اختي الغالية قهوة


ايوة ياقلبي احسها فاقدة الأمل انها تتغير بس هي تطلب مني اساعدها تتغير وتقول قوليلي وش اسوي تعيد هالكلامة مليون الف مرة باليوم حتى تمر على العائلة كلها تقول لهم وش اسوي قولوا لي حتى خواتي المتزوجات تدق عليهم بأي وقت حتى لو مو مناسب وتقول وش اسوي حتى زوج اختي يقول اختك هذي ماتعرف الاوقات المناسبة اذا هي فاضية الناس مو مثلها .. وحزنت مرة وقامت تدعي على زوج اختي وانه اناني ومن هالكلام انا والله اول ماتقول لي وش اسوي اناظرها واقولها سوي كذا اول شيء لازم تقوين القراءة عندك وانا بعطيك مقالات تقرينها وتفيدك وابغاك تهتمين بشكلك ونظافتك قالت والله العظيم اني نظيفة واني كشخة واني ذوق واعرف اتكشخ وكل شيء بس حظي شين وتقوم تبكي ولا تجيني فجأة وتقول ابغى اروح الكوافيرة اليوم ابغاها تسوي لي شكل حلو عشان لما انخطب الا وانا اشخة .. وتقول ابغى اختار مسكة عروس حلوة عشان لو تزوجت تكون جاهزة




ياقلبي انا لما اجيها باللين واجاريها واقول لها صح عليك كل شيء برضوا ماتقبل مني تحس اني اعاملها كأنها بزر ولما اعصب عليها واقول لها هذا خطأ وهذا صح وسوي كذا ولا تسوين كذا تقول انت كذا دايم اصلا انت غرتي مني لأني تزوجت وانت لا ..


شكل الطبيب بيستخدم معها شيء من الي تقولين بس الله اعلم .. مشكلة اهلي مو متعلمين مرة وهالشيء اثر علينا مرررررررة ..
وانا اخترت الرجال لأنه افهم بهالامور غير ان الحرمة مدري ليش احس للحين مافيه دكتورة صح

..

ياقلبي انت معي بكل خطوة انا كلمت السبيعي ورح اقولك وش قالي برد منفصل ..
ضيقتي صدري عن هذي الي تقولين وشكل اختي عندها نفس المرض يعني يمكن اكثر من سنة يبغى لها 



ماشاء الله عليك مثقفة مرة ... شكله بيسوي كذا والله حالتها جدا صعبة ..




الله يجزاك خير على دعوتك ولك بالمثل يالغاليية و نصيحتك لامست قلبي وانا فعلا احس اني متأثرة مرة منها والله يالله اداوم ايام الكلية من ضيقة الصدر والبيت كله مشاكل ينقصنا الجو العائلي المريح والله احاول اخلي بيتنا هادي ومريح وأهيء لبقية افراد العائلة الجو العائلي المناسب ما ابغاهم يعانون مثلي لأني احس اني انا الي جت فيني صدمة اختي لأن الي تحتها واكبر مني تزوجوا وصرت انا الي قدامها على طول واول مايجيني عريس تقلب السالفة كأنها لها او تقول لا تقبلين انت الحين بدري عليك .. واذا قلت برفضه قالت لا انا ابغاه علموه عني يمكن يبغاني وأنا اجمل منك ..
على فكرة هي صايرة ماتتكلم كثير او بالاحرى ماتتكلم ابد لما يجينا احد او نطلع ولما تناظرينها تلاقين علامات تعب او حزن وزعل على وجهها يعني لما تفكر بشيء يقهرها يبين على وجهها على ان هالشيء ماكان فييها قبل بس الحمدلله ..




قهوة تعبتك معي الله يفرج همك ويرزقك من عنده ويسخر لك خلقه على مساعدتك
ادري هذرتي واجدة بس شسوي ماعندي احد احكي له ...
والي اعرفهم من صديقاتي ندمت اني علمتهم سالفة اختي لأنهم فضايح ولا يسكتون على شيء .. اما الاقارب مستحيل اتكلم عن اختي قدامهم ابد اصلا نحاول مانبين لأحد شيء باللي فيها ..

انانسة صدمتيني اففففففففففف 1100 ياساتر
وكم مدتها لا تقولين كم ساعة حرام والله











يابنات انا كلمت عيادات مديكير
الدكتور عبد الله السبيعي ..
وشرحت له حالة اختي وماقلت له كل شيء استحيت مرة واحس اني ارجف
والتنفس عندي طالع نازل مدري ليش ...
المهم قلت له كل شيء قال لازم تعرضونها على طبيب بأسرع وقت لأن حالتها
حسب كلامك مو طبيعية اببببببببببداً وسألته اذا ممكن تتزوج هالفترة فقال لا
انصحكم ماتدخلونها تجربة ثانية لأنها 99 % فاشلة لأن البنت تعبانة ...

