أختي أناناسة ........ أنا مستغربة من طريقته معاي هو حاول يرحعني كم مرة لكني رفضت لأني شرطت شروط ورفض يقبلها ...... وألحين ذاق الأمرين من أهله صاروا في مشاكل معاه دايما وصاروا مايحبون بناتي يعني سووه والحمدلله هذا من دعاي عليه وعليهم وألحين بناتي يقولون لي إن بابا يقول قولوا لماما ترجع ......... ماادري هو فعلا عرف قدر الأم وإن الأطفال مالهم غنى عن أمهم أو ناوي يرجعني ويقهرني وينتقم مني ........ لكن الله يكفيني شره

شكرا لك اختي أم ثلاث زمردات وانا ان شاء الله دايما بحتسب الاجر عند ربي وربي يجمعك مع بناتك قريبا بالطريقة اللي تكونو فيها سعداء ان شاء الله
وعن محاولته يرجعك اصبري وحطي شروطك واغلب الرجال بيفتكروا انه اسهل شي انهم يرجعوا طليقاتهم اذا فيه اولاد لانه يعرفوا اننا نبغى سعادة اولادنا ونضعها فوق سعادتنا بس اللي لاحظته من حولي في المجتمع انه المرأة لما تكون غير سعيدة بينعكس اول شي على اطفالها
انا كنت لما اكون مضايقة من زوجي احط عصبيتي بابني وبعدين فكرت ايش الفايدة اني اتحمل عشان ابني والنتيجة السلبية بتنعكس عليه والان ولله الحمد صارت عصبيتي مع ابني اقل بكثير وبتعامل معاه بطريقة احسن
وسلامي لجميع الاخوات وربي ييسرنا الخير دايما يا رب

أم الزمردات...


شوفي أنا أول ما طلعت من العدة استشرت محامي... كان ذيك الأيام مسوي لنا مشاكل وقلق... وكان دايم يقول أنا لو أبي حتي البنت أم سنة أقدر أخذها تبات عندي كل أسبوع وحتي المصروف أنا ما طالبته بشي هو اللي حط لنفسه مبلغ معين..
قلت أبأروح أشوف وش لي ووش علي .. أبأعرف وشي حقوقي وش حقوقه...
من هالأشياء قال لي المحامي تقدرين تطالبين بالحضانة ما دمتي ما أتزوجتي.. حتي القاضي ما راح يرضي ياخذها من أمها يسلمها مرة أبوها ... وتثبتين أشياء وكلام كثير...
خلاصة الكلام...
قال لي كلمة...
لو بديتي مع أبو عيالك طريق المحاكم حطي باعتبارك إن الرجعة ما راح يكون لها مجال...
أنا استخرت وبيني وبينك ما همتني الفلوس.. أنا قادرة أمشيهم بالمصروف صح إنه ما يكفي .. بس ماشية الأمور... تصدر منه أشياء تقهر , مثلاً لما البنت تروح تبات عنده ما يخليني أكلمها... هذا وهي رايحة له يومين أجل لما تروح علي طول وش بيسوي فيني...
وزيك كانت لي شروط عيا يسويها... و تفرقنا وكلٍ مشي بحياته.. يمكن أنتي وضعك أحسن مني.. قادرة تتزوجين....
لكن أنا مجرد لما أفكر بالموضوع تجيني النفاضة... وخايفة من اليوم اللي كلهم بيروحون من عندي لأبوهم وأصير أنا زي الأرملة اللي قعدت لعيالها تربيهم بعدين صارت وحيدة بس الفرق إن أنا بيكون عمري ستة وثلاثين...
الخيار اللي قدامي خيار صعب ولو أقول لك قاتل ما أكون أبالغ!

بس أنا مخططة أول ما يروحون أروح إجازة ثلاث شهور لتشيكوسلوفاكيا أستجم وأريح أعصابي..
بعدين أكمل دراسات عليا...إن شاء الله!

يعني,,

الحياة تبدأ بعد الثلاثين أحياناً...

:)

يختي عليك يا اناناسه ايوم انا كملت ال 26 ودخلت ال 27 لكن والله ما احس ان عمر الا 18 سنة
<<<<مزودتا الاخت
ايوه رجعت لليوم اللي اتزوجت فيه يعني كاني ماتزوجت خخخخخخخخ
ام الزمردات ماني فاهمة كيف ياخذهم ومايرضى يعطيكي هم مو من حقه مدام صغار الحضانة لك؟؟؟

