تجربتي في رفع مناعه اولادي + وجبات مفيده

السلام عليكم بنات حبيت افيدكم بطريقتي لرفع المناعه لاولادي ولو واحده كمان عندها طرق اخرى تفيدنا ......مع ذكر وجبات مفيده
اول شيء كان اولادي مناعتهم ضعيفه ودايما يمرضون بنزلات برد ومضاد ووو ...وينحفوا وتقتطع شهيتهم فتره بعد المرض الين تعبت وانا من مستشفى لمستشفى ومن صيدليه لصيدليه الين قررت اشوف حل فرفرت بجوجل قد حفظني جوجل من كثر الفرفره ههههههه .....فكنت اقرا بالاشياء الي ترفع المناعه منها 1-فيتامين سي من ليمون وبرتقال ويوسفي وكيوي ووووو يعني تبحثوا بجوجل عن مصادر فيتامين سي لانها ترفع المناعه وتساعد ع امتصاص الحديد .فدايما البرتقال او اليوسفي متوفر بالبيت والليمون احيان اعمله عصير او اضيفه للشربات والسلطه .
2- العسل اشتريت النوعين العسل المستخرج من النحل واشتريت العسل الاسود المستخرج من قصب السكر واضيفه لهم ع ماء او حليب . العسل للطفل بعمر سنه لاتستخدموه قبل السنه .... وله فوايد يمسك البطن وقت الاسهال والاشياء كمان الي تمسك البطن الموز والتفاح والنشا والارز
3- الزنجبيل مايرغبوا فيه بس احيان اضيفه للحليب بدون ماينتبهوا
4- الحبه السوداء اطحنيها وضيفيها لبعض الاكلات
5 - انوع بالخضار والفواكه وماشاء ارتفعت مناعتهم ونادرا مايمرضوا لله الحمد ....
بالنسبه للوجبات احاول ان اكلهم يتنوع الصباح مثلا اول مايصحو ماء وفاكهه وبعدها بشويه سندوتشات جبن او نوتيلا او فول سوداني او بيض شكشوكه او مسلوق او فاصوليا او فول
بالنسبه للشوربه اسوي انواع اما شربه العدس مع الخضار احاول اقطع فيها خضار كثيرهواضيف لها الكبزره والبقدنوس والشوفان والليمون .... او شربه جريش بحيث اسلق الجريش واضيف له لبن وزعتر مره يحبوها اولادي او ممكن تضيفي لها لبن وحليب وزبادي .....او اسلق الجريش واضيف له مرقه دجاج او لحم ......اسوي لهم كبسات سواء لحم او دجاج ... مكرونه بالباشميل .. مكرونه القشطه بالدجاج احاول انوع عشان مايملوا .... اسوي فته خبز واضيف لها مرقه .... اسوي عصيده دخن وشام ... صينيه دجاج يحبوها ... وكمات بالغداء سلطه منوعه واضيف لها زبادي وخل وزيت زيتون واحيانا مايونيز وارش عليها زعتر او سماق وزيتون اسود ... اشتري لهم مكسرات لان لها فوايد لاتحصى ومنها تقويه الذاكره ولاتنسوا السمك والتونه
اشتري لهم سمسم واضيفه للزبادي او اللبن او الفطاير لان له فوايد كثيره وهو غني بالكالسيوم
بالنسبه للعصاير احب اعملها بالبيت مانشتري معلب الا نادرا العصاير احيان كركديه احيان عصير الزبيب الاسود احيان عصير موز اخلطه مع تمر وحليب وعسل ....
المهم لازم اكل ابنك يكون متنوع مابين الكالسيوم والبروتينات الحيوانيه والنباتيه والبقوليات والخضار والفواكهه .
وما اعطيهم شبسات ولا اندومي ولا ببسي بالبيت اسوي لهم شبس بزيت نظيف استعمله مره مرتين وثالث مره ارمي الزيت
هذه تجاربي والي عندها اي تجربه او اي اكله تسدحها هنا ولها جزيل الشكر ...