تجربة وحده شفتها بعيني ومابي غير الدعاء

صباح الخير يا بنات حواء
زمان عنكم وحشتوني والله
المهم اليوم انا جايبة لكم سالفة من وحدة ماتخبي عني شي وانا شفت الي قالت عليه بعيني وحتى بدون ما أسألها هي قالت لي ع السر
هذا يا طويلات العمر الادمية ماشفتها من 4 سنوات وشفتها قبل يومين زارتني بالبيت وماشاالله تبارك الله جسمها مثل الزبدة وقطعة وحده من فوووق لتحت الاكواع والركب والاباط ماشاالله تبارك الله شي روعة وهي ماكانت كذا الا هي بنفسها صارت تقول لي شفتي كيف باطي واكواعي وركبي كيف صارت بيضا قلت اي والله قالت السر بالليمون وزيت الزيتون يوميا اجيب شريحة ليمون واغمسها في شوي زيت زيتون يوميا فاهمين يعني ايش يوميا وتمسح المناطق الي تبيها تفتح وترا اسمعوا لاتستعجلون هي تقول ما شفت النتيجه الي ترضيني الا بعد سنة مو شهر ولا اثنين واقول اف
وطبعا هي مستمره ع الموضوع لحد الان وماتركت هالعادة ابد وجالسة تسوي حتى لبناتها الصغيرات من الحين
لان يا بنات سر الجمال صراحة هو الاهتمام ومن الصغر ونصحتني كمان نصيحة مرررره مهمه قالت احذري من الحبو ع الركب او تتسندين ع الكوع وطول الوقت منتبهه لبناتها ياويل الي تحبي ع ركبها
عاد هذا الي عندي يا حلوات وانا بديت والله وتحمست لي ولبناتي من امس وقطعت كم شريحة ليمون وحطيت بصحن صغير زيت زيتون وكل ما مريت حطيت وخصوصا اكواعي بعد الوضوء
واتمنى الي عندها فكرة عن الموضوع تقولنا عن تجربتها
اي ونسيت اقلكم انها بعد سوت ازالة شعر بالليزر للابط والسيقان ومنطقة البكيني وطلبتها تقول مع تفتيح والله يا سيقانها ماشااالله تبارك الله كأنها سيقان بيبي مولود من النعومة والبياض وتقول حتى منطقة البكيني فتحت كثير بعد الليزر لان الشعر هو سبب السواد وخصوصا لما نشيل بالموس

وما ابي منكم الا تدعون لي ان الله يكفيني ما اهمني من امر دنياي