تجربتي في خسارة 32 كيلو خلال 7 شهور

السلام عليكم و رحمة الله و بركاته يا عالم حــــــــــــــــــواء .....


رح احكي باللهجه العاميه و بتمنى الكل يقدر يقرأها و يفهمها .... لاني صراحه ما كتير شاطره باللغه العربيه الفصحى :unsure:


ب صراحه من يوم ما وعيت ع الدنيه و انا بعاني من الوزن الزايد !!!! و كان كل همي ب مراهقتي اخسر هالوزن و حاولت كتير و رحت نيوترشن و جربت انواع ادويه للتنحيف ............ الخ حتى وصلت ل مرحله فقدت الأمل فيها و قلت خلص ... الله كتبلي كون ناصحه و يمكن هاد هو ابتلاء من رب العباد ...


كنت دايما فوت ل هيدا الموقع و اقرأ مواضيع الاخوات و اتحسر ع حالي .... انو كيف ما قدرت اخسر وزن


فقدت الامل ل درجه انقطعت عن الموقع ل اسنوات ... اليوم لما حسيت انو حابه شارك تجربتي ع هالموقع ... سجلت دخول و تفاجئت انو اخر دخول الي ( آخر زيارة لك كانت: 22-07-1429 ) عنجد العمر بيمضى بسرعه و ما بنحس


حكيت كتير بس حابه افتح قلبي لانكم انتو اخواتي في الله ....


الحمدالله بعد دعائي المستمر لله عز و جل انو يعطيني القوه و العزيمه اني انحف !!! رب العباد استجاب ل دعاءي و كرمني بهالقوه و العزيمه و الاستمرار ل اول مره ب حياتي بعد 25 سنه


صراحه بعد وفاة والدي ب نوفمبر 2012 ... دخلت ب حاله نفسيه كتير بشعه و زاد وزني 10 ك خلال سنه فقط !!! و هون كان كف بالنسبه الي !!!! و قعدت اكلم حالي انو انا ليش هيك عم بعمل !!! بابا كان نفسو اخد بالي من صحتي و اخسر هالوزن مش صحيا قبل الشكل


رحت عند الدكتوره و كان الصدمه الاكبر انو ضغطي مرتفع !!!! و الدكتوره قالتلي لازم تبلش تاخدي حب ضغط ... اسودت الدنيه ب وجهي اكتر و اكتر و قلت مستحيل انا عمري 25 سنه و اخد حب ضغط !!!! ليش هيك عم بعمل ب حالي


قلت رح اعمل فحص غدة الدرقيه و اشوف وضعها و الحمدالله ع كل شي بس طلع عندي مشكله بالغده الدرقيه و التزمت ب دوا الها للعلاج


و بدأت رحلتي ب النزول ب 4 يناير 2014


لما بدأت كان وزني 150 ك و كان عباره عن كابوس الي ( طولي 164 سم )








حكيت كتــــــــــــــــــــــــــــــــــــــــــــــــير .... بعرف !!! و يمكن انتو ناطرين تعرفو شو الرجيم !!! الحلو انو ما في رجيم يا حبيباتي في الله




قسمة وجباتي الي خمس وجبات يوميا ( افطار + وجبه خفيفه + غداء + وجبه خفيفه + عشاء ) + 2-3 لتر من الماي + اخر وجبه اتناولها ك حد اقصى ساعه 7 او 8 مساء !!! و كل جمعه كنت اكسر مع اهلي ع الغدا بس بالمعقول




امتنعت منعاااا باتااااااااااااااااااا عن الوجيات السريعه ( هارديز / كنتاكي .... الخ )


امتنعت عن الرز و استبدلتو ب ( البرغل )


امتنعت عن الخبز و التوست و هالقصص كلها و استبدلته ب ( الشابوره ) مع العلم كنت نوادر اكل توست اسمر


بالنسبه للــ وجبات الخفيفه ... اعتمدت المكسرات ( جوز و لوز و فستق ) مو اكثر عن 10 حبات باليوم


فواكه ( شوووووووووووو ما بدكم !!! ما بقتنع انو المنجا و العنب ممنوع هههه ) لان بالاخير انا عم باكل قطعه مش صندوق


و كنت يوميا اشرب 3 ل 4 كاسات من الشاي الاخضر .... و بعد وجبة العشا ( شاي رويال للتنحيف ) كتير منيح صراحه بس لا تشربو اكتر من مره باليوم .....


بالنسبه للرياضه ( ولا شي ل حد الان ... لاني اواجه مشكله ب العامود الفقري )


و طبعا الغدا مشاوي و خضار او شوربه عدس مثلا و العشا كتير خفيف قطعه جبنه لايت او شريحه ديك رومي ... طبعا كل وحده تاكل الي نفسها فيه بس ضمن الدايت


و صراحه هالحكي استمريت عليه ل بدا رمضان و انتقمت شر انتقاااااااااااااااااااااااااااام ... اكلت شو ما بتتخيلو ... مقالي و حلو و رز و كل شي هههههه ... و الحمدالله ما زدت بالعكس نحفت ب رمضان ... لان صح كنت اكل بس بالمعقول و كميات صغيره


و بعدين رمضان ما رجعت للرجيم للامانه ... لان سافرت و قصص ... و الحمدالله ل هلا محافظه ع الوزن الي نزلته ... لان عم باكل ب كميات معقوله و مستمره ع الشاي الاخضر و الرويال




بتمنى كون ساعدتكم .... و حفزتكم ل 1 %


اهم شي يكون ب تفكيركم ... لا ل رجيم ... و نعم ل حياة صحيه .... لا للـ حرمان لان يولد الانفجار


ان شاء الله من بكره راجعه ع الدايت و بقوه لان اخدت بريك طويل ههههههههههههه و لازم اكمل المشوار


ادعولي .....


احبكم في الله ..................... :26: