قهوة بالبندق :

طيب وهو شلون بيضمن إن البلا مو فيني بعد؟ المسألة نسبية.. وفيه أنواع طلاق البلا فيها واضح من مين.. وأنواع لا.. يعني لو تقدم للمطلقة واحد مطلق مثلا كم مره ويقول ماارتاح والله بزواجاتي.. ربي ماوفقني بهم!! هذا بالتأكيد ماراح توافق عليه وحدة عاقلة! لكن لو تقدم واحد مامعه أطفال ووضح سبب طلاقه وماكان من النوع اللي يتزوج ويطلق كهواية هذا ليش ماتوافق عليه الوحده؟ لأن البلا بعد ليش مايكون من المتزوج؟؟!! على الأقل المطلق ماعنده زوجة وفطرة الرجال يبي له زوجة.. لكن المتزوج وشوله بيتزوج وهو متزوج وعنده من تقوم بحاله!! البلا من مين هنا! يعني بكفة الميزان.. انا أشوف والله أعلم وعلى الأقل بالنسبة لوضعي الحين إن المطلق بدون أطفال أرحم بكثير من المتزوج!! طبعا الحين لا ياقلبي.. :) بس هذي خطوات.. يعني حلو الوحدة ترسم استراتيجية لها <~ركزوا على الكلمة بس :22: حتى مايمشي العمر وهي ماتدري وش تبي ! أنا المتزوج حاليا مرفوض عندي إلا أن يشاء ربي شيئا.. لكن ربما المطلق والأرمل اللي له عيال صغار مقبول.. لو قدر الله علي ومضى العمر شوي ومالقيت طلبي وتقدم لي الشيبة على قولتك اللي عياله كبار وحرمته متوفيه فهو أرحم عندي من الشاب اللي حرمته موجوده! أصلاً ساعتها بيكون فارق العمر معقول.. وإذا كان الهدف ألحق أجيب لي طفل أو اثنين فهو بيتحقق مع المتزوج أو الأرمل .. لكن برأيي أن الأرمل أرحم.. قناعة شخصية يمكن وحدة ثانية تشوف واحد بسنها مثلا ومعه حرمه أو أكثر أفضل عندها.. وفيها بنات برضو عندهم نفس القناعة.. ويعتمد على أنتِ وش تبين ووش ممكن تتحملين من ضغوط الزواج.. أنا بصراحة ربنا كلش إلا غثا ومصالاة الحريم ماأقدره :) الله يعين على هالدنيا بخير.. تصدقين صايرة إذا سألوني الناس ورا ماتعرسين وش تحترين أقول أبي رجال الجنة.. عاد أمي تقول إيه يالصحابيه خخخخخخخخخخخخخخ قلت ماعلي منكم رجال الدنيا لكم.. أنا بجميع الحالات أدري إن قدري بشوفه.. والمكتوب على الجبين لازم تشوفه العين.. بس الله ييسر لنا جميعا اللي فيه الخير ويرضينا فيه :)

طيب وهو شلون بيضمن إن البلا مو فيني بعد؟ المسألة نسبية.. وفيه أنواع طلاق البلا فيها واضح من...

رهوفة :

يابنوتات ياحبيباتي .. بلسم انانسة احنا ماكنا ناوين نعطيه اختي والوالد كان رافض لأنه عقيم .. بس يابنات حملت مرته مرتين وسقطت .. والوالد يقول انه يمكن سوا انابيب وخرابيط وبعدين هو سواها بالخارج فيمكن لا قدر الله لعبوا في المسألة وانتوا فاهمين قصدي... وابوي رفضه على هالاساس ... طيب ياحبيباتي عطوني دورات حلوة تنمي الثقة لأني ناوية اروح انا وياها لأني خلصت الكلية وابغى اعطيها جزء من حياتي لأنها تحس اني انا الي عطلتها عن امورها ودايم تقول لي ماخلصتي دراسة واختبارات انت ضيعتيني وضيعتي وقتي .. وهي تقصد انها ماتقدر تروح مكان الا وانا معها مستحيل تروح بروحها حتى لو مع امي وخواتي لازم انا معها .. مدري اش اسوي .. حتى تقول لو انخطبت ابغى واحد ساكن بنفس المنطقة عشان اذا احتجتكم تساعدوني ... :(

يابنوتات ياحبيباتي .. بلسم انانسة احنا ماكنا ناوين نعطيه اختي والوالد كان رافض لأنه عقيم...

بلسم فقط :

صح يا رهوفة كلام قهوة سليم جدا صراحة يا قهوة تسلم ايديك كلامك كلنا في حاجة له انا عن نفسي كنت شوي مكتئبة والحين قرات كلامك وتدبرته وحسيت حالي احسن سبحان الله الواحد مزاجه يطلع وينزل وما يستغني عن التذكرة ابدا

صح يا رهوفة كلام قهوة سليم جدا صراحة يا قهوة تسلم ايديك كلامك كلنا في حاجة له انا عن...

قهوة بالبندق :

بلسم الحمدلله إن كلامي غير بنفسك للأحسن.. انبسطت والله :) أم جنى وعليكم السلااااام.. الله يبارك فيك.. ماتدرين شلون ردك أسعدني! أحس كبر راسي شلون بنام بس :) أحتاج دعواتك بظهر الغيب.. سبحان الله رب كربة تفرج عن العبد بدعوة أخيه له بظهر الغيب.. أناناسة أحلى شي رواية (بصرك) :wink2: وأنا وشوله بآخذ الشايب والعايب وأبو البزران وفي رواية ضعيفة المتزوج إلا عشان أشوف عيونهم وأنا أختك :baby2: بس ربي ماكتب ولكتبته حكم ومقادير <~ كني بكتب شعر على تالي هالليل :freak6: وحابه أأكد على شي ذكرته أناناسه الله يجزاها خير.. وهو الاستخارة بأي حال.. رفض أو قبول.. وبعدها وقبلها تفويض الأمر لله.. أحس عندنا نقص في فهم الاستخارة.. أول أحسب الاستخارة بس إذا احتار الواحد بين شيين..! لكن لما تفكرّت في حديث الاستخارة (إذا هم أحدكم بالأمر..) يعني مو إذا احتار.. وسبحان الله أحد حكم الاستخارة اللي شفتها أنا بحياتي هي إنها تساعدك على دحر كيد الشيطان لما يوسوس لك بالقضاء ويقول لك طيب لو سويتي كذا كان يمكن استمر زواجك..أو لو ماقلتي كذا كان صار كذا... كل ماأتذكر إني استخرت قبل زواجي واستخرت قبل طلاقي أحس براحة وأقول بنفسي مثل ماجاء في الحديث لو كان الأمر شراً ماأمضاه الله لي سبحانه.. ونرجع لحكم الابتلاء وأنه أحياناً الشر اللي يجيك هو أهون شرين كان يمكن حصولهم لك وهذا شي لازم نتذكره جميعاً.. تصدقون القراءة في باب الشكر والصبر والرضا واليقين وهالأمور العقدية ماتتخيلون شلون ممكن نستفيد منها..

بلسم الحمدلله إن كلامي غير بنفسك للأحسن.. انبسطت والله :) أم جنى وعليكم...