..

الله يسمعنا عنها كل خبر طيب :)

طيب وهو شلون بيضمن إن البلا مو فيني بعد؟
المسألة نسبية..
وفيه أنواع طلاق البلا فيها واضح من مين.. وأنواع لا..
يعني لو تقدم للمطلقة واحد مطلق مثلا كم مره ويقول ماارتاح والله بزواجاتي.. ربي ماوفقني بهم!!
هذا بالتأكيد ماراح توافق عليه وحدة عاقلة!

لكن لو تقدم واحد مامعه أطفال ووضح سبب طلاقه وماكان من النوع اللي يتزوج ويطلق كهواية هذا ليش ماتوافق عليه الوحده؟

لأن البلا بعد ليش مايكون من المتزوج؟؟!! على الأقل المطلق ماعنده زوجة وفطرة الرجال يبي له زوجة.. لكن المتزوج وشوله بيتزوج وهو متزوج وعنده من تقوم بحاله!! البلا من مين هنا!

يعني بكفة الميزان.. انا أشوف والله أعلم وعلى الأقل بالنسبة لوضعي الحين إن المطلق بدون أطفال أرحم بكثير من المتزوج!!



طبعا الحين لا ياقلبي.. :)

بس هذي خطوات.. يعني حلو الوحدة ترسم استراتيجية لها <~ركزوا على الكلمة بس :22: حتى مايمشي العمر وهي ماتدري وش تبي !

أنا المتزوج حاليا مرفوض عندي إلا أن يشاء ربي شيئا.. لكن ربما المطلق والأرمل اللي له عيال صغار مقبول..

لو قدر الله علي ومضى العمر شوي ومالقيت طلبي وتقدم لي الشيبة على قولتك اللي عياله كبار وحرمته متوفيه فهو أرحم عندي من الشاب اللي حرمته موجوده!

أصلاً ساعتها بيكون فارق العمر معقول.. وإذا كان الهدف ألحق أجيب لي طفل أو اثنين فهو بيتحقق مع المتزوج أو الأرمل .. لكن برأيي أن الأرمل أرحم.. قناعة شخصية يمكن وحدة ثانية تشوف واحد بسنها مثلا ومعه حرمه أو أكثر أفضل عندها.. وفيها بنات برضو عندهم نفس القناعة..

ويعتمد على أنتِ وش تبين ووش ممكن تتحملين من ضغوط الزواج.. أنا بصراحة ربنا كلش إلا غثا ومصالاة الحريم ماأقدره :)

الله يعين على هالدنيا بخير.. تصدقين صايرة إذا سألوني الناس ورا ماتعرسين وش تحترين أقول أبي رجال الجنة.. عاد أمي تقول إيه يالصحابيه خخخخخخخخخخخخخخ قلت ماعلي منكم رجال الدنيا لكم..

أنا بجميع الحالات أدري إن قدري بشوفه.. والمكتوب على الجبين لازم تشوفه العين.. بس الله ييسر لنا جميعا اللي فيه الخير ويرضينا فيه :)