بسم الله الرحمن الرحيم
السلام عليكم ورحمة الله وبركاته
أتمنى الجميع بالف صحة وعافيه:26:
انقطعت فترة عن المنتدى وسبب انقطاعي أمور كثيره حصلت لي
بداية شهر 1 ميلادي تأخرت علي الدورة إسبوع وقلت كالعاده بتاخذ لها وقت لين تنزل ما راح احلل ابد
واستمر تأخرها علي شهر كامل وقلت مو جديد عليها وكان هالشهر يصادف انتقالي انا وزوجي من مدينة لأخرى وانشغلت في الانتقال والاثاث والسكن والترتيب وغيره
بعد تأخرها نزلت علي بشكل فظيع قطع دم ونزيف قوي وأخطأت إني رحت لمركز سبا في فندق وعملت مساج لجسمي لان المساج وقت الدورة خطير وسبب لي نزيف استمر تقريبا شهرين
أخذت حبوب أكثر من 3 أنواع لوقف النزيف وما رضى يوقف النزيف
قررت إني أروح لدكتور شاطر وسمعته قوية وأخترت لي دكتور من نصائح البنات ورحت له
لأول مره من زواجي أحس إني عند دكتور فااااااااااااااااااااااااااااااااااااااهم
أول شي وقف لي النزيف
ثاني شي وقف لي حبوب البرولاكتين اللي أخذتها لمدة تفوق 7 شهور
ثالث شي وقف لي حبوب الجلوكوفاج قال ماخذتها تقريبا سنه ولا عطت نتيجة ليه لسى تاخذينها وهي ممكن تؤثر على عمل البنكرياس
طلب مني عمل تحاليل جديدة وأشعه جديده
وقرر منها عملية منظار بطني لإزالة التكيس وبنفس الوقت فحص أنابيب الرحم والرحم
طبعا الدكتور كان صريح معاي جدا وقال لي ان العملية بعدها نسبة الحمل عالية ولكن عندنا فقط 6 شهور ما حملتي بهالفترة تعتبرين ما استفدتي من هالعملية ابدا
طبعا العملية هذي جدا حساسة يعني ما تسلمين نفسك لأي دكتور عليها ممكن تخسرين مبيض او انبوب رحمي او التصاقات لانها جدا حساسة وخطيرة لازم دكتور شاطر في هالمجال
كانت تكلفة العملية تقريبا 7 الاف ريال او اقل مو متذكرة
ومدتها ساعه او أقل على حسب المريضة
والبنج فيها كااااااااااااامل ما تحسين بشي
والشقوق مثل عملية الزايدة او المرارة فقط 3 فتحات واحده تحت السرة مباشرة واحدة على المبيض الايمين وواحده على المبيض الأيسر والشق الواحد يقارب ا سم
وتقيمين بالمستشفى تقريبا يوم بليلة
وتستمرين على حبوب المسكنة تقريبا اسبوع
تقرر وقت العملية ودخلت المستشفى وكنت مرعوبة لانها او عملية اسويها
لكن للأمانه لما جربتها تحسفت اني خفت وارعبت نفسي كانت جدا بسيطة الحمد لله
الدكتور لما عمل لي العملية كل شي كان مصور ويعطيك شريط مصور لعمليتك طبعا فقط تصوير البطن من داخل ما تشوفين لا جراحة ولا شكلك وانتي مبنجة ولا شي
فقط كاميرا مصاحبة للمنظار وهو في داخل البطن وتصور عمله
الحمد لله تككلت عمليتي بالنجاح
وتم عمل تثقيب للمبايض وفحص الرحم والأنابيب
ولكن وجد الدكتور قطعة مثل الورم على احد المبايض وتم ارسالها للمختبر وتبين انه ورم حميد ولله الحمد وتم ازالته في نفس وقت العملية
( أنا من مستخدمي الاب توب من فتره جدا طويلة تقريبا أكثر من 9 سنوات ودايما استخدمة وهو على رجولي وكنت أحس بنغزات في مبيضي لما استخدمه وهذا كله بسبب اشعاعات الوايرلس هو المسبب الاول والاخير له ولو تحطون الاب توب في حظنكم بتلاحطون ان انارة الوايرلس مواجهة تماما للمبيض الأيسر ,, احذرو )
قرر الدكتور لي بعد العملية من أول دورة تجيني أبدى كورس تنشيط
قدر الله وحصلت لي ظروف قاهره وما قدرت اراجع الدكتور وقت الدورة اللي كانت في تاريخ 5 مارس
ومن يومها إلى الآن ما نزلت علي الدورة
حللت منزلي 3 مرات وكلها سلبي
حللت بالمستشفى مرتين وكلها سلبي واخر تحليل كان بتاريخ امس 26 -4
يعني تقريبا الدورة متأخرة علي 24 يوم
والواجب انها ما تتأخر لاني أزلت التكيس
تأملت كثير ان اكون حامل وخاصة اني حلمت أكثر من مره هالشهر اني حامل وعادة إذا تأخرت الدورة علي أحلم بنزولها وتنزل الا هالمره ولا أقدر أقول ان الحلم من الشيطان لاني الحمد لله ما أنام إلا على وضوء وانا قارية ان اللي ينام على وضوء يرى أحلام ليست من الشياطين ..!!
