تجربة حقيقية اعايشها مع السمنة لغاية الان

سلام عليكم

هلا شخباركم ان شاء الله تكونون بصحة وعافية

مادري كيف ابتدي او شو اللي اقولها...لاني بصراحة ملانة من نفسي وحالتي اللي عليها
اتصدقون بنات كم من مرة كتبت في القسم هذا اني من اليوم الثاني راح اعمل ريجيم وفعلا اعملها لكن تدرون لين متى من الصبح الى العصر فقط:44:
لاني ماقدر اتحمل اني ابعد عن الاكل..

حتى هذاك المرة شاركت مع الاخت اماني باني راح اعمل ريجيم معاها وفعلا استمريت عليه لكن فقط ثمانية ايام وبالاخر رجعت لوزني وزيادة..كتبت بعد في القسم اني من بكرة راح اعمل ريجيم لكن بلا فايدة
انا اقول حق الاهل اني ما اكل الرز لكن يوم اشوف ان كلهم ناموا سييييدة للمطبخ وما اصدق عمري اكل واكل واكل:23:
نفس الشي بالليل اتعشى معاهم وبعد من ناموا الكل سيييدة اتصل للمطعم مشان يجيبون لي
لاني احب اكل الاكل الحلو

حتى اني قبل ما اكتب هذا الموضوع كليت ثلاث حبات شوكولاته وايس كريم وشيبس..مادري ليش اكل كل هذا:44:
كل ما اطالع التلفزيون اشوف بنات رشيقات حلوات اقول في نفسي لازم اسوي ريجيم عشان اكون مثلهم لكن بمجرد من اقوم خلاص كانه ماشي صار
لكن اندهشت كثيييييييييييييييير من واحد نزل32 كيلو في شهرين بس عشان انه كان يريد يغني واظني الكثير منكم شافوه في قناة المستقبل ..بالاول كان شكله بانه متييييييين والكرشة ماشاء الله لكن من شفته قبل ثلاث ايام غيييييييييييييييييييييييييييييييييييييييييير غيييييير
........
كل ملابسي وعباياتي صارت ضيقة علي بحيث استحي اطلع اروح مكان وجهي صاير منتفخ
ترتيب جسمي كله غلط في غلط:11:


هذي هي تجربتي كل ماريد اعمل ريجيم افشل فيه لكن تدرون شو اريد اسوي
ترى وايدين يقولون ان الواحد يوم يحب شي يسوي المستحيل مشان يحصل عليه ...صح

ونا من هالساعة اللي اكتب لكم فيها خليت جدام عيني شي صح بعيد عني شوي لكن بامكاني اني اوصل له والسبيل الوحيد اني اوصل لهالشي اني انزل كم من كيلو...ونا مستعدة اني اسوي هالشي

ومن هاللحظة صح اني كليت كثير وهالاشيا اللي كليتها كانت فيها دهون وسكريات كثيرة

لكن عزمت عزم شديد اني اابتدي رجيمي من هالساعة وماريد ااخرها لبكرة لالالالالالالالا.....

فمن هالدقيقة بنات اي وحدة منكم تعاني من السمنة لا تقول في نفسها من باجر بعمل الريجيم او بعد اسبوع ابتدي من احينه لانج راح تندمين مثلي وتزيد الكيلو جرامات عندج....

تحياتي