تجربتي الطويلة مع الشعر

بسم الله الرحمن الرحيم

السلام عليكم ورحمة الله وبركاته


:26: بكتب لكم تجربتي الطويلة مع شعري وأتمنى لكم الفائدة لأن كل شيء جربته

وبدت التجربة لما قصيت شعري قصه الفراولة وقلت لازم أطول شعري

شعري ناعم بس مو الناعم الحرير وكثيف مره بس مايطول بسرعة وأكثر الشامبو مايناسبه


المهم قصيت شعري قصه الفروالة وماأنصح أحد يقصها خصوصا اللي شعرهم كثيف ولا ناعم مره

لأن تخلي الراس كبير تنفخ الشعر


وماخليت لا خلطات ولا زيوت ولا كريمات ولا شامبو إلا وجربته


ببدأ معكم بالزيوت والخلطات :

في زيت جربته اسمه ( زيت الأحلام) وهو لتطويل الشعر

هذا الزيت مالقيته إلا بصعوبه في أسواق الجمله

روعة يعطي الشعر لمعه وينعمه ويطوله صحيح

عيبه ريحته ولازم ساعات طويلة على الشعر

ولازم تحطيه يوميا مده أسبوع كامل وأهم شيء تحطي على فروه الراس

ومكتوب الطريقة على العلبة

------------------------

بعدين جربت خلطه من نفسي سويتها

أخذت زيت الثوم وزيت الخروع

وخلطتهم مع بعض وصرت بالأسبوع مرتين أحطها على شعري بمده ماتقل عن ثلاث ساعات

لاحظت نبت لي شعر بالمكان اللي مافيه شعر

يعني هالخلطه تصلح للي شعرهم ضعيف وفيهم صلع في بعض الأماكن

بس أهم شيء يوصل الزيت لفوره الراس

------------------------

عملت خلطه وهي

بيضه + كريم حمام زيت+ زيت زيتون + عسل

والله يالبنات أعدمت شعري خلته جاف مو طبيعي

وأكتشفت بأن البيض مايناسب شعري والسبب البيض

وفوقها يخيس الشعر حتى لو تبخريه الريحه ماتروح

والعسل بعد على الشعر مو حلو

يعني ماانصحكم تجربوها يمكن تناسب شعر غيري بس البيض ماناسب شعري ابداً

--------------------------

جربت زيت دابر

ماقدرت على ريحته الخايسه اللي تخيس البيت كله بس ماداومت عليه علشان أعرف نتايجه

-------------------------

جربت هو زيت بس على شكل كريم اسمه ذيل الحصان

مشكلته دسم مررررررره وثقيل على الشعر وحتى اذا غسلت شعري مايروح

وماداومت عليه لأنه ثقيل

-----------------------------

جربت زيت الحشيش

وماحسيت في منه فايدة تلاحظ

-------------------

جربت زيت السمسم

حلو ويعطي لمعه بالشعر

---------------

وحاليا استخدم زيت فاتكيا

وأحس طول شعري وريحته حلوة مو خايسه

-------------------


طريقتي في استخدام الزيوت على شعري

أحيان أحط الزيت او الخلطه بوحدها على شعري

وكثير أحيان استخدام كريم حمام زيت واستخدمت أنواع كثيرة وبذكرها لكم

المهم استخدم كريم حمام زيت وأخلط معاه الزيت بكميه حلوة واحطه على شعري

وأحيان احطه عليه بخار لأن عندي بخار بالبيت

ومؤخرا أخلط معهم نوع من الكريم بذكره لكم في باقي التجربة

-------------------------


بختصر لكم المفيد ماوراء الخلطات إلا وجع راس وخياس ومو شرط وراها فايدة

أحسن شيء تاخذي نوع من الزيت يناسب شعرك وأثبتي على استخدامه يعني مو تستخدمي كذا زيت بنفس الوقت وكل مره تحطي نوع كذا تعدمي شعرك ماتفيديه

وحطي من الزيت اللي يناسب شعرك بالأسبوع مرتين على شعرك ودلكي فروة راسك

وإذا خلص الزيت اللي يناسب شعرك أخذي نوع ثاني يناسب شعري وداومي عليه

المهم تثبتي على واحد حتى يخلص وبعدها ماتستخدمي بعده نفس الزيت لأن بيكون شعرك تعود عليه

وبيكون مايأثر في شعرك غيريه وأرجعي له بعدين



همسة للبنات اللي شعرهم يتساقط

روحوا الصيدليه وأخذوا حبوب حامض الفوليك ( فولي كسد) وهو عبارة عن فتمينات مفيدة
يقلل من تساقط الشعر ولا يضر ابداً وأتوقع كثير يستخدمه
وحتى ينصح اللي بتحمل تستخدمه قبلها بكم شعر




وبكمل لكم التجربة من كريمات وشامبو وكريم حمام زيت وزيوت عاديه تكون بديله للكريم

بس إذا شفت في تفاعل منكم