ولله التربيه شي صعب و الام قلبها رحوم ما ودها تحرم الطفل من اي شي
وما تدري احيانا هي تخرب طفلها بحنانها الزايد الله يقدرنا على التربيه
انا توني باول الطريق ولدي عمره ثمان شهور لكن تصدقون لاحظت اثر الدلال عليه
انا طبعا تاخرت سبع سنوات لين جبت هالولد وكاني اول وحده بالعالم تجيب طفل مو مصدقه ولا انلام بصراحه
كان الولد كلا حظني ودايم معي ولا اخليه على الكرسي او السرير
وما انومه الى بحظني
الحين بديت اندم لاني لو بشتغل بالمطبخ اجيبه معي و اخليه بالمشايه او الدراجه حقت الاطفال ينجن
مع العلم اني معه بنفس المكان لكن يبيني اكلمه او اشيله وانا مشغوله ما اقدر هنا اول نقطه احاول اعالجها
و الثانيه مرا كنت سادحته على الكنبه و سبحان الله قلب و طاح وزي اي طفل صار يصيح وانا احاول اهديه
لما سكت من الصياح كان يحن و يزن كانه يعاتبني و يظرب في وجهي انا ما جا في بالي فكرته رده فعل عاديه
لكن مع الوقت شفت الولد كل ما عصب يظرب بوجهي مرا ام زوجي شافته وقالت يا بنتي
لا تفكرين انه ما يفهم ولو ما علمتيه من هالحين ترا صعب لما يكبر تمنعنيه الله يجزاها خير
فصرت ابعد يده عندي و احاول اقوله لا و اشغل يده باي شي
لو بغى شي وما اعطيته ينجن و يعصب و يظرب فيني الله يصلحه توه ثمان شهور وبدى يتمرد
لكن الحمدلله انا عندي خبره بعلم النفس للاطفال و ان شاءلله اعرف اتعامل معه لكن اكتشفت انو العلم
التنظيري سهل لكن التطبيقي صعب صعب التعامل بصرامه مع حنان الام
احاول قد ما اقدر اقيم سلوكه من الان بحنان تام بدون اي قسوه لانه عمره صغير
بديت امنعه من بعض الاشياء مثل جوالي او الملعقه لو بغاها مو لازم كل ما زن على شي اعطيه
الله يسهل ونحسن تربيه الاطفال
تعلمت مو كل طلباته تستجاب