السلام عليكم
انا صديقة سووووون ، مشاعري بعد الطلاق مدري كيف ، احيانا احقد عليه واحيانا احن له ، هل هذا شيء طبيعي؟ مو قادرة اوصف كيف احساسي ، تفكيري مشوش وحاسة نفسي كإني ضائعة وتايهة ، ليش يجيني هواجس انه ممكن يرجعني؟
ما يغيب عن بالي رغم اني ما احبه ، هجرني من شهور وما فكرت فيه ، ليش لما طلقني صرت افكر فيه ؟
يقولون لي بعض الصديقات دامك تفكرين فيه اكيد هو ايضا يفكر فيك.
احاول اني انسى واتعايش مع فكرة اني مطلقة مو قادرة احس هالاحساس ، ومو قادرة افكر بزواج آخر ، ريحوني اذا كلكم فكرتم مثل تفكيري .

يا هلا وغلا بيج حبيبتي ... :)

وكان الله في عونج .. والله يصبرج .. :)

أنا قبل مااتطلق قعدت في بيت أهلي شهر ... وحسيت نفسي مرتاااااحه منه ومن الهم .. و الحمد لله .. بس لم شفته يوم اللي رحنا المحكمة عشان نتطلق كانت دموعي بتنزل وتخوني لكني الحمد لله مسكتها ..
جتني أيام حنيت له .. واشتقت له .. وكان ودي يضمني في صدره .. لكن الحمد لله ربي صبرني ..الوضع طبيعي ياعمري ..
لي الحين تقريباً 4 أشهر من تطلقت .. وللحين يخطر في بالي بعض الاوقات انه يرجعني لكني عرفت امور خلتني احمد ربي مليون مرة اني انفصلت عنه ..
وصرت افكر بالزواج مرة ثانية .. مع اني للحين ماخلصت عدتي لاني حامل مع هذا أملي بالله كبير وموجود إنه يعوضني خير ويعوضني بالزوج الصالح ..
وماعليج من مسأله انه يفكر فيج .. لانج تفكرين فيه .. إحنا رومنسيات حبتين .. ونفكر لرجال مثلنا وهم عديمين احساس ..
شوي شوي راح تتأقلمين مع الوضع كونج مطلقه .. وإن شاء الله ربي يعوضج باللي هو احسن منه .. واللي يشيلج على كفوف الراحة يااااارب ويعوضج كل خير ياااااااارب ..

هلا وغلا بصديقة سووووووووون
اولا اعلمي ان ما اصابك لم يكن ليخطئك وما اخطئك لم يكن ليصيبك ,,,,,مكتوب هاللي صار لك منذ خلق الله الخليقه او قبل الله اعلم ,,,,
ثانيا شعورك جدا طبيعي كلنا مرينا فيه وهو التفكير وانك تحنين وبنفس الوقت ما تحبينه ,,, كل هالمشاعر وارده جداااااااااااااااااا ,,,,,,,,,,,وحطي في بالك انها فتره وبتعدي بس حاولي تشغلين نفسك الان وتسوين لك برنامج ادرسي اطبخي ادخلي نادي رياضي ااقلها امشي لك يوميا نص ساعه او ساعه ,,,, اشغلي نفسك وشوي شوي بيصير هالموضوع جدا عاااااااااااااادي
لا يبتلى الا المؤمن اسال الله ان يصبرك وان يثيبك ,,, احتسبي وستجدينه امامك ,,,قبل كم يوم سمعت كلمه لعمر بن الخطاب جدا رائعه ,,,, ( كان اذا اتاه مصيبه يقول احمد الله انها ليست في ديني ثم احمد الله انها لم تكن اكبر منها ثم احمد الله اني ساثاب عليها ) اشتري اشرطة لعمرو خالد ( الداعيه المصري المعروف ) محاضراته جدا رائعه واسلوبه سلس عن الابتلاء عن الرضا عن الصبر عن امور عديده ,,,,,,صدقيني انا استفدت منه كثير الله يجزاه خير وأثر فيني كلامه ,,,,,,,,,
واخيرا سعدت بك اختي العزيزه تواصلي دائما معنا وفضفضي كلما احسست بالحزن ,,,فنحن اخوتك اللاتي لا نراك ولكن قلوبنا معك ....

( صديقة سووووون )
اخواتي ام محمد ومبرقعة هانم ، ربي يجزيكم الخير ، شفت في كلمات كل وحدة كثير من العبر ، الله يساعدني ويساعدكم يا رب آمين.

صديقة سووووووووون
الله الله الله بالدعاء اوصي نفسي واوصيك واوصي باقي الاخوات نحن الان في الايام العشره الاولى من رمضان والتي فيها الرحمه واوسطه مغفره واخره عتق من النار
ادعي بكل وقت واللحي في الدعاء وستجدين الفرج ,,,, باذن الله