تجارب رمضانيه ناجحه/فاشله

السلام عليكم ورحمة الله وبركاته

رمضان كريم

اكيد كلنا تجهزنا لرمضان قبل واثناء رمضان بتجارب قرأناها او فكرنا فيها

بعضها نجحت :D

وبعضها فشلت :06:


ياليت نكتب هنا التجربه الي سويتيها ومستوى النجاح

ابدا انا

اولا انا كنت ضد تفريز الاكل وتجهيزه قبل رمضان لكن حماس الكثيرين خلاني اجرب بعض الاشياء وهذي نتيجتها



نجربه ناجحه:

الكشنه,حمسة البصل, التبصيله
انا من الي يستعملونه الكشنه بكل طبخاتي تقريبا .. مابقى الا الشاهي احط فيه :35:
لكن تاخذ مني وقت وهي تتحمر على النار لحد ماتوصل للمستوى الي يرضيني
جربت هالسنه اني اقطع كميه كبيره واحمرها بزيت لحد ماتصير شقرا واضيف لها شوي بهارات مشكله
واخليها تبرد واحطها بعلبه بلاستيك بالثلاجه
وكل ما احتجت اخذت مقدار ملعقه او ملعقتين
احمر اللحم لحد مايستوي واخذ ملعقتين واضيفهم
للبيتزا احط ملعقتين بصل وعليهم علبة معجون طماطم وشوي مويه وملعقة اوريجانو
هذا غير الطبخات الثانيه




تجربه فاااشله

ورق العنب
لفيت ورق العنب برز وبقدونس وطبخته وفرزنته وطلع طعمه موو شي الله يكرم النعمه



تجربه ناجحه

محشي الملفوف
لفيت الملفوف برز ولحم مفروم مطبوخين وكملت طبخ الملفوف لحد ما استوى وفرزنته ويوم استعملته اليوم كان لذيذ كنه طازج



تجربه ناجحه

البف باستري بالخلطه الصينيه
خليت البف باستري يذوب وجهزت خلطة الدجاج بالملفوف والفلفل الاخضر والجزر وصلصة الصويا وحشيت البف باستري بشكل مثلثات وصفيتهم بصينيه ودخلتهم الفريزر لحد ما تثلجو فككتهم وحطيتهم بعلب
اليوم طلعت كم حبه وخليتها تفك من الثلج ودخلتها الفرن على نار هاديه وكان لذيذ مرره



يالله الي بعدي


ياليت يتثبت حتى تعم الفائده