تجربتي .. كيف ضعفت 14 كيلو خلال أقل من سنة

السلام عليكم
أولا احب اقول ..
ان اللي يروح بسرعه يرجع بسرعه ..
واللي يروح ببطء .. يرجع ببطء
وانا من ضعفت هالـ14 كيلو .. صار وزني يتذبذب يزيد كيلو اوينقص واحد

انا جسمي من النوع التفاحي يعني متينة من فوق اكثر من تحت :D
هذا االشي خلاني لما أنام قلبي يعورني وتصيبني آلام شديدة في صدري واحس باختناق .. لأن الشحوم مكتنزة كلها على بطني وكبدي ..

هنا حسيت برغبة كبيرة اني انزل وزني .. وكان 60 كيلو وطولي 152
فصرت اتحرك كثير بالبيت واركب وانزل على الدرج .. وحرمت نفسي المقليات خاصة حبيب قلبي البطاطس المقلي والكبسات وكل انواع العيوش .. واشتريت لي دراجة ثابته واقعد عليها ساعه واكثر باليوم ..

ظليت اشهر على هذا الحال .. ووزني مو راضي يتغير ويمكن نزلت بس قليل
لانو بعد التمارين كنت آكل واعوض نفسي ..واحيانا احرم نفسي طول الأسبوع ويوم الجمعة اطينها ..

فصابتني انيميا وشعري تساقط :( .. فصابني اكتئاب على شعري
فقررت آكل كل شي احبه بس ماقرب الحلويات والمأكولت الدسمة .. واستبدل في الطبخات الزيت بدل الزبدة .. وأترك البيبسي والعصائرالمحلاة

ومن زين الصدف ان الميزان الكابوس المرعب اخترب ورميناه :icon28:

هنا استقرت نفسي .. وحسيت اني أرضي نفسي وماحرمها من شي .. حتى لو انطبخ بطاطس في البيت .. آخذلي حبة حبتين عالماشي بس ماحرم نفسي

بعدها لاحظت اني في اليوم اللي اتمرن فيه آكل اكثر من اليوم اللي ماتمرن .. فتركت الدراجة .. وصاروا اليهال يلعبون عليها لين خربوها خخخخ وافتكيت منها

بعدها مرت الآيام على هذا المنوال وعلى هذا النظام 7 شهور ..
وانا طبعي انطوائيه وماطلع .. وفي البيت دايما لابسه دشاديش لهذا ماحسيت بلبسي انه تغير

المهم
صابني التهاب شديد بالأذن وتورم جانب كامل من وجهي .. فرحت المستوصف وطلبوا مني أوزن قبل لااقابل الدكتورة .. وكانت المفاجأة .. .ان وزني 48 :icon28:

فصرخت لدرجة تلفتوا كل الممرضات خخخ

والآن تركت النظام وصرت آكل عادي و رجعت آكل كبسات وآكل مقليات بشكل معقول
ووزني بين 46 واذا زاد يكون 48 بس

وأخيرا نقول ان الريجيم موفترة مؤقته ..لازم تصنعين ريجيمك الخاص الي يريحك
وتخلينه نظام حياة مش نظام مؤقت

وان شاء الله افدتكم :27: