أم راحيـــــل :

ربي يسمع منكم يارب ويرزقكم من حيث لاتحتسبووون ويجمعني بكم بجناته يااارب اكمل دعيت ربي ان اذا مكتوب علي اني رزقي ماجا وقته الان انه يرزقني اجر هالتعب والالم . يوم ثاني اللي هو يوم السبت اتصلو المستشفى سالت اللمرضة زوجي عن اسمة وتاريخ ميلادة قالت من 8 عندكم 4 جيدين ، 2 تلقحووا و2 الى الان ماصار فيهم شي راح ننتظر لبكرة ونشوف وشو يصير فيهم ، و2 مافيهم غشاء بالمرة و2 ماكتملوا النمو قلنا الحمد الله عندنا 2 الى الان نعرف مصيرهم الحمد الله . اللي الله كاتبة بيصير استمريت في تحاميل البروجسترون مرتين في اليوم صباحا ومساءا. نسيت شي ماقلت لكم خبرونا قبلها ان 6 شهور مجانا بامكانا انه نجمد اجنه متبقية ،، لكن الان مع عدم وجود الفرصة للتجميد مافية امل . الحمد الله على كل حال المهم يوم الاحد الساعه 8 انا صاحية وزوجي نايم دق التلفون وصحى زوجي على صوته سالته عن اسمة وتاريخ ميلادة طبعا هالسؤال في كل مرة نقابلهم او يتصلون علينا علشان يتاكدون من الشخص . قالت البويضتين اللي امس تلقحوا انقسمو وحده انقسمت الى 4 خلايا ووحده انقسمت الى 5 خلايا وللاسف البويضيتين اللي قلنا لكم عنهم امس ماصار فيهم شي ، يعني الان عندكم جنينين فقط جيدين . قلت الحمد الله ، ان شاء الله هالثنتين ربي يكتب فيهم الخير ويرزقنا . قالت يوم الاربعاء راح يكون الترجيع علشان يوصلون لمرحلة البلاستوسست . قال لها ازوجي اوكي . قالت باي بكرة لنا اتصال رجع زوجي نام وانا ظليت صاحية اكتب اليوميات اللي مرينا بها مثل كل يوم . جلس زوجي على 11 اكلنا لنا شي خفيف ولما جات وقت الصلاة صلينا وطلعنا نتمشى قريب الفندق كان كل تفكري في اجنتي الاثنين اللي عندهم ، الى يوم الاربعاء وشو بيكون مصيرهم ؟ تعوذت من ابليس وقلت ياارب اللي الله كاتبة بيصير الحمد الله . وكل ماحاولت اطلع من جو التفكير بالموضوع رجعت له ،، وصلت الى ان عيالي عندهم هناك يكبرون بعيدين عني ،، وجلست ادعي ربي ان يكملون في رحمي دغدغني هالشعور بس خفت وقلت يااارب ما ابغى اوصل لمرحلة القمة وبعدين اطيح جا وقت صلاة المغرب صليت ودعيت ربي من قلبي انه يحفظ اجنتي ويكملوا نموهم وهم في رحمي يااارب ويبلغني يوم اللي احمل فية ضناي طلعنا بالليل نتمشى وكان الجو حلو كثيير وبعدها قال زوجي لازم نرجع مالازم تمشين وااجد تتعبين يوم الاثنين الصباح ما ادري كم الساعه ، جلست من نومي حسرانه وانتوا بكرامة رحت الحمام ، وانا بطلع رن التلفون رفع زوجي السماعه ومثل لعادة قال لهم اسمة وتاريخ ميلادة ، وهالمرة سالته عن احوالة :27: المهم قالت الاجنه انقسموا الى 9 خلايا وعلى يوم الاربعاء راح يكون الترجيع قال لها زوجي ممتاز الاربعاء موعدنا أي وقت (( بيني وبينكم كان زوجي قلق من عدم الانقسام )) قالت له بكرة راح اخبركم بكل التفاصيل قلنا الحمد الله رب العالمين الحمد الله سكر من عندها وخبرني وشو قالت ورجع نام . ولما جلس على الساعه 10 ونص قال انا قلت لك انهم صاروا 9 ؟ قلت له اية الحمد الله قال الحمد الله (( مسكين واعلية يمكن يظن انه يحلم :44: )) رحمتك يااارب ننتظر لبكره و نشوف وشو بيصير زوجي كان يخطط انه نروح اماكن سياحية علشان النفسية اليوم طلعنا رحنا نجيب اغراض بس شرط زوجي علي اذا مو تعبانه ، وقلت له اني اوكي مافيني الا العافية وقال اجل يوم الثلاثاء نروح حديقة الحيوان قلت له اوكي طلعنا وفي طريقنا لمحطة القطار علشان نروح للمنطقة اللى بنشتري منها الاغراض لان فيها مراكز كبيرة مرينا على عجوز تسال وحده صينية عن شي ... قالت لها الصينية ما ادري كملنا طريقنا وعدينا العجوز قلت لزوجي كان نفسي نساعد هالعجوز ، خلنا نرجع لها ، قال اوكي نرجع ،، قلت او تدري خلاص خلنا نكمل مشوارنا ، قال على راحتك بعدين وقف زوجي جنب كبينه تلفون علشان يحاول يتصل وانا ظليت اتفرج على الرايح والجاي ومرت ذيك العجوز من جنبي ، وكانت عجوز حيل حيل وسالتني تعرفين مكان التاكسي ؟ مافهمت عليها لانها مافيها اسنان ولا يطلع الكلام من فمها مضبوط وسالتها مافهمت عليك ممكن تعيدين ،، الا زوجي شافنيي معها وجا وسالها وشو تبغين ،، قالت ابغى مكان التاكسي تعرفونه قال لها للاسف مانعرفة ،انتي طلبتي تاكسي معين ؟ قالت لا قال لها انتي وين تبغين تروحين قالت المنطقة اللي تبغى تروحها ولا فهمنا عليها . قال لها زوجي اوكي تعرفين احد من اقاربك ؟ قالت اعرف زوجي قال لها تعرفين تلفونه قالت لا اكتشفنا ان العجوز ضايعة في منطقتنا رحنا البقالة القريبة من الفندق علشان نطلب لها تاكسي لان جوالاتنا خلص الرصيد واصلا احنا رقم التكاسي مانعرفهم بس قلنا نسال مابنخسر شي نبغى الاجر شرح زوجي لصاحب البقالة وضع المراة ، وهل بالامكان ان تطلب تاكسي من تلفون البقالة قال لنا :بامكانكم ان تاشرون على تاكسي ويوقف (( اول مرة اعرف ان ممكن هذا يصير عندهم ،، احنا بنيوزلندة ممنوع لصاحب التاكسي انه يوقف اذا اشر علية احد ،، حفاظا علية ،، اذا تبغى تاكسي فية تلفونات مجانية علشان تطلب تاكسي ، اطلب لكن تاشر ممنوع )) المهم كان ودنا لو ساعدنا ظلينا واقفين مع العجوز بالشارع ننتظر تاكسي يمر علشان ناشر له لكن مافية امل بعدين قلت لزوجي اسال العجوز اذا ممكن تروح معنا للفندق ونطلب لها من هناك قال لها قالت اوكي ومشينا وزوجي يسرع يبغى يوصل الفندق وعلشان مانتاخر على القطار اللي بنروحه ،، وانا اسرع نسيت ان معي عجوز ولا انتبهت الا لما سمعت لهاثها مسكينه وبديت امشي على اقل من مهلي . وصلنا وكلمنا الرسبشن وقالت لنا اوكي وسالت العجوز عن المنطقة اللي تبغى تروح لها ،، وقالت لنا بعد فترة راح يجي التاكسي قلنا لها متى قالت ما حدد وقت جلسنا مع العجوز عند الاستقبال في الفندق خمس دقايق او اكثر بشوي الا جا التاكسي وركبت العجوز سالها زوجي هل عندها اجرة التاكسي قالت اية سالنا التاكسي وين تبغى نوديها احنا مانعرف ننطق المنطقة واول مرة نسمع بة سال العجوز وقالت للتاكسي وعرف المنطقة ومشوا كان زوجي خايف يقول خوفي الوحيد انها طالعه من المستشفى ولا احد حس بها ،، ويمكن مطلعينها علشان تشم هواء وتركوها وطلعت (( لان هنا يطلعون المرضى يمشونهم قريب المستشفى كتغيير جو )) قلت له لو كان كذا كان شفنا اسوارة المستشفى على يدها وتطمن اشوي كملنا مشوارنا ورحنا نتسوق وانا فرحانه اني ساعدت العجوز وان شاء الله ربي يتقبل واكسب حسنه ياارب واحنا بالمجمع مع السوالف قلت لزوجي يعني خلاص مافية نجمد اجنه ماعندنا فرصة قال مافية فرصة الا اذا تبغين نرجع واااحد ونجمد الثاني قلت له : شو رايك قال : رايك انتي قلت : خلنا نتوكل على الله ونرجعهم اثنينهم على الاقل تزيد فرصتنا ، وسبحانه تعالى ! وطبعا كل مدة التسوق نجلس عشر دقايق ونمشي خمس دقايق لان زوجي خايف على اتعب رجعنا الفندق على خمس قريب المغرب رتبنا الاغارض وجلسنا اشوي بعدين صلينا وجلسنا بكرة اكمل لكم اخر الاحداث دعواتكم ان ربي يكتب لنا الاجر ردي في صفحه رقم 9 ،، علشان ماتتعبون في التصفح راح اكتب لكم رقم الصفحه

ربي يسمع منكم يارب ويرزقكم من حيث لاتحتسبووون ويجمعني بكم بجناته يااارب اكمل دعيت ربي ان اذا...