PINEAPPLE :

قهوة... أنتي تغطسين همن إلا طلعتي ما نقدر عليك... بس حلو ردك لرهوفة منكم نستفيد... وإيه يا ختي نبي من رجال الجنة جت علينا وراهم الرجال مأملين بالحور العين...جت علينا يعني..! خلاص بكيفك...وفي رواية بصرك...لا تأخذين متزوج... النقطة اللي أبي أوصلها هي: الواحدة تستخير قبل لا ترد أحد... بس ما شاء الله ما دام عندك استراتيجية زين تطورنا والله! :) بس أنا هدفي بالحياة إنك تجيبين زي مخمخ ومشمش اللي عندي .. عشان تسهرين وتعرفين نعمة النوم اللي كنتي أول تلينين ما أحد ينكد عليك... وعشان يصير عندك من يردد إسمك باليوم خمسمية ألف مليون مرة... بس تستاهلين والله يا قهوة كل خير... أنا متفائلة لك خير... بأمر الله... رهوفة الدورة بمركز الأبداع الأسري...رقمهم بموضوع( إذا كنتي قاعدة تحرسين الرياض) اللي بقسم ساعدوني... ورا ما تشتركون بنادي...حتي أنتي تخففين من الضغوط اللي عليك... ابسألك الوالدة موجودة...؟ ألاحظ دايم أنتي مع أبوك..؟؟؟

قهوة... أنتي تغطسين همن إلا طلعتي ما نقدر عليك... بس حلو ردك لرهوفة منكم نستفيد... وإيه...

قهوة بالبندق :