ممكن يكون ارتفاع في هرمون الحليب :09:
هو الشي الوحيد اللي ما فحصته هالفترة
عموما نصيحتي لبنات الرياض أفضل الدكاترة
( دكاترة الحبيب مثل محمد بقنة والسوداني ناسية اسمة )
بنات الشرقية
( الأتربي في مستشفى سعد - دكتور نصر الدين خولي في عيادات شروق الهدى)
نقطة نسيت أذكرها :
زرت قبل اعمل العملية إمرأه عجوزة هي ممرخة شعبية
مرخت رحمي وقالت رحمك فيه رطوبة زايده يعني مويات وفعلا انا اعاني كثير من الافرازات ولا اي تحميلة ولا اي كريم ولا مضادات حيوية نفعت معاي كلها مؤقته
مرخت رحمي وصرفت لي تحميلات من عندها والحمد لله ارتحت كثير على علاجها
بالنسبة للتحميلة مكوناتها سهله واللي تبي تسويها بنفسها تسويها
( مره أحمر نظيف مطحون مقدار واحد - كمون مطحون ربع مقدار - محلب مطحون نصف مقدار - ملح خشن مقري فيه مطحون مقدارين - عسل طبيعي للعجن لازم يكون أصلي لان السكر يخرب ) تعجن مع بعض وتدهن بزيت الزيتون عشان ما تلصق في بعض وتحطينها بالفريزر تستخدمينها اخر يوم بالدوره قبل النوم لمدة اربع ايام وتمتنعين عن الجماع والدورات اللي بعدها تستخدمينها على يوم واحد فقط
نصيحة لأي وحده مقبلة على علاج في مستشفى عشان ما يضيع تعبك بالمستشفيات على الفاضي :
1- الدعاء .
2- زيارة ممرخة شعبيه .
3- عمل كاسات هواء على الظهر ممكن يكون مفتوح الظهر .
4- تروح لشيخ يقرا عليها يمكن فيها عين او انها هي تقرا سورة البقره او انها تغتسل بخلطة الرومي وقبل كذا تقرا على الخلطة بنفسها آيات الحسد والعين وأي أعراض تجيك إعرفي انك مصابة .
5- تستخدم قهوة الدورة مره ممتازة ( 2م ك من كل من : قرفة - قرنفل - نخوة - زنجبيل - قشر قهوة ) وتستخدم 1 م ك من هالخلطة على لتر ماي وتخليه يغلي 20 دقيقه وتتقهواه طول الدورة .
مع علاج المستشفى وبإذن الله الله يرزقنا كلنا يارب
قبل تبدين أي علاج تنشيط تأكدي من التالي :
1- نسبة هرمونات الجسم معتدلة .
2- الغده سليمة .
3- الرحم سليم والانابيب مفتوحة .
4- تحليل زوجك جيد .
( خطأ ارتكبتة من جهلي سمحت لدكتور يعمل لي كورس تنشيط في وقت الهرمونات كانت ملخبطة بدأ في نفس الوقت علاج هرمونات وتنشيط لين وصلت لحالة التكيس اللي انا فيها )
أسأل الله ان يرزقنا جميعا وأن يكون موضوعي مفيد للكل يارب
موضوع مهم
الله يعوض عليك بالذريه الصالحه المعافاه الله آمين