إلى أم معاذ وجهاد : معلش نسيت أسألك عن حاجة يا ريت تشرحى لى طريقة تحفيظ الأولاد للقرآن الكريم علشان فيه عندى ولاد مش بيحفظوا و لو حفظوا شيئ بينسوه الأسبوع اللى بعده وواضح إن مفيش متابعة من البيت وعلى رأيك ساعات متابعة البيت تضر ولا تنفع... كمان تواجهنى مشكلة تصحيح اللكنة يعنى أنا بأديهم سورة الشرح فيه يقولوا السرح وفيه يقولوا الشره ... لو عندك حل للموضوع ده يا ريت نستفيد من خبرتك ...
آه على فكرة متخافيش ترجعى مصر :) الضرب ده كان زماااااااان أنا كنت مدخله إبنى مدرسة السنة اللى فاتت وكانوا أكتر من ممتازين معدش حد بيضرب اللهم إلا فى مدارس الحكومية يمكن مش عارفة الصراحة... وبمناسبة الزعيق أنا مدخلة إبنى هنا مدرسة الإسلامية وعندى إستشارة لكن مش عاوزة أكتبها هنا علشان مأخرجش عن الموضوع الرئيسى وهأفتح لها موضوع لوحده قريب إن شاء الله وهاستنى رأيك فيه
شكرا ومستنية ردك يا جميل
كوسةوبط
•
كوسةوبط
•
mamazozo :
بصراحه اني مفكره ادرس الاطفال بمدرسه الجامع لكني متردده وخايفه رغم اني معلمه اصلا ياريت تواصلين الموضوع وكلنا نستفاد منه واتمنى القى موقع للاطفال يعلم اللغه العربيه لكن دمه مو ثقيل ويحبوه الاطفال وعجبتني فكره كتابه الحرف على ورقه بحجم كبير والاطفال بيخلو جلو ويلزقو عليه الالوان او الاشكال الملونه وبهذا يبقى في دماغهم الحرف وممكن يحتفظو بالورقه ويراجعوها في كل مرهبصراحه اني مفكره ادرس الاطفال بمدرسه الجامع لكني متردده وخايفه رغم اني معلمه اصلا ياريت...
خايفة وإنت معلمة!!!! يا شيخة أمال أنا أعمل إيه ده أنا كانت ركبى بتخبط فى بعضها أول حصة :) لأ إتشجعى ويا ريت تكتبى لنا هنا تجربتك والحاجات اللى نفعت معاكى... توكلى على الله وأخلصى النية لوجه الله الكريم
كوسةوبط
•
السلام عليكم.... دى ملفات حرف الباء
أحب أوضح إنى بأطبع الملفات دى بدون ألوان علشان الأولاد يلونوا.. وإكتشفت إنهم بيحبو التلوين جدا...
المرة دى إديتهم كلهم ستيكرز علشان بيشتغلوا فى الفصل واللى عمل الواجب أخد ستيكرز مميزة ... لكن عندى ولد زهقاااااااااااان دايما بورد على رأيه :) مإشتغلش فى الفصل لكن محبيتش أحرمه من الستيكر برضه علشان ميطهقش زياده ... وقلت لهم المرة اللى جايه هيكون فيه مسابقة لازم تعرفوا الحروف وشكل الكلمات اللى أخدناها وكمان شكل إسمكم وهيكون فيه جوايز كتيييى لقيت إنهم إتبسطوا وعينيهم لمعت كده لما جبت سيرة الهدايا :)....
بالنسبة للقرآن أنا هأرفق الملف اللى أنا علملاه لسورة الشرح فيه ولاد حفظوا وفيه لأ.... المشكلة إن كل مرة بيكون فيه أولاد جداد ربنا يبارك وبأضطر أعيد من الأول المهم المرة دى قسمت السبورة 4 أجزاء اللى حفظ السورة كاملة واللى حفظ أكتر من النص واللى حفظ نص واللى حافظ أقل من النص وعملت لكل جوايز اللى حفظ كل السورة هياخد من 4 جوايز واللى حفظ أكتر من النص ياخد 3 جوايز وهكذا واللى مش عارف خاص إديتهم مصاصة علشان ميزعلوش وقلت لهم المرة اللى جايه عاوزاكم كلكم تاخدوا كل الجوايز ... الجوايز كانت أقلام وإستيكرز وفرحوا بيها وأعتقد إنها عملت فرق معاهم
أتمنى إنكم تقولولى حل فى الولد اللى زهقان ده على طول ولو عندكم أى أفكار تانية يا ريت تقولولى عليها
أحب أوضح إنى بأطبع الملفات دى بدون ألوان علشان الأولاد يلونوا.. وإكتشفت إنهم بيحبو التلوين جدا...
المرة دى إديتهم كلهم ستيكرز علشان بيشتغلوا فى الفصل واللى عمل الواجب أخد ستيكرز مميزة ... لكن عندى ولد زهقاااااااااااان دايما بورد على رأيه :) مإشتغلش فى الفصل لكن محبيتش أحرمه من الستيكر برضه علشان ميطهقش زياده ... وقلت لهم المرة اللى جايه هيكون فيه مسابقة لازم تعرفوا الحروف وشكل الكلمات اللى أخدناها وكمان شكل إسمكم وهيكون فيه جوايز كتيييى لقيت إنهم إتبسطوا وعينيهم لمعت كده لما جبت سيرة الهدايا :)....
بالنسبة للقرآن أنا هأرفق الملف اللى أنا علملاه لسورة الشرح فيه ولاد حفظوا وفيه لأ.... المشكلة إن كل مرة بيكون فيه أولاد جداد ربنا يبارك وبأضطر أعيد من الأول المهم المرة دى قسمت السبورة 4 أجزاء اللى حفظ السورة كاملة واللى حفظ أكتر من النص واللى حفظ نص واللى حافظ أقل من النص وعملت لكل جوايز اللى حفظ كل السورة هياخد من 4 جوايز واللى حفظ أكتر من النص ياخد 3 جوايز وهكذا واللى مش عارف خاص إديتهم مصاصة علشان ميزعلوش وقلت لهم المرة اللى جايه عاوزاكم كلكم تاخدوا كل الجوايز ... الجوايز كانت أقلام وإستيكرز وفرحوا بيها وأعتقد إنها عملت فرق معاهم
أتمنى إنكم تقولولى حل فى الولد اللى زهقان ده على طول ولو عندكم أى أفكار تانية يا ريت تقولولى عليها
الصفحة الأخيرة
يااااا ريييت أكون زيك والولاد يحبوا ييجو الحصة عندى ولد على طووووووول زهقان وآخر مرة مرضيش يكتب معانا ولا يشتغل خالص فى الحصة بصراحة زهقنى :)
وفيه ولاد مش بيعملوا الواجب ... المرة اللى فاتت إديت اللى عمل الواجب ستيكرز حلوة واللى معملش مأخدش وكنت حاسة إنهم متضايقين علشان مأخدوش من الإستيكرز دى خفت يكرهوا الحصة مش عارفة ده تصرف سليم واللا لأ أتمنى إنك تردى على .... وخليكى متابعانا شكلنا هنحتاجك كتير يا قمر... جزاك الله خيرا