امرأة من الخيال هلا بك.. شوفي قلبي انا ناسية الحين ردودك اللي قبل وظروف طلاقك فأعذريني بزعجك شوي.. ليه ساكنه بشقه لحالك؟؟ عندك أطفال ولا لا؟؟ شي ثاني ياقلبي بالنسبة للاكتئاب.. ترى الاكتئاب مرض مثله مثل أي مرض عضوي.. وصدقيني مافي امرأة مامرت بفترة اكتئاب بحياتها.. تقلب الهرمونات وضغوط الحياة اليوم خلت الاكتئاب مثل الزكام بين الناس! أنا قرأت كثير عن الاكتئاب.. وأقولك إنه طبيعي.. والمفروض إنك تدورين علاج جاء في الحديث (تداووا عباد الله فإن الله ماأنزل من داء إلا وجعل له دواء إلا السام) أو بمامعناه.. فالمرض شي عارض للجميع.. لاتقلقين وتحسين نفسك ضعيفة.. وأبي أقولك شي يطمنك أكثر بعد.. ترى الاكتئاب في أحيان كثيرة ينشأ بغير ضغوط أو أسباب.. فلا تخلين طلاقك يحسسك بالضعف أو إنه سبب لمرضك.. الطلاق والمرض والشقا مكتوب عليك قبل تنفخ فيك الروح ببطن أمك.. آمني وأتكلي على ربك.. :) وترى الطبيب اللي يعتمد على نوع واحد من العلاج غلطان.. المفروض أن العلاج النفسي شقين.. شق دوائي.. وشق سلوكي معرفي (جلسات نفسية).. وعشان كذا أنا رأيي تناقشين طبيبك بهالنقطة وتسألينه ليه مايبدأ معك جلسات؟؟؟ وإذا أنتِ شاكة بكفائته من حقك تدورين الأفضل.. ماأدري أنتِ من وين.. بس يغلب على ظني إنك من الكويت.. ولو إنك بالسعودية كان دليتك على أطباء أظنهم ممتازين بالمجال.. لكن إذا ماتعرفين نزلي موضوع بساعدوني والبنات إن شاءالله ماراح يقصرون معك.. وأنصحك ماتعلمين أهلك عن موضوع العلاج.. لأن للأسف لازالت نظرة مجتمعنا قااااااااااصرة تجاه العلاج النفسي وبدرجة كبيرة.. لذلك خليهم بس يشوفون النتايج اللي إن شاءالله بتكون خطيرة :) فيه نقطة ثانية وهي أن العلاج الدوائي ترى بيطول معك شوي.. لأن الأدوية النفسية معروف أن نتايجها بطيئة وبخاصة أدوية الاكتئاب.. فلا تتوقعين إنه بيقول أسبوعين مثلاً ووقفي.. لا! أقل شي أتوقع 4 شهور وكل ماطالت المدة كانت النتائج واحتمالات الانتكاس أقل بإذن الله.. بس أذكرك بموضوع الجلسات لاتتهاونين فيها.. ولو لقيتي طبيبة فهو أفضل طبعاً شرعاً ومن ناحية الراحة بعد.. بالنسبة لأهلك.. عيوني ترى طبيعي إذا كنتِ بسكن منفصل عنهم مايحسون بالارتباط فيك.. لاتكونين حساسة بزود.. افرضي نفسك! لاتستحين منهم أو تتحسسين! هذولي أهلك وبالرضا أو الغصب أنت بنتهم وقطعة منهم! وبكرا لاسمح الله لو احتاجوا ودارت الدنيا مالهم إلا عيالهم وبناتهم.. ترى حنا أحياناً نبني طوق حول أنفسنا.. وأحياناً الأهل يبنونه وحنا بسكوتنا وسلبيتنا نساعدهم.. (الكلام مو عنك ترى أتكلم بشكل عام!) شوفي ياحبيبه.. الحق.. والشرع.. والعرف.. والمجتمع اللي صاجينا بعاداته الصالح منها والطالح يقول إن أهلي لازم يكونون معي بالسراء والضراء.. وإذا هم تجاهلوا هالشي أنا ماراح أتجاهله.. وعمر الظفر مايطلع من اللحم.. ولو طلع سوينا له عملية تجميل ورجعناه خخخخخخ <~نشبة هالبنت اقتراحي.. طبي عليهم ولاتقطعين زياراتك.. لا يهمك إذا شفتيهم مايعطونك بال أو يتأففون..مثلا أنا مو عايشة بنعيم.. وحالي لايقل سوء عنكم ويمكن في بعض الحالات لما أنقطع عنكم أكون بحالة مايعلمة فيها إلا ربي!! بس مع ذلك خلونا مانستسلم.. إذا ظروفي ماكانت حلوة.. وحالتي المادية ماشية بالدف وأحياناً واقفة بعد!! وأهلي بعد سافهيني وأنا ساكتة لهم.. وش بقى أجل !! لاااااااا الفلوس كيفها تروح وتجي.. بس الأهل إذا جفوني وعودتهم على كذا وعودوني أتوقع جزء كبير بحياتي بيختل ولو كان عندي أطفال وبيت.. شوفي أختي.. خليك معهم على الخط وعلى طول.. شاركيهم غصب مناسباتهم.. حسسيهم إن لك موقع بينهم وإن هم لهم قيمة بحياتك وإن وجودهم يسعدك (وإن ماكان كذا هالفترة بسبب سوء تصرفهم معك مثلا).. لو سمعتي مثلا كلام مثل.. دايم لازقة..متى تروحين ونرتاح.. خفي عنا.. متى نفتك<~ كلمة أهلي.. قولي ماأقدر استغني عنكم.. وجودكم عسل بحياتي.. الله لايخيلني واضحكي :) ترى يوم ورا يوم بيتفشلون هم من أنفسهم.. وبتتغير معاملتهم بس الأمر يحتاج صبر ويمكن سنين لين تشوفين نتايج تسرك.. بس أنا برأيي أن الأب والأم يستحقون منا التعب.. والأخوان والخوات إذا ربي سخرهم لنا بعد نعمة! بمثل زيارتهم لخالتك أنا لو كنت مكانك كان لما عرفت قلت لهم.. يووووه ليت بجمعتكم..