أخواتي .بنتي الصغيرة كانت عندي وأصلا هو يبغى الفكة منها لأنها عندها تأخر نمو لأني ولدتها خديجة وتأثرت صحيا لما كانت في الحضانة الحين كملت 4 سنوات والحمدلله بدأت تمشي ..... أول ما طلعت من عنده كانت موجودة عندي بعدين بدأت عندها تشنجات كان عمرها سنة وماكانت تجلس أو تحبي بعدين رحت أعالجها وطبعا أبوها مادرى عنها الله يحفظه أبوي ويخليه لي هو اللي كان يطارد بها من مستشفى لمستشفى وأبوها في ( غياهب الجب ) وطبعا ماكان يصرف عليها بالرغم من إحتياجاتها لأنها تعتبر شبه معاقة لما قال له أبوي إن علاجها بيطول ولازم تراعيها قال خلاص جيبوا بنتي لي هو كان يتوقع إني أبخاف أو أقول لا ....... علطول سلمتها له والله إن قلبي كان يعتصر هذيك اللحظة لكني ضغطت على قلبي علشان يتأدب ويحس بالمسؤؤلية طبعا كردة فعل لأنه ماتوقع مني هالتصرف حرمني منها 9 شهووور ماجابها لي ولاأدري عنها حتى بناتي اللي أكبر منها كانوا مايجوني إلا كل شهر أو شهرين ويكون واقف عند الباب يعني كل اللي يقعدونها 10 دقائق فقط لا تزيد ومع ذلك كنت أضغط على قلبي وطبعا هو كان يبي يقهرني ويشوف ردة فعلي بعد مامل من هالوضع كلم أبوي وقال له أنا أبرجع بنتك وأبغى البنات يعيشون مع أمهم وطبعا كذاب لأنه مل من الوضع والبهذلة ونبذ أهله له ولبناته وقال أنا أبجيب الصغيرة لأمها ومن قال هالكلمة عرفت أنه كذاب بس يبغى يفتك من البنت وبالرغم من أني قلت لأبوي إنه يبغى يتخلص من بنته أبوي ماصدقني وجلس يلومني ويتهمني إني ماأحسن النية وبالفعل جاب البنت واستقبلها أبوي وبعدها صار فص ملح وذاب سنتين البنت عندي ماجاء حتى يشوف هي حية وإلا ميتة وطبعا لا مصروف ولا يدري عن علاجها وكان يجيب بناتي الكبار من فترة لفترة يجلسون عندي يوم أو يومين وبرضو البنات ماكان يجيب معهم شي وأبوي كان مايطلب منه شي وبعد ماطفح الكيل عندي رفعت عليه قضية في المحكمة ولما حضر أنكر قدام الشيخ صرفه على البنت وقال إذا أمها ماتقدر تصرف عليها جيبوها لي ....... طبعا من غير مااشاور أبوب وهالمرة وقفت بوجه أبوي وقلت له لااحد يدخل في شؤوني وأنا ابتصرف على كيفي أنا ماني قاصر وسلمت له البنت في إحدى زيارات البنات لي طبعا تفاجأ لما شاف بنته ماتوقع إنه ممكن أستغنى عنها وقلت لأهلي كلهم هالبنت بتكون درس لتأديبه ومعرفته لأهمية الأم بين عيالها وبالفعل البنت بدأت تتحرك لما عطيتها إياه كانت تحبي وبدأت تمشي قلبت بيت أهله فوق تحت ماخلت ولا شي إلا كسرته هذا فضلا عن روحتهم وجيبتهم لها للمستشفى لأن عندها ربو خصوصا في الشتاء لحد ماقالت أمه خذ بناتك واطلع من بيتي وتخانقت معه وصارت بينهم مشاكل طبعا هو ماطلع لأنه وين بيحط بناته ولا تزوج مثل الناس العقلاء ويلم بناته عن أهله جاب للبنت شغالة وهي اللي تخدمه وتخدم بناته بس إلى الآن وهو في مشاكل مع أهله لأن أهله حسبي الله عليهم مضطهدين بناتي وهو شايف المر وساكت بس مع ذلك والله أنا فرحانه فيهم وفيه والله يوريني فيهم أكثر وأخذت على نفسي عهد إني ماآخذ أي وحدة من بناتي مهما صار زي ماتعبت وطاردت وطيحت وجهي عند اللي يسوى واللي مايسوى أنا وأبوي علشان بنته لأخليه يتبهذل ويتعب وينشغل باله ليل ونهار في حل مشاكله .... وإلى الآن أنا واياه نتقاضى في المحكمة علشان تنظيم زيارة بناتي وحقوقي اللي أخذها مني هو وأهله الله لا يسامحهم وألحين يقول لأهله ماعليكم من بناتي إذا إحتاجوا لشي أبوصي أمهم توه يعرف حق الأم بالرغم إني لما طلعت من عنده قال لي عماتهم وأمي بيربونهم تربية أحسن من تربيتك ....... آسفة يااخواتي طولت عليكم وهذا كله فيض من غيض لكن عسى تجربتي اللي مريت فيها تنفع من يقرأها