تجربتي لازالة اثار حب الشباب ب 5 ريال فقط

السلام عليكم ورحمة الله و بركاته
حبيباتي انا اليوم ببدأ بقصتي مع بداية الحبوب في الوجه و كيف عالجتها هي و الاثار
بدايتي كانت مع استخدامي لزيت اللوز الحلو سمعت عنه كثير زين للوجه يعطي صفاء للبشره و نظاره و انا كانت بشرتي صافيه نوعا ما ، بس كنت ابي لون موحد للبشره و استخدمت الزيت و استمريت عليه بدون فايده لين ماطلعت لي حبوب وهذا اللي ماحسبت حسابه ، على طول وقفت و بديت اعالج الحبوب في هالحال كان ودي بس بشره خاليه من الحبوب و الاثار مو مهم النظاره و الصفاء رحت افرفر المنتديات وكل شي اشوفه اجربه صوابين و كريمات و مراهم و ادويه ولا فاد يمكن اكثر من 8 شهور بس احاول اعالج بشرتي و اخر امل كان عندي اني دخلت هالمنتدى ولقيت وحده اسمها رنا الله يوفقها و يسعدها دنيا و اخره و يفرج همها زي مافرجت همي كاتبه عن تجربتها مع الحبوب وش كان تتوقعوون الحل ؟؟


المسحه الطبيه نعم ماغيرها هي المسحه اللي يحطها الدكتور قبل مايضرب الابره عشان يخدر المكان وماتحسين بالابره
نرجع لموضوعنا قريت موضوع رنا و بعضهم ف الردود يستنكرون كيف نستخدمها للبشره يمكن تنعدم و من هالكلام لانه المسحه عباره عن كحول زي ماقريت رحت ابحث عنها في العم قوقل شفت استخدامتها ولقيت تستخدم لاشياء كثيره و انا ماتوقعت 1% تفيد معي يأست بس قلت اجرب مثل ماجربت قبل ماني خسرانه شي رحت اشتريتها كرتون فيه 100 حبه ب 5 ريال و استخدمت نفس طريقة رنا وفادت معي بشكل كبيرررر ب شهر ونص تقريبا والله العظيم اختفت الاثار بنسبة 90 % ماشاءالله تبارك الله،، اول مره احس استخدم شي و يبان فيني ،، مع ان اول و ثاني اسبوع ماشفت تغير بس اخر اسبوعين شفت الاثار اختفت و تركت المسحه
بس ي حبيباتي ابري ذمتي اللي بيستخدمها اذا سببت له حكه او احمرار يتركها على طول عشان ماتدعون علي انا استخدمتها ماسببت لي شي الحمدلله و حبيت افيدكم مثل ما استفدت لعلكم تدعون لي بالوظيفه

انا بكتب بعض التساؤلات المتوقعه تسألوني و بجاوبها
س: ماهي المسحه الطبيه ؟
صورتها تحت موجوده اي صيدليه تلاقينها عندهم ب 5 ريال

س: وش نوع المسحه اللي استخدمتيها ؟
يوم قريت موضوع رنا سألوها عن النوع و عطتهم النوع اللي استخدمته ولما انا رحت سألت الصيدلي عنه قال كلها نفس النوع السائل نفسه بس شكل المناديل يتغير احيانا يجي خفيف و احيانا يجي ثقيل كأنه قطن ( انا عن نفسي استخدمت نوعين واحد اللي ف الصوره وواحد كرتونه رميته مو عندي للاسف )
س: كيف طريقة استخدامك للمسحه ؟
اول ما اصحى من النوم قبل اغسل وجهي بشي اخذ قطعه مسحه و احركها بشكل دائري على الوجه ورح تصير سودا هاذي هي الدهون اللي تطلع انا استخدم قطعه وحده إذا تبون تستخدمون قطعه ثانيه براحتكم لين تصير القطعه بيضا كذا خلصت الدهون اخليه 5 دقائق و اغسل وجهي بالصابون و الماء لاني بعد ما اصحى اتوضى و اصلي و خفت اغسله بمويه بس بعضهم قالو الكحول تنقض الوضوء و كنت اغسل بالصابونه للاحتياط

اسفه على الاطاله بس حبيت احطكم ف الصوره و وكيف تخلصت بالتفصيل من الحبوب و اثارها > اسمع بأسلوب التشويق ههههههههههههههههههه
بس للامانه بعد ماتركت المسحه حسيت بشرتي صارت جافه عشان كذا انا الحين بستخدم لها كريم كولاجين ايفا و خايفه ترجع لي الحبوب مره ثانيه ابي ترطيب للبشره و نظاره اش رأيكم هاذي صورة الكولاجين تحت بالردود اللي جربته تفيدني و اكون شاكره لكم
( حطيت الصور بالردود لانها مو راضيه تتحمل ف الموضوع )