صديقة سوون ..

ياعمري ... مثل ماقالت لج مبرقعه هانم .. الدعاء مهم جداً ...

ومثل ماقلت لج قبل القرآن ... و إستغلي الايام المباركة هذي عسى ربي يفرج عنج وعن كل مهمومه ياااااااااااارب ..

ولا تتردين في اي شي لو ممكن نساعدج فيه .. واقل شي ممكن نسويه لج ياحبيبتي إنا نسمعج .. وندعي لج .. ونحاول نواسي بعض .. :) الحمد لله على كل حال .. الإنسان فينا مايدري وين صلاح أموره وشنو اللي مكتوب له .. لاتحزنين ولا تكدرين نفسج على شي ... اللي هو نصيبج راح يصيبج .. ولا يرد القضاء إلا الدعاء ..

وهم شغله خليها على لسانج دايماً ... وفي كل وقت وفي كل لحظة ... الاستغفار .. شغله بسيطة ممكن في كل وقت تسويها :) استغفري الله دايماً عسى يفرج همج يااااارب ..

مبرقعه هانم ..

ها حبيبتي .. شلونج وشنو أخبارج ؟؟؟ وشنو أخبار الطالبات معاج ؟؟

ليلااااس ، اشلون انسى ؟؟؟ ، وردة ولا كل الورود ، حبيبة و على نياتها ، نونا ياشعنونه ... عسى بس مانسيت احد بعدين تزعل عليّ... :)

وينكم ؟؟ عسى بس كل اخباركم حلوه وتفرح القلب ؟؟

السلام عليكم ورحمةالله

اخواتي انا وزوجي اتفقنا على الطلاق===المفروض بعد رمضان بناء على طلبي لاني حبيت رمضان اقضيه بشيء من الهدوء وكذلك رمضان شهر بركة فاحببت ان استغل فرصة الدعاء فيه

المهم
انا من الناس الذين لا تهون عليهم العشرة ابدا ابدا
لازلت احن لمدرستي واتمنى ان ازورها لولا انها في بلد اخر
احن لمدرساتي ولازلت على اتصال بمن احببت منهن رغم مرور السنين
زميلات المدرسة ايضا لا استطيع ان انساهن
لا اعلم بعد هذا كيف ساتحمل فراق زوجي
زوجي لم يضربني ولم يشتمني ولم يتزوج علي
ولكن هو وانا مقتنعين ان الحياة بيننا مستحيلة الا ان يشاء الله شيئا
وما يزيد حزني اني انظر لشقتي وكل قطعة تم اختيارها بنفسي وعلى ذوقي فجاءت شقتي رغم بساطتها الا انها كلها احبها

لا اعلم فعلا كيف ساتحمل فراق هذه الأشياء

ارجوكم افيدوني بافكاركم وهل فعلا هي مرحلة وتمر؟؟

بلسم فقط ..

هلا فيج حبيبتي ... ومبارك عليج الشهر .. وعساه شهر خير وبركة عليج وعلينا ياااارب ..

شوفي ياقلبي .. لو في حل غير الطلاق .. حاولي تسوينه وحاولي تحلين الامور بينج وبين زوجج بعيد عن الطلاق .. ممكن تكون في أمور إنتِ أو هو غافلين عنها .. وزين إنج أخرتي الطلاق خصوصاً في هذا الشهر .. استغليه في الدعاء .. وفي الاستغفار وقراءة القرآن ..

بالنسبة للطلاق .. فهي ماراح اقول انها مرحله وتمر .. المعاناه اللي تكون بسبب الطلاق هي اللي مرحلة وتمر .. وتاخذ وقتها .. بس الطلاق وكونك مطلقة فهذي ما تمر .. وتبقى معلقه معاج .. مهما تجاوزتيها... وتقبلوها اللي حواليج .. المعاناة فترة وتعدي وكل وحده وقدرتها على الصبر و الاحتمال .. ترى الطلاق مو شي سهل .. بس يكون في بعض الأوقات أهون الأمرين .. و يكون لقب مطلقة .. أفضل من كونج متزوجه ..

وباين من كلامج إنج من النوع اللي يتعلق في الاشياء و الأشخاص بشكل كبير .. قلبي .. اخذي ورقة واقسميها نصفين .. سلبيات و إيجابيات الانفصال .. وشوفي شنو الكفه اللي ترجح عندج .. ومثل ماقلت لج في البداية لو في مجال للإستمرار بهدوء وبعيد عن الطلاق حاولي تصلحين الامور بينج وبين زوجج ...

وعليج بالدعاء و الاستغفار .. ولاتفوتين هذا الشهر الكريم ..

تسلمي يا ام محمد
الله يهون على الجميع

هلا اختي ام محمد تشكرررررررررررررررات على الاطمئنان
انا الحمد لله طيبه وطالباتي بخير يسلمون عليك


اختي الجديده بلسم فقط اهلا وسهلا بك ونورتينا بوجودك
مثل ما قالت لك ام محمد اتركي الطلاق اااااااااااااااااااااااااااااااااااااااااخر الحلول ولا تستعجلين فكري زين ...... ربك يغير الحال من لحظه الى لحظه وفرصه عظيمه بهالشهر انطرحي لله واسجدي وادعي وابكي واسالي ربك الخير وصدقيني ما راح يصير الا الخير لك
بس انتي حاولي قبل انك تصلحين الامور ودخلي احد من اهلك واهله ( حسب شرع الله )
لحل الخلاف والخيره بيد ربك سبحانه ,,,,,, وان حصل وتم الطلاق لا تياسين ترا الحياة ماتوقف عند هالحد مستمره واللي خلق وجاب لك هالزوج قادر يعوضك عنه ويرسلك ازين وازين وازين ,,,,,, وهي فعلا مرحله وتعدي فهي ابتلاء حاله كحال من ابتلي بمرض او فقر اوغيره ,,,,, واكثري من الاستغفاااااااااااااااااااااااار 24 ساعه سبحان الله اثاره ملموسه قال رسول الله صلى الله عليه وسلم ( من لزم الاستغفار جعل الله له من كل هما فرجا
ومن كل ضيق مخرجا ) والله يسهل امرك وامر كل مسلم ويرضيك بكتبته ..