هذا وانا ماقلت له كل شيء ياحسرتي لو قلت له كل الي تسويه ..
قلت له علاجها بيطول يعني ؟ قال لي حسب كلامك تحتاج فترة بس الله اعلم كم
وقال الظاهر هي مرت بعدة مراحل من طلاقها الى الحين لحد ماوصلت هالحالة
وقال حسب ماوصفتي احتمال يكون : اكتئاب ذهاني اذا ماغلطت بالاسم حق المرض
لأني ارجف ولا قدرت استوعب الي يقوله >> مافي جرأة ابد

وترى كل الي قلته له بغضون 3 دقايق او اقل ... وكلمت على العيادة وحجزت بأقرب
موعد لها عند عبد الله السبيعي بعد شهرين ونص قلت مافيه اشكال احجزه .. وحجزت
لها الاسبوع الجاي عند الدكتور : رياض النملة يوم الاثنين ولا ادري كيف اسوي
وقلت لاختي ترى المستشفى كلموا قالوا عندك موعد قالت متى ؟ ومن الي سوالي ؟
هم ولا انتوا ؟؟ قلت هذا موعد لك من زمان وتوه يضبط .. وقالت وش اسوي قلت ابد
قولي له الي بخاطرك وقولي له عن الي تحسين وعن شهيتك المفتوحة ...


تخيلوا وش قالت :؟؟

:(










قالت بقول له .. انا الحمدلله احس اني متحسنة عن اول وصرت انام زين قلت اصلا انت من اول
تنامين الحمدلله قالت لا قبل ماكنت انام .. المشكلة اني اربع وعشرين ساعة البنت نايمة واشيك
عليها نايمة ولا قامت قلبت البيت فوق تحت .. قلت لا رحتي قولي له كل شيء بس شكلها بتنكبنا
وبيقول الطبيب يستهبلون ذيلا علي ..

الله يستر ...




على فكرة بنات اول جلسة مع فتح الملف ب300 ريال
وبعد كذا كل جلسة ب150 ريال ...


اشوفكم على خير

اسمعي رهوفه ليتك تكلمين الدكتور السبيعي ثانية وتقولين له مالقيت حجز يادكتور عندك وان اختي حالتها تتطور وان عندي مشكلة معها انها قدام الدكتور تقلب الحقائق وممكن تبين انها مافيها شي..

بهالحالة اذا يقدر بيساعدك تقدمين الموعد لها عنده.. او بيرشح لك طبيب عنده واحجزي واتكلي على الله.. بس قلت لك رهوفه.. اول موعد ادخلي انتي على الأقل قبلها واشرحي الحالة للطبيب.. وقولي له حتى عن ردة فعلها يوم درت عن الموعد عشان يفهم طبيعتها أكثر..

ترى أنا توقعت ان الاعراض تتناسب مع الذهان.. بس ماقدرت اجزم لاني مو طبيبه.. بس لانها ذكرتني باللي اقولك عنها وعندها ذهان.. عشان كذا قلت لك.. وعلى العموم تراها الحمدلله مستقرة وفرق كبيييييييير عن اول .. بس تقدرين تقولين تستخدم العلاج شبه مدى الحياة.. بس المهم الحمدلله انها معه تمام.. وتصدقين اذا اهملت فيه جتها ازمة من جديد.. ترى احيانا المرض ينتج عن نقص في افرازات كيميائية من المخ سبحان الخالق..

المهم انتِ على الطريق الصحيح.. وربي ماراح يضيع لك تعب ..

الله يسمعنا عنكم كل خبر طيب :)

رهوفة

هي علي ما أعتقد 20 ساعة مقسمة علي أربع أيام...

تبدأ الأحد خمس ساعات..ويعطونها تمارين تطبقها..بعدين الثلاثاء..والأسبوع اللي بعده نفس الشي...


بس علي هالحال ماراح تستفيد أختك...بعدين المفروض إن الطبيب النفسي بخبرته يعرف إنها تنكر وتكابر من غير ما أحد يقول له..أجل وش فرقه عن الأنسان العادي...

ممكن يكتشفها من زلات اللسان...من نظراتها من أي شي ثاني...

ومادامه معروف وعنده خبرة أكيد ما راح يمشي عليه كلامها...

زي ما قالت قهوة..حاولي تقدمين موعدها...وأمشي مع طبيب واحد وواصلي معاه لين توصلين للنتيجة اللي تبينها...مهمة المواظبة علي العلاج ترا...

:)


الله يعين!

نقطة ثانية...

أفصلي حياتك عن حياة أختك..لا يجيك أكتئاب...