مساء الخير
حابه اتكلم لكم عن تجربتي ورحلتي في نزول وزني اول شي قبل ثلاث سنوات بعد ماجبت طفلي الثالث سويت دايت قاسي بمعنى الكلمه ونزلت عشرين كيلو في شهرين وهاذا كان غلط فرحت وقلت خلاص الحمدلله وصلت للي ابغاه وهاذي كانت غلطتي الثانيه لاني طول السنتين بعدها ماعاد وزنت مقتنعه اني مازدت الين جا ذاك اليوم الي قررت اشوف كم وصلت وكانت الصدمه رجعت الي نزلتهم وعليهم زياده كم كيلو بعد 😓😓
فقلت خلاص لين متى وانا كذا الزمن واقف عندي من عشر سنوات نفس شكلي ووزني وكل صيف او مناسبات اشوف الي حولي تغيرو للافضل وانا في نفس مكاني 😣😣
فبديت اقرأ عن افضل رجيم ماهمني الوقت وانه بسرعه انزل قد ماهمني انه يكون صحي وماارجع الي نزلته والحمدلله بديت من شهر خمسه يعني قبل سته شهور ونزلت سبعه وعشرين كيلو ماشاء الله
الدايت الي سويته كان السعرات الحراريه في اليوم مسموح لي ب1200 سعره ممكن تنقص لكن ماتزود وابتعدت عن المقالي والسكر الأبيض في المشروبات والحلا مره في الأسبوع والمعجنات مره في الأسبوع بعد
كنت افطر مثلا نص رغيف مع بيضه او جبنه لايت مع كاسه شاي بدون سكر او نسكافيه بحليب قليل الدسم بدون سكر
واخذ بعده سناك تفاحه او برتقاله
الغدا كان نص صدر دجاجه او تونه بدون زيت مع سلطه وسته ملاعق رز ابيض
سناك ممكن قشر مع ثلاث حبات تمر او لوز سبع حبات
والعشا دايما يكون زبادي مع عصره نص ليمونه ويكون بدري ممكن الساعه سته او سبعه اقصى شي
التمارين كارديو ومقاومه
والحمدلله وقفت لي شهر تقريبا مازاد وزني ثابت وغير كذا صايره مااقدر اكل كثير بطني يتعبني تعودت على الاكل الخفيف واذا اكلت في الليل مااقدر انام من تعب بطني والحمدلله باقي لي على المثالي عشره كيلو بنزلها هالأيام ان شاء الله
وعقبال الجميع يوصل للوزن الي يبغاه بصحه وعافيه واي سؤال انا حاضره
um-mesho @um_mesho_1
محررة
يلزم عليك تسجيل الدخول أولًا لكتابة تعليق.
Warda12
•
لوسمحتي شو برنامج السعرات يلي كنتي تحسبي علي سعراتك
انا بالنسبة الي منزلة برنامج FUDC
و برنامج رشاقة لحساب الخطوات لقيتهم افضل برنامجين
انا بالنسبة الي منزلة برنامج FUDC
و برنامج رشاقة لحساب الخطوات لقيتهم افضل برنامجين
ماشاء الله بالتوفيق والى الأمام حلو النجاح بجميع خطواته هذا يعتبر انجاز ونهنيك 👍🏻🌹
حبيبتي ممكن تنزلين جدول السعرات ١٢٠٠
نمشي عليه فضلا لاأمرا 🌺
حبيبتي ممكن تنزلين جدول السعرات ١٢٠٠
نمشي عليه فضلا لاأمرا 🌺
um-mesho
•
Warda12 :
مبارك عليك ماشاء الله لا حول ولا قوة الا بالله ربنا يمدك بالصحة والعافية الدايت الصحي افضل من كل شي افضل من عمليات المعدة والتكميم و من الدايت القاسي 🌺مبارك عليك ماشاء الله لا حول ولا قوة الا بالله ربنا يمدك بالصحة والعافية الدايت الصحي افضل من...
شكرا ياعسل
صادقه والله افضل بكثييير
صادقه والله افضل بكثييير
الصفحة الأخيرة
ربنا يمدك بالصحة والعافية
الدايت الصحي افضل من كل شي
افضل من عمليات المعدة والتكميم و من الدايت القاسي
🌺