تجربتي في نظام وجبه وحده باليوم + بعض تجارب البنات

السلام عليكم ورحمة الله وبركاته
كيفكم يا أمورات ان شاء الله بخير . .؟
اليوم جايبه لكم نظام بصراحه عجبني واستفدت منه وحابه افيدكم خصوصا للي مثلي ماعندهم اراده ولا عزيمه..
الي هو نظام وجبه وحده باليوم وتكون دسمه وانا عادة اخليها على الغداء وبعدها اشرب قهوه مع تمر او جالكسي او كيك وحسبت انه نحفني 200 جرام يوميا اي 2 كيلو خلال عشر ايام مع مشي اقل شي نص ساعه واكثر شي ساعتين لكن ماكنت اشرب شاهي اخضر ولا اي نوع من الاعشاب بس طول اليوم اشرب مويه وانا قريت انه من عيوبه ان الجسم يختزن الدهون ومايحرق مشان هيك لما تحسي بالجوع كلي تفاحه او خياره عشان يحرق الجسم ومايختزن الاكل وتعرفون طبيعة الاجسام تختلف ممكن مو يناسب الكل
وانامرره ناسبني احسن من الحرمان او اتقيد برجيم يفتقد لبعض الفتامينات ويكون غني ببعض الفاتامينات وما اخلي بنفسي شي
خلونا نحسب :
ينزل 200 جرام باليوم
اي ينزل 6 كيلو بالشهر
يعني لما يجي العيد ان شاء الله 18 كيلوو نازله بدون تعب ودوخه وحرمان
وان شاء الله بعتمده برمضان والسحور يكون سلطه فقط
.
.
تجارب البنات

المهم مااطول عليكم

وحدة قريبتي .. هي بالاصل رشيقة وزادت يمكن كيلو او كيلوين ورجعت سوت ريجيم ونحفت مرة اكثر من اول

سألتها طبعا. . قالت انها تاكل وجبة وحدة باليوم..

تروح للجامعة وان جاعت شربت كوفي واكل علك تسلي نفسها.. ان رجعت للبيت تنام وان صار العصر او حدود المغرب اكلت وجبه دسمة وغيرها ماتاكل في اليوم شي ابد..

انا ودي اسوي هالطريقة .. لكن هل تتوقع انها ماراح تأثر بعدين او يكون فيها نقص فيتامينات وغيره..

.
كيف حالكم؟؟؟
عارف اني غلطان وسجلت بموقعكم معاكم احمد 23 سنه بدرس بالاردن ادارة اعمال
المهم قرءة الموضوع الخاص بالرجيم
انا على فكره كان وزني من سنتين 110 وحاليا بحمد ربي على هذه الانجاز صرت 60 اذا مش اقل
خسرت 40 كيلو ب3اشهر بس
الشغله اراده بس
مثل ماتفضلت الاخت وحكت وجبه وحده باليوم صح كلامها
هيك كان رجيمي مع شوية رياضه اللي هي المشي
وانا بضمنلك من عندي خلال مده معينه راح تكوني خسرانه من الوزن الزايد
وبكرر اسفي مره ثاني عشان اشتراكي بهذه الموقع
.
أنا بنتي جربته يهبل بعطلة الصيف وساعدها على النزول وكانت بنتي تاخذ مقويات عشان الدم
أنصحج سويه بس خلي في بالج إن هالوجبة تحتوي على العناصر الغذائية المهمة للجسم


.


أنا مااأشارك بالمنتدى بس حبيت انى أفيدج

أنا جربت الرجيم هذا ونزلت عليه لحد اليوم 33 كيلو

كنت 106 واليوم وزنى 73 طبعا مااقولج الفرق شلون رهيييييب الكل منصدم من شكلى

باجى 3 كيلو ويصير الأمن مستتب ههه

اول الايام لما بديت كنت أموت من الجوع وبطنى يطق طبول وبعدين تعودت وأصلا لو آكل أكثر أنغثثثثثث

الكل قالى إذا هديتى الريجيم راحت تنتفخين لانه مو صحى ...... أبشرج أنا هديته صارلى شهر لانى رحت الحج وتعرفين بوفيهات الحج بلاااااااااوى رجعت الكويت ووزنت وأنا خايفه طلعت مو زايده ولا غرام

.
انا حاليا قاعدة اسوي هالطريقة

اكل وجبة وحدة باليوم واخذ فيتامينات سفن سيز من صيدلية بوتس مرتين باليوم

وانام باجي اليوم لووووول
للحين انا نازلة 5 كيلو

وزني قبل اسبوعين كان 70

الحين 65

وبكمل

بس يبيلي رياضة

.
أما أنا فهذي قصة حياتي الرجيمية


جربت جم نوع من الرجيم ، ومشكلتي اني ماستمر فيهم ، وبالأخص ان الاكل مو منوع وما آكل أي شي


صديقتي قالتلي عن رجيم الوجبة باليوم وسويته ، كان عبارة عن ...
وجبة وحده باليوم ويفضل ماتكون بليل ، يعني ع الغدا ، آكل فيها الي أبيه وبالكميه الي أبيها
ولكن بشرط ....... ان أكثر من أكل الخضره بالأخص الخضره الورقية ، وكذلك أقدر آكل فاكهه ، والخضره والفاكهه على طول اليوم وبأي وقت

سويته أول شهر ،بدووون رياضه ، نزلت 5.5 كجم

وبعدها تخرجت من الجامعه ولعبت لعب من الوناسه




رديت على هالرجيم من شهر 7 ولمدة 3 أشهر ،، ولكني كنت آكل الوجبة وأطنش الخضره ، وهالشي أثر علي صرت بالشهر انزل 2 كجم ، أو اكثر بشوي

ولكن هالرجيم له فضل كبير علي ،،، انه خلاني اتعود اني ماتعشا ، وهذي اكثر ميزة أخذتها من هالرجيم
وبعد الثلاث اشهر بديت برجيم ثاني والحمدلله مرتاحه لأنه تعودت ماتعشا بليل ،، ووجبتي الي كنت اكلها ، صرت أقللها مع رجيمي اليديد


وسلامتج وبالتوفيق
.
هذا ريجيمي اللي امشي عليه حاليا

لي يومين ونزلت كيلو

ومرتاااااااااااااااااحه عالأخر مع العلم اني أكوله و شهيتي مفتوحه واحب اذوق كل شي و احب بعد الأكل المش مفيد

ويشبه نظام الوجبه الوحده بس احسن منه

.
هذا البرنامج ينزل وايد بس في بعض التغيير مثل
وجبة الغدا تكون قريبه للدايت والعشا زبادي والفطور مو مهم تفطرين
ولازم لازم مشي وشوفي النتيجه
.
ولا وحدة فيكم جربت انا اقولكم اختى جربت من اربع ايام تاكل وجبه وحده ونحفت كيلوين ونص ها وش رايكم

اختى تبشرنى تقول انها اتبعت هالطريقه وجبه وحده باليوم تقريبا لها 5 ايام وتقول انها نحفت بان على وجهها ويدينها وتاكل الوجبه اللى هى تبيه انا جربت قبل كذا وحسيت بثبات بالوزن هل يختلف من جسم لاخر

..................
..................

الي تستفيد من النظام تدعي لي بالوظيفه