بسم الله الرحمن الرحيم
السلام عليكم و رحمة الله و بركاته
من اكثر من تسع سنوات و انا اعاني من مشكلة تساقط الشعر الشديد , لدرجة وجود فراغات عظيمه في الشعر و تقصف و بهتان اللون و عدم طوله إلا في السنه سنتيمتر واحد
و كل من يشوفني يحزن علي
طبعا كنت استشور الشعرتين اللي في راسي و اصبغه و نادرا ما احط له زيت
و استحم بالشامبو يوميا بدون تخفيف,
باقي على فرحي 5 شهور
و رحت لأخصائية جلديه في مركز فيتامين
و شرحت لها مشاكلي الجلديه و سألتني عن فروة شعري:o
و لما وريتها قالت لي لازم تعملي الميزو هير (و هي تقنيه تعتمد على حقن المناطق المتضررة من الشعر "سواء صلع او تقصف او بهتان" بالفيتامينات اللازمة لصحة الفروة و بصيلة الشعر)
طبعا الفرق بينها و بين الفيتامينات المأخوذة عن طريق الفم او تغيير النظام الغذائي , انها ما تاخذ وقت
يعني الفيتامينات او الاكل الصحي المتناول يحتاج فتره عشان ينهضم و يوصل الكبد و بعدين ينتقل عبر الدم الى الاعضاء المصابه او الاجزاء المتضررة
بس الميزو تدخل لك المواد على طول للطبقه الداخليه للفروة
قررت لي الاخصائية 6 جلسات
و بدأت اول جلسه صباح يوم الأحد الماضي
وصفت لي معه لوشن , و فيتامينات يوميه
و بس
ملاحظاتي بعد الجلسه:
طبعا اللي يقولو ما فيها الم يكذبو
لأن الحقن مؤلم , و المادة اللي تحقنها (الفيتامينات) تحرق شوي
و لكن الالم معقول و الحرق مقدور عليه
فنصيحتي للي تبغى تعمله تجلس في البيت و اهم شي ما تخلي فروة شعرها تعرق و بالذات بعد الحقن مباشره, لا مجهود عضلي و لا جو حار و لا استحمام
اقل شي ساعتين (على غسل فروة الرأس فقط)
الملاحظه الثانيه, الصراحة ما بين معي شي غير الايقاف الفوري لتساقط الشعر, و شوية لمعه , بس فيه حكه في الفروة و انصح البنات ان يكون الحك مثل المساج للفروة, مو بالاظافر عشان ما يطيح شعرك, و كأنك ما سويتي شي
طبعا اللي عندها فقر دم شديد ممكن ما يأثر في ايقاف التساقط كثير, يعني لازم تعالج مشكلة فقر الدم اول
أي استفسار انا حاضره للعرايس , و راح ابلغكم اول بأول بالنتائج..
_____
دعواتكم:L:
بشرررئ @bshrrry
عضوة جديدة
تجربتي الشخصية لعلاج تساقط الشعر و الفراغات و التقصف و البهتان بطريقة الميزو ثيرابي
13
15K
يلزم عليك تسجيل الدخول أولًا لكتابة تعليق.
ذكرى الفجر
•
طيب اختي انتي ماجربتي الحنا والسدر للتكثيف
بشرررئ
•
طيب اختي انتي ماجربتي الحنا والسدر للتكثيفطيب اختي انتي ماجربتي الحنا والسدر للتكثيف
جربته بس للاسف مافادني
الصفحة الأخيرة