تجربتي الصعبة في فترة الملكة

السلام عليكم

قريت بعض المواضيع في هذا القسم فحبيت انكم تشاركوني تجربتي الصعبة في فترة الملكة ... والسبب اللي بيخليني احكي لكم التجربة اني لاحظت ببعض المواضيع .. كثير من النصايح عن فترة الملكة ولقيت بعض البنات مب عارفين شلون يتصرفون وان بعض المشاكل البسيطه راح تؤدي بهم الى الانفصال ....

خواتي العزيزات .. خذوها نصيحة مني .. خل كل وحده فيكم على طبيعتها اياكم والتصنع في أي شي .. حتى في الخجل ... لاني لاحظت الكل يقول خلج خجوله معاه .. اصلا البنت طبعها خجول .. لكن الخجل درجات ويختلف من وحده للثانيه .. مثلا انا يوم قريت اني لازم اكون خجوله معاه بصراحة تميت افكر كثير وحسيت اني غلطت في بداية ملكتي ويه زوجي .. لانه طبعي خجول في البدايات بس .. يعني من النوع اللي بسرعة اتأقلم وآخذ على الناس .. ويوم ناقشت زوجي بهذا الشي .. قال بالعكس كنت احب فيج صراحتج وجرأتج الممزوجة بالخجل .. ولاتندمين على اي شي .. وبصراحة الفترة الاولى كانت فترة تعارف وصحبة .. يعني في البداية صرت صديقة لزوجي ومع الوقت صرت حبيبته ..

هذا كان مجرد تعليق على وحده من النصايح وغيرها الكثير لكن اكيد فهمتوا قصدي .. يعني اهم شي طبعج وطبعه والتوالف اللي بينكم وبس.. وماعليكم من النصايح المفصله لان كل شخص يختلف عن الثاني واللي يلائمني مايلائم غيري واللي يعجب زوجي مايعجب زوجج.

المهم .. كانت مشكلتي ويه زوجي ايام الملكة .. في البدايات .. فترة التعارف .. كان صعب في التعامل لأقصى درجة .. وماكان يعرف يتعامل مع البنت خير شر .. يعني يعاملج كأنج وحده من الربع :44: .. وترى انا رومانسية حييييييييييييل وهو انسان عملي ومايؤمن بالحب ولايعرفه .. المهم في البداية سكت عنه .. بس يوم شفت انه الظاهر بيستمر جذي تميت ألمح له .. هم ماكان في فايدة وشايف انه شي عادي .. لكن بعد فترة صارحته وتفاهمت وياه على اسلوب التعامل اللي انا أحبه ... جات فترة طبق هالشي لكن مثل مايقولون ردت حليمه لعادتها القديمة :( قلت الظاهر ماينفع الكلام معاه .. لازم اتصرف .. وقلت خل انا احسسه بقيمة الكلام الحلو وصرت على طول أدلعه واهتم فيه واتصل عليه واطرش له مسجات واقوله حبيبي وحياتي وكل الكلام الحلو .. ماكان يتفاعل معاي لكن كنت احسه انه راضي ... وبعد شهر وقفت عن كل الكلام الحلو وصرت اكلمه عادي ... هههههههه والله استخف ... تم فترة مب عارف اش فيني .. يسألني انتي ليش متغيره اقوله ابد مب متغيره .. وهو يلف ويدور علي وانا مااريحه .. بالاخير قال وش فيج ماتقولين لي حبيبي .. قلت له (( صااااااااااااااااااااااااادوك )) معناته عجبه الوضع يوم ادلعه .. فقلت له شفت انت الريال وش كثر تأثرت من الكلام الحلو .. وماتبيني اهتم واطالب فيه .. ومن بعدها صار يقولي كلام حلو ولااروع منه .. وانقلب من شخص مايعرف يتعامل مع البنات ودفش ولايقول حجي حلو .. الى شخص رومانسي وحبوب وصار احسن مني :27:

والله ماتم هذا الا بفضل الله وبالصبر والدعاء .. وهذا مثال على مشكله من المشاكل .. والله مرت علينا مشاكل كانت بتؤدي الى الانفصال ... والله اني كنت صابرة .. مع انها فترة ملكة ..لكني احبه .. وهو انسان زين وعارف ربه .. وهذا اللي صبرني عليه .. لانه هذا الشخص اللي ابي اقضي العمر معاه ...