ياحبي لكم ولمتكم.. اجتماعكم عندي يسوى الدنيا.. إن شاءالله المرة الجاية أنا معكم.. إلا متى رايحين؟ :) شوفي الطريق مليان إحباطات.. وأنا وحده من الناس آخذ على يافوخي كثييير.. وأتحطم بعد كثير.. بس لازم يابنات نواصل.. أنا أبي أكسبهم عشاني.. مو عشانهم.. لأن أمي وأبوي مثلا رضاهم برضا ربي.. والاجر لي فيهم.. وأخواني وأخواتي على جفاهم وقسوتهم هم دمي ولحمي.. وربي بيآجرني على وصلهم ولو آذوني.. وهنا أتذكر حديث الرجل اللي جاء النبي صلى الله عليه وسلم واشتكى له قرابة له يصلهم ويقطعونه ويحسن إليهم ويؤذونه فقال له عليه الصلاة والسلام بما معناه أحسن إليهم ولو آذوك وصلهم وإن قطعوك فكأنما سففتهم المل .. يعني كأنك بمعروفك هذا تخليهم يآكلون الرماد لسخافة خلقهم وكرم أصلك.. بنات.. في شي دايم يجي ببالي.. في حركة برا تعجبني ودائما افكر لو إن الظروف هنا والبيوت في يوم ما تسمح بتنفيذها.. عندهم برا جمعيات تضم أفراد لهم نفس المشكلة.. مثلا جمعية امهات أطفال التوحد.. جمعية المطلقات...الخ والهدف منها إن الأفراد اللي مروا بنفس التجربة بالغالب هم الأقدر على جعل من مروا بنفس تجربتهم يتجاوزون الأزمة لأن المجرب غير اللي بس يتكلم من نظريات.. أحسها حركة حلوة.. ولو كان بيدي طبقتها واستفدنا منها ودفعنا بكثير من الأخوات للأفضل.. شي ثاني وأسهل.. القوائم البريدية.. أو المجموعات البريدية الخاصة بمواضيع معينة.. (القروبز) هذي لو كان عندي وقت كافي ومختصين يساعدوني (وفلوس إذا تحتاج فلوس) كان سويت لنا وحده على مستوى منطقة الخليج على الأقل لأن ظروفنا الحياتية تتشابه كثير.. يعني يكون لنا قروب باسم (المنطلقات) أو (انطلقي للحياة) أو ماأشبه تترأسه وحدة أو كم وحدة عندهم وقت كافي وخبرة.. ويصير كل من يشترك يذكر تجربته.. يرد على مشكلة.. يطرح رأي مفيد.. يقدّم دعم لوحدة توها منطلقة مثلا وتبي مساعدة.. حركة حلووووة مره ومنتشرة برا بس عندنا للأسف على نطلق ضيق مرررررره.. طبعا ملفنا هذا من قبيل الدعم النفسي للجميع.. وفيه تجارب كثيرة وآراء غنية ومتنوعة..وأنا والله أستفيد منكم كثير.. ولعل وعسى يتحقق حلمي هذا بيوم ونستفيد ونخدم غيرنا.. تصدقون حتى لما تتزوج المطلقة.. أختها المطلقة اللي مابعد تزوجت بحاجة لنصائحها.. كيف اختارت الزوج.. ايش المشاكل اللي واجهتها.. او تواجهها.. ايش نصائحها لها.. ومن هالكلام .. وودي أقول لكم على شي.. ترى في نوع من العلاج النفسي اسمه (الحوار الجماعي) أو العلاج بالجلسات الجماعية وهذا برضو حسب مافهمت موجود برا بس هنا لا.. يجتمعون ناس لهم نفس التجربة عند الأخصائي النفسي ويديرون الحوار ومن خلال الحوار عن المشكلة يحس كل فرد بالدعم اللازم.. وأنه مو الوحيد اللي بالعالم يعاني.. وأن مثله وشرواه كثييييير! هنا في السعودية اتصلت بإحدى العيادات وسألتهم عن هالنوع من العلاج.. قالوا لي إنه معروف ومكتوب بقائمة العلاج عندهم بس مايطبقونه للأسف.. وأنا أعتقد الفائدة من الجلسات الجماعية إن الواحد أحياناً يحس بالحقيقة مثلاً بس يكون أضعف من تطبيقها أو سماعها بصوت عالي.. فلما تجي وحدة مثلا تنصح وحدة ثانية بالصبر ترى الفائدة تعود على الناصحة بدرجة يمكن ماتقل عن الطرف الثاني.. وهالشي أنا شفته بنفسي.. مالكم بالهذرة..<~ وش بعده! نقطة أخيرة.. بنات أنا ساعات أأب على وش الملف وساعات أغطس على قولة أناناسه.. ساعات أضعف.. وساعات أحس إني أفضل.. وصدقوني.. ملفنا مره رائع.. وأعتقد بإذن الله لو أخلصنا ردودنا ونصحنا فيه بيكون في ميزان حسناتنا بإذن الله.. مايندرى عن الأجل.. يمكن بكرا أنا أموت بس كلماتي تظل تنفع من بعدي.. وتفرّحني بقبري! يمكن جملة وحدة بس من وحدة منكم تغير من حالة حزن وضيق عندي مايعلمها الا الله.. يمكن دعوة منكم بظهر الغيب تصلح أشياء كثيرة وكبيرة مكسورة بنفسي وعجزت وانا احاول اصلحها! :) اخيرا الفترة الجاية عندي اشغال لراسي واتوقع مااطل عليكم.. بس مااوصيكم بالصبر ..وخلوا شعارنا هو (((صاااامدون)) :) سلام ياعسولات!

امرأة من الخيال هلا بك.. شوفي قلبي انا ناسية الحين ردودك اللي قبل وظروف طلاقك فأعذريني بزعجك...