تجربتي الخاصه وخصوصا للي توها ولدت او ....اي شي تعالوا وبس

بنات انا بقولكم تجربتي شخصيا انا بعد الولاده وصل وزني الى 86 كيلو :06:

وكانت صدمه فضيعه بالنسبه لي لاني عمري بحياتي ما وصلت لهالوزن كان حدي بعد ولاداتي السابقه 75 بالكثير ومع الخوف وتهديد ابو الشباب الي هو بنفسه بغى يخلع من وزني مو مصدق صار يقول تصدقين صرتي تذكريني بنفسي >>ايه هين يا ابو 100 كيلو وش جاب لجاب ...

المهم يا طويلات العمر من بعد ما خلصت الاربعين وانا دخلت بدوامة الرجيمات مره سعرات ومره تمر ولبن ومره كورن فلكس ومره فش فاش لين ما صرت فار تجارب خاص بالرجيمات واحيان كان يمر علي اسبوع اسبوعين اكل من صماصيم قلبي ولا فكرت بالرجيم ولا بالجسم من زود الطفش وكانت تمر علي لحظات يثبت الوزن ابن الذين لمدة شهر او اكثر يقول كيفي كذا ما ابي انزل وش عندك <<آآآآآه يالقهر بس اكتشفت شي من بعد الحج انا فكيت الرجيم يمكن 10 ايام اكلت كل الي يخطر على بالي ثم بعد ذلك واذا بي ادخل في رجيم يا بنات شي مو معقول قوي مررره جبته من عند اختي واقسم بالله ان وزني قال بعدها اتوب والله اتوب ونزل ابن الذين اخيرا

ونهاية الحدوته اني الحين ولله الحمد اذكروا الله قولوا ماشاءالله وصل وزني >>>>>>>>60.7 كلغ بعد سنه من ولادتي الف حمد وشكر لله

بس المشكله يا بنات انا ابي اوصل 55 ضروري ضروري خلال شهرين ونص اقصى حد بس ماني عارفه وش اسوي وودي انزل هالخمسه كيلو حبه حبه يعني لو بالشهر كيلو ونص راضيه بس وش السواة اخاف اسوي سعرات واطول ما نحفت

ابي البنات الي وصلوا للوزن المثالي وبعدين قدروا ينزلون وش سووا هل كثفوا الرياضيه مثلا او سووا رجيمات قاسيه او اكتفوا بالسعرات يعني الي كان باقي لها 5 كيلو مثلا وشلون نزلتهم انا اعرف انهم اصعب 5 كيلو في النزول بالله عليكم الي مرت بكذا تفيدني ولها مني دعوة صادقه بيوم الجمعه ان الي يحقق لها امانيها يارب

الرجيم يا اخواتي بالرد 18 ياليت بس تكتبون جزاك الله خير او الي تجربه تدعيلي اوصل للوزن الي ابيه وانا بصحه وعافيه